എനിക്ക് എങ്ങനെ ഇത്രയും ഭാഗ്യമുണ്ടായി! അത്ഭുതം തോന്നാറുണ്ടെന്ന് ദർശന ദാസ്; ആശംസകളുമായി ആരാധകരും

2020 ന്റെ തുടക്കത്തിലാണ് സീരിയലിൽ അസിസ്റ്റന്റ് ഡയറക്ടറായ അനൂപിനെ ദർശന വിവാഹം ചെയ്യുന്നത്. ഒരുമിച്ച് വർക്ക് ചെയ്തപ്പോൾ തുടങ്ങിയ പ്രണയം വിവാഹത്തിലേക്ക് എത്തുകയായിരുന്നു. ഇപ്പോഴത് മനോഹരമായ ദാമ്പത്യത്തിലെത്തി നിൽക്കുന്നു. ഇന്ന് പ്രേക്ഷകർക്കെല്ലാം അറിയുന്നതാണ് ഇവരുടെ പ്രണയ കഥ.

അടുത്തിടെ ഞാനും എന്റാളും ഷോയിൽ മത്സരാർഥികളായി ഇവർ എത്തിയിരുന്നു. ഇതോടെയാണ് ദർശനയും അനൂപും കൂടുതൽ പ്രേക്ഷകർക്ക് സുപരിചിതരായതും ഇവരുടെ ജനപ്രീതിവർധിച്ചതും. വീട്ടുകാരുടെ സമ്മതമില്ലാതെ നടന്ന വിവാഹം ആയത് കൊണ്ട് തന്നെ ദർശനയുടെ കുടുംബം ഇവരുമായി അകന്ന് നിൽക്കുകയായിരുന്നു.

ഞാനും എന്റാളും ഷോയിലൂടെ അനൂപിന്റേയും ദർശനയുടേയാണ് ദർശനയുടെ കുടുംബം വീണ്ടും ഒന്നിച്ചത്. പിണക്കം മറന്ന് അച്ഛനും അമ്മയും ഞാനും എന്റാളും വേദിയിൽ എത്തുകയായിരുന്നു. ഷോയിൽ വെച്ച് ദർശനയുടെ അച്ഛൻ തനിക്ക് ഉണ്ടായ വിഷമത്തെ കുറിച്ചൊക്കെ മനസ്സു തുറന്നിരുന്നു. എന്നാൽ അച്ഛനും അമ്മയുമായി രമ്യതയിലാകുന്നത് ചാനലിൽ സംപ്രേഷണം ചെയ്തതിന്റെ പേരിൽ ദർശനയും അനൂപും ഒരുപാട് വിമർശനങ്ങൾ കേട്ടു.

എന്നാൽ അതൊന്നും കാര്യമാക്കാതെ വളരെ സ്നേഹത്തോടെ മുന്നോട്ട് പോവുകയാണ് ഇന്ന് ഇവർ. സോഷ്യൽ മീഡിയയിൽ സജീവമായ ദർശനയും അനൂപും തങ്ങളുടെ വിശേഷങ്ങളൊക്കെ ആരാധകരുമായി പങ്കുവയ്ക്കാറുണ്ട്. സ്വന്തമായി ഒരു യൂട്യൂബ് ചാനലും ഇവർക്കുണ്ട്. മൂന്നാം വിവാഹ വാർഷികത്തിന്റെ ആഘോഷങ്ങളും ക്രിസ്തുമസ് ആഘോഷങ്ങളുമൊക്കെ ഇവർ യൂട്യൂബ് ചാനലിലൂടെ പങ്കുവച്ചിരുന്നു.

ഇപ്പോഴിതാ, ദർശനയുടെ ഒരു സോഷ്യൽ മീഡിയ പോസ്റ്റാണ് ആരാധകർക്കിടയിൽ ശ്രദ്ധനേടുന്നത്. അനൂപിനെ കിട്ടിയ താന്‍ എത്ര ഭാഗ്യവതിയാണ് എന്ന് പറഞ്ഞാണ് ദർശന പോസ്റ്റ് പങ്കുവച്ചിരിക്കുന്നത്. ഞാനും എന്റാളും എന്ന ഷോയില്‍ വച്ച് കല്യാണം കഴിച്ചപ്പോഴുള്ള വേഷത്തിൽ എടുത്ത ചിത്രം പങ്കുവച്ചുകൊണ്ടാണ് ദർശനയുടെ പോസ്റ്റ്.

'ചിലപ്പോള്‍ ഞാന്‍ നിന്നെ നോക്കുമ്പോള്‍, എനിക്ക് എങ്ങിനെ ഇത്രയും ഭാഗ്യമുണ്ടായി എന്ന് ഞാന്‍ അത്ഭുതപ്പെടാറുണ്ട്' എന്നാണ് ദര്‍ശന കുറിച്ചിരിക്കുന്നത്. ദർശനയുടെ പോസ്റ്റിന് സിഐഡി എസ്കേപ്പ് എന്നാണ് അനൂപിന്റെ രസകരമായ കമന്റ്.

അതേസമയം, വിവാഹം കഴിഞ്ഞ് മൂന്ന് വർഷം കഴിഞ്ഞെങ്കിലും അച്ഛന്റെയും അമ്മയുടെയും പിണക്കം മാറിയിട്ടില്ല എന്ന് ഷോയിൽ പറഞ്ഞതിന് പിന്നാലെ ആയിരുന്നു മറ്റു മത്സരാർത്ഥികൾ ചേർന്ന് ദർശനയുടെ അച്ഛനെയും അമ്മയെയും ഷോയിൽ എത്തിച്ചത്. സംവിധായകൻ ജോണി ആന്റണിയും, ഹരി പത്തനാപുരവും എല്ലാവരും ചേർന്ന് ദര്‍ശനയുടെ അച്ഛനെയും അമ്മയെയും കണ്ട് പിണക്കങ്ങള്‍ മാറ്റുകയായിരുന്നു. ഷോയിലെ ഏറ്റവും മികച്ച മുഹൂർത്തങ്ങളിൽ ഒന്നായിരുന്നു അത്.