'ആ നടനോട് ഒരുതരം ഭ്രാന്താണ്.. എത്ര ദൂരെയായാലും കാണാൻ പോകും'; സൂപ്പർ താരത്തെ കുറിച്ച് ശ്രീവിദ്യ

'മമ്മൂക്കയ്ക്കൊപ്പം കുട്ടനാടൻ ബ്ലോ​ഗ് എന്ന സിനിമയിൽ ഞാൻ അഭിനയിച്ചിട്ടുണ്ട്. പത്ത് പതിനഞ്ച് ദിവസം മാത്രമായിരുന്നു ചിത്രീകരണം. അന്ന് അദ്ദേഹത്തെ കാണാനും സംസാരിക്കാനും സാധിച്ചിരുന്നു. ശേഷമാണ് ഉണ്ടയുടെ ചിത്രീകരണവുമായി ബന്ധപ്പെട്ട് അദ്ദേഹം കാസർ​ഗോഡ് എത്തിയത്. അദ്ദേഹം നമ്മുടെ നാട്ടിൽ വരുമ്പോൾ ഞാൻ എന്തായാലും പോയി കാണണമെല്ലോ. അങ്ങനെയാണ് ജോർജേട്ടനോട് സംസാരിച്ച് കുറച്ച് ഉണ്ണിയപ്പവുമായി ഞാൻ അദ്ദേഹത്തെ കാണാൻ ഉണ്ടയുടെ സെറ്റിൽ പോയത്. ഉണ്ണിയപ്പം കഴിച്ച് നല്ല അഭിപ്രായമൊക്കെ പറഞ്ഞിരുന്നു. ഞാൻ ഏറ്റവും കൂടുതൽ ആരാധിക്കുന്ന നടനാണ് മമ്മൂട്ടി. കാട്ടിനുള്ളിലായിരുന്നു ചിത്രീകരണം. അതുകൊണ്ട് അധികനേരം അവിടെ നിൽക്കാൻ അദ്ദേഹം സമ്മതിച്ചില്ല. ഒരു ഫോട്ടോയൊക്കെ എടുത്ത ശേഷം ‍ഞങ്ങൾ മടങ്ങി' ശ്രീവിദ്യ പറഞ്ഞു.

നാട്ടിൽ വന്നപ്പോൾ അദ്ദേഹത്തെ പോയി കാണാൻ സാധിച്ചതിലുള്ള സന്തോഷത്തെ കുറിച്ചും ശ്രീവിദ്യ പറഞ്ഞു. പേരൻപിന്റെ ലോഞ്ച് സമയത്ത് മുംബൈയിൽ നിന്നും വണ്ടി കയറി ഇതിനായി മാത്ര ചെന്നൈയിൽ സുഹൃത്തിനൊപ്പം താൻ വന്നിട്ടുണ്ടെന്നും ആൾക്കൂട്ടത്തിൽ നിന്ന് മമ്മൂക്കയേയും പരിപാടിയും കണ്ട് ആസ്വദിച്ച് മടങ്ങുകയായിരുന്നുവെന്നും ശ്രീവിദ്യ പറയുന്നു. മമ്മൂക്ക എന്നാൽ ഒരുതരം ഭ്രാന്താണെന്നും ശ്രീവിദ്യ കൂട്ടിച്ചേർത്തു. അം​ഗത്വം എടുത്തിട്ടില്ലെങ്കിലും മമ്മൂട്ടി ഫാൻസ് അസോസിയേഷൻ പ്രവൃത്തികളിൽ മുമ്പന്തിയിൽ‍ താനുണ്ടാകാറുണ്ടെന്നും ശ്രീവിദ്യ കൂട്ടിച്ചേർത്തു.

Recommended Video

CBI 5 ല്‍ ജഗതി മാസായി തിരിച്ചെത്തുന്നു, ജഗതിയെ കൊണ്ടുവന്നത് ഇക്ക | FilmiBeat Malayalam

മമ്മൂട്ടിക്കൊപ്പമാണോ ദുൽഖറിനൊപ്പമാണോ നായിക വേഷം ചെയ്യാൻ താൽപര്യമെന്ന് ചോദിച്ചപ്പോൾ മമ്മൂട്ടിയെന്നാണ് ശ്രീവിദ്യ ഉത്തരം പറഞ്ഞത്. ആരൊക്കെ വന്നാലും മമ്മൂട്ടിക്ക് ഒപ്പം സിനിമ ചെയ്യുക എന്നതിലാണ് സന്തോഷമെന്നും ശ്രീവിദ്യ പറയുന്നു. സ്റ്റാർ മാജിക്ക് എന്ന പരിപാടിയിൽ സജീവമായ ശേഷമാണ് ശ്രീവിദ്യയ്ക്ക് നിരവധി ആരാധകർ ഉണ്ടായത്. ഇപ്പോൾ കൈ നിറയെ സിനിമകളും മോഡലിങും യുട്യൂബ് വ്ലോ​ഗിങ്ങുമെല്ലാമായി തിരക്കിലാണ് ശ്രീവിദ്യ. ക്യാമ്പസ് ഡയറിയായിരുന്നു ശ്രീവിദ്യയുടെ ആദ്യ സിനിമ. പിന്നീടാണ് ഒരു കുട്ടനാടൻ വ്ലോ​ഗിൽ ശ്രീവിദ്യ അഭിനയിച്ചത്. ഇപ്പോൾ ശ്രീവിദ്യ നായികയാകുന്ന എസ്കേപ്പ് എന്ന സിനിമ അണിയറയിൽ ഒരുങ്ങുകയാണ്. ചിത്രത്തിലെ കഥാപാത്രത്തിനായി ശ്രീവിദ്യ അടുത്തിടെ മുടി മുറിച്ച് രൂപമാറ്റം വരുത്തിയിരുന്നു. ബിഹൈൻവുഡ്സിന്റെ സീരിസായ ജസ്റ്റ് മാരീഡ് തിങ്സിലും ശ്രീവിദ്യ ഇപ്പോൾ അഭിനയിക്കുന്നുണ്ട്. സീരിസിൽ നടനും അവതാരകനുമായ ജീവയാണ് നായകൻ. ബാലാ എന്ന കഥാപാത്രത്തെയാണ് ശ്രീവിദ്യ അവതരിപ്പിക്കുന്നത്.