ഒരു ഭർത്താവും ഭാര്യക്ക് നൽകിയിട്ടില്ലാത്ത സമ്മാനം! മൃദുലയെ ഞെട്ടിച്ചു കൊണ്ട് യുവയുടെ സർപ്രൈസ്; വീഡിയോ വൈറൽ

അടുത്തിടെ മൃദുല വീണ്ടും അഭിനയത്തിലേക്ക് തിരിച്ചെത്തിയിരുന്നു. മകൾ ജനിച്ച് അധികം വൈകാതെ തിരിച്ചുവരവ്. നായികയായി തന്നെയാണ് സീരിയൽ രം​ഗത്തേക്ക് മൃദുല തിരിച്ചെത്തിയിരിക്കുകയാണ്. മഴവിൽ മനോരമയിൽ സംപ്രേഷണം ചെയ്യുന്ന റാണി രാജ എന്ന സീരിയലിലാണ് മൃദുല ഇപ്പോൾ അഭിനയിക്കുന്നത്. മൃദുലയെപ്പോലെ തന്നെ യുവയും ഷൂട്ടിങ്‌ തിരക്കുകളിലാണ്.

ഗർഭിണി ആയത് മുതൽ മകളുടെ ഓരോ വിശേഷങ്ങളും മൃദുല യൂട്യൂബ് ചാനലിലൂടെ പങ്കുവച്ചിരുന്നു. മകൾ‌ക്ക് ധ്വനി എന്നാണ് യുവയും മൃദുലയും പേരിട്ടിരിക്കുന്നത്. കഴിഞ്ഞ ദിവസമായിരുന്നു ധ്വനിയുടെ ചോറൂണ്. ഇതിന്റെ വിശേഷങ്ങളും യൂട്യൂബിൽ പങ്കുവച്ചിരുന്നു. ഇപ്പോഴിതാ, മൃദുലയും യുവയും പങ്കുവച്ച പുതിയൊരു വീഡിയോയും ശ്രദ്ധ നേടുകയാണ്.

വാലന്റൈൻസ് ഡേയ്ക്ക് നൽകാൻ കഴിയാതിരുന്ന സമ്മാനം ഇപ്പോൾ നൽകി മൃദുലയെ സർപ്രൈസ് ആക്കിയതിനെ കുറിച്ചാണ് യുവയുടെ വീഡിയോ. ഒരു ഭർത്താവും ഭാര്യക്ക് ഇതുവരെ നൽകാത്ത സമ്മാനം എന്ന് പറഞ്ഞുകൊണ്ടാണ് വീഡിയോ. വീഡിയോ വൈറലായി മാറുകയാണ്.

വാലന്റൈന്‍സ് ഡേയ്ക്ക് വീഡിയോ എടുക്കാനായില്ല. അന്ന് ഞങ്ങൾ ഒന്നിച്ചുണ്ടായിരുന്നില്ല. വാവയുടെ ചോറൂണിന്റെ തിരക്കിലും ആയി പോയി. ജീവിതത്തില്‍ എപ്പോഴും പ്രേമിച്ചിരിക്കണമെന്ന് ആഗ്രഹിക്കുന്ന ആളാണ് ഞാന്‍. അതുകൊണ്ട് ഒരു ഭാര്യയ്ക്കും ഒരു ഭര്‍ത്താവും കൊടുക്കാത്ത സര്‍പ്രൈസാണ് കൊടുക്കാന്‍ പോവുന്നതെന്നും പറഞ്ഞാണ് യുവ വീഡിയോ ആരംഭിച്ചത്.

ഏട്ടന് സര്‍പ്രൈസ് ഗിഫ്റ്റ് കൊടുത്തിരുന്നു. പക്ഷേ, ഏട്ടന്‍ സര്‍പ്രൈസായില്ല. കല്യാണം കഴിഞ്ഞുള്ള വാലന്റൈന്‍സ് ഡേയിൽ എനിക്ക് മൂന്നാം മാസമായിരുന്നു. അപ്പോള്‍ ഞാന്‍ വീട്ടിലായിരുന്നു. ഇത്തവണത്തേതിന് ആ ദിവസം സര്‍പ്രൈസ് കൊടുക്കാനായില്ലെന്നും മൃദുല പറയുന്നുണ്ട്.

ഭാര്യയ്ക്കും ഭര്‍ത്താവിനും ഒരുപോലെ ഗുണകരമായ സാധനമാണിത്. ഇത് തന്നെയാണോ ഓര്‍ഡര്‍ ചെയ്തതെന്നായിരുന്നു സമ്മാനം കണ്ടപ്പോള്‍ മൃദുലയുടെ ചോദ്യം. കപ്പിള്‍ പില്ലോ ആയിരുന്നു യുവയുടെ സർപ്രൈസ് സമ്മാനം. ഭര്‍ത്താവിന്റെ കൈയ്യില്‍ ഭാര്യ കിടക്കുമ്പോള്‍ വേദന വരുന്നത് ഒഴിവാക്കാൻ സഹായിക്കുന്ന, ചേർന്ന് കിടക്കാൻ ഉപകാരപ്പെടുന്ന പില്ലോ ആണിത്.

ഞാന്‍ കൈയ്യില്‍ കിടക്കുമ്പോള്‍ ആദ്യമൊന്നും ഒന്നും പറയാറില്ലായിരുന്നു. പിന്നെ എന്നെ മാറ്റിക്കിടത്തിയാണ് ഉറങ്ങുന്നതെന്ന പരാതിയും മൃദുല വീഡിയോയിൽ പറയുന്നുണ്ട്. നിരവധി പേരാണ് വീഡിയോയ്ക്ക് താഴെ കമന്റുകളുമായി എത്തുന്നത്. അടിപൊളി ഗിഫ്റ്റ് എന്നാണ് പലരുടെയും കമന്റ്. ഇവർക്കൊപ്പം വീഡിയോയിൽ ഉള്ള ധ്വനി ബേബിയെ കുറിച്ചും ഒരുപാട് കമന്റുകൾ വരുന്നുണ്ട്.