'സൂര്യയെപോലെയല്ല അൻഷിത... ഹൈപ്പറാണ്', വിശേഷങ്ങൾ പങ്കുവെച്ച് കൂടെവിടെ താരം

ഇപ്പോൾ സീരിയലിലെ നായിക കഥാപാത്രത്തെ അവതരിപ്പിക്കുന്ന അൻഷിത കൂടെവിടെ സീരിയൽ വിശേഷങ്ങൾ പങ്കുവെച്ച് എത്തിയിരിക്കുകയാണ്. സൂര്യ കൈമൾ എന്ന കോളജ് വിദ്യാർഥിയാണ് സീരിയലിൽ അൻഷിതയുടെ കഥാപാത്രം. സൂര്യയെന്ന കഥാപാത്രവും താനും തമ്മിൽ ഒരുപാട് വ്യത്യാസങ്ങളുണ്ടെന്നാണ് അൻഷിത പറയുന്നത്. താൻ ഹൈപ്പർ ആക്ടീവും സൂര്യ കൈമൾ വളരെ അച്ചടക്കവും ഒതുക്കവും ഉള്ള കഥാപാത്രവുമാണെന്നാണ് അൻഷിത പറയുന്നത്. കബനി എന്ന സീരിയലാണ് അൻഷിതയെ മലയാളി മിനിസ്ക്രീൻ പ്രേക്ഷകർക്ക് സുപരിചിതയാക്കിയത്.

കോഡക്സ് മീഡിയയ്ക്ക് നൽകിയ അഭിമുഖത്തിലാണ് തന്റെ വിശേഷങ്ങളെ കുറിച്ചും സൂര്യയെന്ന കഥാപാത്രത്തിന് ലഭിക്കുന്ന പിന്തുണയെ കുറിച്ചും വിശദീകരിച്ചത്. അൻഷിദ അച്ചടക്കമുള്ള കുട്ടിയാണോ എന്ന ചോദ്യത്തിന് ശരിക്കുള്ള അൻഷിത എല്ലാവരും പറയുന്നതുപോലെ അൽപം ഹൈപ്പർ ആണെന്നായിരുന്നു താരത്തിന്റെ മറുപടി. പുറത്തുപോകുമ്പോൾ വലിയ സ്നേഹമാണ് പലരിൽ നിന്നും പ്രത്യേകിച്ച് അമ്മമാരിൽ നിന്നും ലഭിക്കുന്നതെന്നും അൻഷിത പറഞ്ഞു. ചിലരൊക്കെ ഓടി വന്ന് കെട്ടിപ്പിടിച്ചിട്ട് സൂര്യ കൈമൾ എന്ന കഥാപാത്രത്തെ അവർക്ക് ഒരുപാട് ഇഷ്ടമാണെന്ന് പറയാറുണ്ടെന്നും താരം പറഞ്ഞു.

Recommended Video

ഡാൻസുകാരിയെ പാട്ടുപാടിക്കുന്ന മമ്മൂക്ക..മലയാളത്തിന്റെ സ്വന്തം നടി മതിമറന്ന് പാടി

മുന്നോട്ടും സീരിയൽ ചെയ്യണമെന്നാണ് ആഗ്രഹമെന്നും തന്റെ ഉമ്മയ്ക്ക് ഹോട്ടൽ തുടങ്ങണമെന്നാണ് ആഗ്രഹമുണ്ടെന്നും അതിനാൽ ഭാവിയിൽ ഒരു ഹോട്ടൽ ആരംഭിക്കുമെന്നും താരം പറയുന്നു. ഉമ്മി നല്ലൊരു കുക്കാണെന്നും അൻഷിത വ്യക്തമാക്കി. യാത്ര ചെയ്യാൻ തനിക്ക് ഒരുപാട് ഇഷ്ടമാണെന്നും പ്രത്യേകിച്ച് രാത്രിയിൽ ഡ്രൈവ് ചെയ്യാൻ ഇഷ്ടമാണെന്നും അൻഷിത പറഞ്ഞു. ഒഴിവ് സമയങ്ങളിൽ ഉറങ്ങാനും ഭക്ഷണം കഴിക്കാനുമാണ് താൻ ഇഷ്ടപ്പെടുന്നതെന്നും കൂടെവിടെ താരം പറയുന്നു. സീരിയയിലെ നായകൻ ബിപിൻ ജോർജുമായും അദിതി ടീച്ചറുടെ വേഷം ചെയ്യുന്ന ശ്രീധന്യയോട് ബഹുമാനവും സ്നേഹവുമാണ് തനിക്കെന്നുമുള്ളതെന്നും അൻഷിത പറഞ്ഞു. ഋഷി എന്ന കഥാപാത്രത്തെ കാണുമ്പോൾ നമ്മുടെ കോളജുകളിലും ഋഷിയെപോലുള്ള അധ്യാപകർ ഉണ്ടായിരുന്നെങ്കിൽ എന്ന് തോന്നാറുണ്ടെന്നും അൻഷിത പറയുന്നു. സീരിയലിൽ വന്നശേഷം ഒരുപാട് പ്രേക്ഷക പിന്തുണ ലഭിക്കുന്നുവെന്നത് ഏറെ സന്തോഷത്തോടെയാണ് കാണുന്നതെന്നും അൻഷിത പറഞ്ഞു. നല്ല കഥാപാത്രങ്ങളുള്ള കൂടുതൽ സീരിയലുകൾ ചെയ്യാനാണ് ആ​ഗ്രഹമെന്നും അൻഷിത പറഞ്ഞു. സോഷ്യൽമീഡിയകളിലും ഏറെ ആരാധകരുള്ള താരമാണ് ഇപ്പോൾ അൻഷിത. പുറത്തിറങ്ങുമ്പോൾ പലരും തിരിച്ചറിയുകയും അടുത്ത് വന്ന് സംസാരിക്കുകയും ചെയ്യുന്നത് സന്തോഷം പകരുന്നുണ്ടെന്നും അൻഷിത പറയുന്നു.