Don't Miss!
- Sports IPL 2024: 'ഓടെടാ'... ഹാര്ദിക്കിനെ ബൗണ്ടറിക്കടുത്തേക്ക് ഓടിച്ച് രോഹിത്! മധുരപ്രതികാരം, വീഡിയോ
- Lifestyle എന്റമ്മോ എന്തൊരു വാഗ്ദാനങ്ങള്, ലോകത്തിലെ വിചിത്രങ്ങളായ ചില തിരഞ്ഞെടുപ്പ് വാഗ്ദാനങ്ങള്
- News എഎപിയുടെ ഏക ലോക്സഭാ എംപിയും പാര്ട്ടി വിട്ടു; തിരഞ്ഞെടുപ്പിന് മുമ്പ് ബിജെപിയില്
- Automobiles ടിക്കറ്റില്ലാത്തവര് റിസര്വ്ഡ് സീറ്റ് കൈയ്യേറിയോ? ഇക്കാര്യങ്ങള് ചെയ്താല് മതിയെന്ന് റെയില്വേ
- Travel ഇതല്ലേ സ്വർഗ്ഗം! ഈ ജീവിതത്തില് ഇതൊക്കെയല്ലേ കാണേണ്ടത്; ജന്നത്ത്- ഇ- കശ്മീര് യാത്രയുമായി ഐആര്സിടിസി
- Finance മൾട്ടിബാഗർ പെന്നി ഓഹരി, ഇന്ന് കൂടിയത് 1.30 രൂപ, കുതിപ്പ് വരും ദിവസങ്ങളിലും തുടരും, കൂടെക്കൂട്ടുന്നോ...
- Technology ആധാർ അപ്ഡേഷൻ: സർക്കാർ സമയം നീട്ടിനൽകി; സൗജന്യമായി എന്തൊക്കെ അപ്ഡേറ്റ് ചെയ്യാമെന്ന് ഇതാ
എന്റെ ദുശ്ശീലമാണ് എന്നെ വീഴ്ത്തിയത്, പത്ത് ദിവസത്തോളം ആശുപത്രിയില്! തുറന്ന് പറഞ്ഞ് സുബി
മലയാളികള്ക്ക് തങ്ങളുടെ വീട്ടിലെ ഒരംഗത്തെ പോലെ സുപരിചിതയാണ് സുബി ലക്ഷ്മി. കോമഡി ഷോകളിലൂടെ താരമായി മാറി പിന്നീട് നടിയായും അവതാരകയായുമെല്ലാം കയ്യടി നേടിയ താരമാണ് സുബി. സോഷ്യല് മീഡിയയിലും സജീവമാണ് സുബി. തന്റേതായ ശൈലിയില് തമാശകളിലൂടെയാണ് സുബി പ്രേക്ഷകരെ കയ്യിലെടുക്കാറുള്ളത്.
ഇപ്പോഴിതാ തന്റെ ജീവിതത്തിലെ ചില വെല്ലുവിളികളേയും അതേ രീതിയില് കൈകാര്യം ചെയ്യുകയാണ് സുബി. ദിവസങ്ങളോളം ആശുപത്രിയില് കിടക്കേണ്ടി വന്നതിനെക്കുറിച്ചാണ് സുബി തമാശ ചുവയോടെ സംസാരിക്കുന്നത്. സോഷ്യല് മീഡിയയില് പങ്കുവച്ച വീഡിയോയിലൂടെയാണ് തന്റെ ആരോഗ്യപ്രശ്നത്തെക്കുറിച്ച് താരം മനസ് തുറന്നത്. ആ വാക്കുകള് വായിക്കാം തുടര്ന്ന്.
'ഞാന് ഒന്ന് വര്ക് ഷോപ്പില് കയറി' എന്ന് പറഞ്ഞുകൊണ്ട് ആണ് ഇന്സ്റ്റഗ്രാമില് ഫോട്ടോ പങ്കുവച്ചത്. പിന്നാലെ ഫേസ്ബുക്കിലൂടെ പുറത്ത് വിട്ട വീഡിയോയില് തന്റെ അസുഖത്തെ കുറിച്ച് സുബി മനസ് തുറക്കുന്നുണ്ട്. എന്റെ കൈയ്യിലിരിപ്പ് നല്ലത് അല്ലാത്തത് കൊണ്ട് ആണ് 'വര്ക് ഷോപ്പില്' ഒന്ന് കയറേണ്ടി വന്നത്. വേറെ ഒന്നുമല്ലെന്നാണ് താരം പറയുന്നത്.
തനിക്ക് സമയത്ത് ഭക്ഷണം കഴിക്കുക, മരുന്നുകള് കൃത്യമായി കഴിയ്ക്കുക എന്നിങ്ങനെയുള്ള യാതൊരു നല്ല ശീലവും ഇല്ലെന്നാണ് സുബി പറയുന്നത്. അതുകൊണ്ടാണ് എല്ലാം കൂടെ ഒരുമിച്ച് വന്ന് പത്ത് ദിവസത്തോളം ആശുപത്രിയില് കിടക്കേണ്ടി വന്നതെന്നും സുബി പറയുന്നു. പിന്നാലെ തനിക്ക് സംഭവിച്ച കാര്യങ്ങളും താരം വ്യക്തമാക്കുന്നു.
ഷൂട്ടിന് പോകേണ്ടിയിരുന്നതിന്റെ തലേദിവസമാണ് വയ്യാതാകുന്നത്. നെഞ്ചുവേദനയും ശരീരവേദനുമായിരുന്നു. ഭക്ഷണം കഴിക്കാന് പറ്റുന്നില്ല. ഇളനീര് വെള്ളം കുടിച്ചപ്പോഴേക്കും ഛര്ദ്ദിച്ചു. നെഞ്ചു വേദന അധികമായപ്പോള് ക്ലിനിക്കില് പോയി ഇസിജി എടുത്തിരുന്നുവെങ്കില് അതിലൊന്നും പ്രശ്നമുണ്ടായിരുന്നില്ല. എന്നാല് പൊട്ടാസ്യം കുറവാണെന്നും അതിന് കഴിക്കാന് മരുന്ന് തരികയും ചെയ്തിരുന്നു. പക്ഷെ താന് ആ മരുന്ന് കഴിച്ചിരുന്നില്ലെന്നാണ് സുബി പറയുന്നത്.
വര്ക്ക് ഒഴിവാക്കുക എന്നത് തന്നെ സംബന്ധിച്ച് ഏറെ ബുദ്ധിമുട്ടുള്ള കാര്യമാണെന്ന് സുബി പറയുന്നു. പൈസയ്ക്ക് വേണ്ടിയല്ലെന്നും വെറുതെ ഇരിക്കാന് പറ്റാത്തത് കൊണ്ടാണെന്നും താരം പറയുന്നുണ്ട്. കൊറോണക്കാലത്ത് കുറേക്കാലം വീട്ടില് ഇരുന്ന് മടുത്തിരുന്നുവെന്നും താരം ഓര്ക്കുന്നുണ്ട്. ആ സമയത്ത് മരുന്നോ ഭക്ഷണമോ താന് ശ്രദ്ധിക്കില്ലെന്നും താരം പറയുന്നുണ്ട്.
ഭക്ഷണം കഴിക്കാന് എല്ലാവരും നിര്ബന്ധിച്ചാല് പോലും താന് കഴിക്കാറില്ലെന്നും തോന്നുമ്പോള് മാത്രമാണ് കഴിക്കുന്നതെന്നും സുബി പറയുന്നു. എന്നാല് ആ ദുശ്ശീലമാണ് എന്നെ വീഴ്ത്തിയത്. ആഹാരം കഴിക്കാതെ ഗാസ്ട്രിക് പ്രോബ്ലം ഭയങ്കരമായിട്ടുണ്ടായി. കൂടാതെ മഗ്നീഷ്യവും പൊട്ടാസ്യവും സോഡിയവും എല്ലാം ശരീരത്തില് കുറഞ്ഞുവെന്നാണ് താരം പറയുന്നത്. അതുകാരണം സുബി പത്ത് ദിവസത്തോളം ആശുപത്രിയില് അഡ്മിറ്റ് ആവുകയായിരുന്നു. മഗ്നീഷ്യം ശരീരത്തില് കയറ്റുന്നത് വലിയ പ്രശ്നമല്ലെങ്കിലും പൊട്ടാസ്യം കയറ്റുമ്പോള് ഭയങ്കര വേദനയാണെന്നാണ് താരം പറയുന്നത്.
ഇതിന് പുറമെ പാന്ക്രിയാസില് കല്ല് ഉണ്ടെന്നും പക്ഷെ നിലവിലെ സാഹചര്യത്തില് അത്ര പ്രശ്നമല്ലെന്നും സുബി പറയുന്നു. എന്നാല് ഇതേ രീതിയില് മുന്നോട്ട് പോയാല് ചിലപ്പോള് പ്രശ്നമായേക്കാം എന്നും താരം പറയുന്നുണ്ട്. മരുന്ന് കഴിച്ചിട്ട് മാറിയില്ല എന്നുണ്ടെങ്കില് കീ ഹോള് ചെയ്ത് നീക്കേണ്ടി വരും. പിന്നെ തൈറോയിഡിന്റെ പ്രശ്നമുണ്ട്. ആ മെഡിസിനും ഞാന് കൃത്യമായി എടുക്കാറുണ്ടായിരുന്നില്ലെന്നും ഇനി മുതല് അതും ശ്രദ്ധിക്കണമെന്നും സുബി പറയുന്നു.
എന്തായാലും താന് ഇപ്പോള് കൃത്യമായി ഭക്ഷണം കഴിക്കാന് തുടങ്ങിയെന്നാണ് സുബി പറയുന്നത്. തന്റെ ഉഴപ്പായിരുന്നു എല്ലാത്തിനും കാരണമെന്നും സുബി പറയുന്നു. വിശന്നാലും മടിച്ചിട്ട് ഭക്ഷണം കഴിക്കാത്ത അവസ്ഥ ഉണ്ടായിട്ടുണ്ട്. പച്ചവെള്ളം കുടിച്ച് വയറ് നിറയ്ക്കും, ഒരു നേരം ഒക്കെയാണ് കഴിച്ചിരുന്നതെന്നും സുബി പറയുന്നു. എന്നാല് ഇനി അങ്ങനെയുള്ള ശീലങ്ങള് എല്ലാം മാറ്റി എടുക്കണമെന്നാണ് സുബിയുടെ തീരുമാനം.
തന്റെ അനുഭവത്തില് നിന്നും പഠിച്ചതാണ് ഇതെല്ലാം. ഇപ്പോള് വലിയ കുഴപ്പങ്ങളൊന്നും ഇല്ല. ജീവിതത്തില് തന്നെ പോലെ അടുക്കും ചിട്ടയും ഇല്ലാതെ നടക്കുന്നവര് ആരെങ്കിലും ഉണ്ടെങ്കില് അവര്ക്ക് അറിവ് പകരാന് വേണ്ടിയാണ് താന് ഈ വീഡിയോ പങ്കുവച്ചതെന്നും സുബി വ്യക്തമാക്കുന്നുണ്ട്.
Recommended Video
-
'ഇനി ഒരു മടങ്ങി വരവുണ്ടാകുമോ'; സർജറിക്കായി സിജോ ആശുപത്രിയിലേക്ക്, പുറത്താകുമോയെന്ന ഭയത്തിൽ താരം!
-
പൂഴിക്കടകൻ വരെ എടുത്തിട്ടും നടക്കുന്നില്ല; നടി മലയാളമേ പറഞ്ഞിട്ടില്ല; എനിക്ക് പറ്റില്ലെന്ന് പറഞ്ഞു; ദേവി
-
രണ്ട് പേർക്ക് കിടക്കാനുള്ള കട്ടില് അകത്തുണ്ട്! പുറത്ത് ഒരുമിച്ച് കിടക്കാനുള്ള ഗബ്രിയുടെ പ്ലാൻ പൊളിച്ച് ജിൻ്റോ