പൂജാ മുറിയില്‍ ഗണപതിയും ജീസസുമുണ്ട്; വിവാഹ ശേഷമുള്ള മാറ്റത്തെക്കുറിച്ച് ചന്ദ്രയും ടോഷും

അതേസമയം തനിക്കും വിവാഹ ശേഷം ജീവിതത്തില്‍ കാര്യമായ മാറ്റമൊന്നും തോന്നുന്നില്ലെന്നാണ് ടോഷ് പറയുന്നത്. '' ഞാന്‍ കുറച്ച് മടിയുള്ളയാളാണ്. എന്ത് ചെയ്യാനും ആരെങ്കിലും ഒരാള്‍ പുഷ് ചെയ്യണം. ചന്തുവാണ് ഇപ്പോല്‍ ആ റോള്‍ ഏറ്റെടുത്തിരിക്കുന്നത്. എന്റെ പരിധികളെ മുന്നോട്ട് കൊണ്ടു പോകാന്‍ അവള്‍ സഹായിക്കുന്നുണ്ട്. ഉത്തരവാദിത്തമുള്ളൊരാളുടെ സാന്നിധ്യം ഞാന്‍ ആസ്വദിക്കുന്നുണ്ട്. പിന്നെ, എന്റെ കുടുംബം വലുതായി. മമ്മയ്ക്കും പപ്പയ്ക്കും പുറമെ എനിക്ക് ഇപ്പോള്‍ അപ്പയും അമ്മയുമുണ്ട്'' എന്നായിരുന്നു ടോഷ് പറഞ്ഞത്.

''വിവാഹ ശേഷമുണ്ടായ ഏറ്റവും നല്ല കാര്യം ഞങ്ങള്‍ക്ക് ഒരുമിച്ച് ജോലിയ്ക്ക് പോകാന്‍ സാധിക്കുന്നുവെന്നതാണ്. അത് സത്യത്തില്‍ ഒരു അനുഗ്രഹമാണ്. സെറ്റില്‍ അവന്‍ തന്റെ ഏറ്റവും മികച്ചത് നല്‍കുന്നുണ്ടെന്ന് എനിക്ക് ഉറപ്പു വരുത്താം. രംഗം നന്നാക്കാനായി എനിക്ക് നിര്‍ദ്ദേശങ്ങള്‍ നല്‍കാന്‍ അവനും സാധിക്കുന്നു. എത്ര ദമ്പതികള്‍ക്ക് ഈ ഭാഗ്യം ലഭിക്കുന്നുണ്ടെന്ന് അറിയില്ല'' എന്നാണ് ചന്ദ്ര പറയുന്നത്. തങ്ങളുടെ വിവാഹത്തിന് രണ്ടു പേരുടേയും കുടുംബങ്ങള്‍ വലിയ പിന്തുണയായിരുന്നു നല്‍കിയതെന്നും ടോഷും ചന്ദ്രയും ഓര്‍ക്കുന്നു.

''വിവാഹം കഴിക്കുന്നതിന് ഞങ്ങള്‍ക്ക് വെല്ലുവിളികളൊന്നും നേരിടേണ്ടി വന്നിരുന്നില്ല. ഞങ്ങള്‍ രണ്ട പേരും രണ്ട് സംസ്‌കാരങ്ങളില്‍ ജീവിച്ചവരാണ്, രണ്ട് മതമാണ്. അങ്ങനെയായിരുന്നുവെങ്കിലും. പക്ഷെ ഞങ്ങളുടെ രണ്ടു പേരുടേയും കുടുംബങ്ങള്‍ വിശാലമായി ചിന്തിക്കുന്നവരായിരുന്നു. അവര്‍ ഞങ്ങളുടെ സ്‌നേഹത്തെ അംഗീകരിച്ചു. വ്യത്യാസങ്ങളെ ബഹുമാനിക്കുകായണെങ്കില്‍ പിന്നെ പ്രശ്‌നങ്ങളൊന്നുമുണ്ടാകില്ലെന്നാണ് തോന്നുന്നത്. ഞങ്ങളുടെ വിവാഹം പോലെ തന്നെ, ഞങ്ങളുടെ പൂജ മുറിയും ഞങ്ങളുടെ ജീവിതം എങ്ങനെയാണ് ഞങ്ങളൊരുക്കിയിരിക്കുന്നത് എന്നതിന്റെ തെളിവാണ്. പൂജാ മുറിയില്‍ ഗണപതിയും ജീസസുമുണ്ട്. രണ്ടു പേരുടേയും വിശ്വാസങ്ങളെ ബഹുമാനിക്കുന്നു. കാലപ്പഴക്കം ചെന്ന ചിന്തകളെ മറി കടന്ന് വ്യത്യാസങ്ങളെ മറന്ന് സ്‌നേഹത്തിന് പ്രധാന്യം നല്‍കേണ്ട സമയമാണിത്'' എന്നും താരദമ്പതികള്‍ പറയുന്നു.

Recommended Video

Santhosh Varkey Exclusive Interview | FilmiBeat Malayalam

നിരവധി സിനിമകളിലും സീരിയലുകളിലും അഭിനയിച്ച് ആരാധകരുടെ മനസില്‍ ഇടം നേടിയ താരങ്ങളാണ് ചന്ദ്രയും ടോഷും. നിലവില്‍ സ്വന്തം സുജാത എന്ന പരമ്പരയിലാണ് ടോഷും ചന്ദ്രയും അഭിനയിക്കുന്നത്. പരമ്പരയിലെ കേന്ദ്ര കഥാപാത്രമായ സുജാതയെയാണ് ചന്ദ്ര അവതരിപ്പിക്കുന്നത്. ആദം ജോണ്‍ എന്ന വക്കീലിനെയാണ് ടോഷ് അവതരിപ്പിക്കുന്നത്. ഇരുവരുടേയും വിവാഹം വലിയ വാര്‍ത്തയായി മാറിയിരുന്നു. ഇരുവർക്കും സിനിമ-സീരിയല്‍ രംഗത്തെ നിരവധി താരങ്ങളെത്തിയിരുന്നു.