ഹോം

തെലുഗു

തെന്നിന്ത്യന്‍ സിനിമയിലെ സൂപ്പര്‍ നായികയാണ് സമാന്ത. തീര്‍ത്തും വ്യത്യസ്തമായ കഥാപാത്രങ്ങളിലൂടെ തന്റെ സ്ഥാനം നേടിയെടുക്കുകയായിരുന്നു സമാന്ത. ഫാമിലി മാന്‍ സീസണ്‍ 2വിലെ നെഗറ്റീവ് കഥാപാത്രത്തിലൂടെ പാന്‍ ഇന്ത്യന്‍ താരമായി മാറുകയായയിരുന്നു സമാന്ത. ഇപ്പോഴിതാ ബോളിവുഡിലെ നിറ സാന്നിധ്യമായി മാറാനായി തയ്യാറെടുക്കുകയാണ് സമാന്ത. തെലുങ്കില്‍ വമ്പന്‍ ചിത്രമായ ശാകുന്തളമാണ് സമാന്തയുടേതായി ഇനി പുറത്തിറങ്ങാനുള്ളതും.

'3 തവണ വിവാഹം, ഭർത്താക്കന്മാർ ഉപേക്ഷിച്ചിട്ടും മക്കളെ ഒറ്റയ്ക്ക് വളർത്തി'; ഷാഹിദിന്റെ അമ്മ നിലിമ അസീം പറയുന്നു

ഫാമിലി മാന്റെ വന്‍ വിജയത്തിന് പിന്നാലെ പുഷ്പയിലെ ഡാന്‍സ് നമ്പറിലൂടെയും സമാന്ത കയ്യടി നേടിയിരുന്നു. ഇതോടെ വലിയ താരമായി മാറിയിരിക്കുകയാണ് സമാന്ത. താരത്തെ തേടി ഹിന്ദിയില്‍് നിന്നും നിരവധി ഓഫറുകളാണ് വന്നു കൊണ്ടിരിക്കുന്നത്. സമാന്തയും ഹിന്ദിയിലേക്ക് ചുവടുമാറ്റാനുള്ള തയ്യാറെടുപ്പിലാണെന്നാണ് റിപ്പോര്‍ട്ടുകള്‍ പറയുന്നത്.

അതേസമയം സമാന്തയെ തേടി ഇപ്പോള്‍ സൂപ്പര്‍ താരങ്ങളുടെ സിനിമകള്‍ വരുന്നില്ലെന്നും വലിയ താരങ്ങള്‍ തങ്ങളുടെ നായികയായി അഭിനയിക്കാന്‍ സമാന്തയെ സമീപിക്കുന്നില്ലെന്നുമാണ് തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്യുന്നത്. രശ്മിക മന്ദാനയും പൂജ ഹെഗ്‌ഡെയുമാണ് സൂപ്പര്‍ നായകന്മാരുടെ ചിത്രങ്ങള്‍ക്കായി ആദ്യം സമീപിക്കപ്പെടുന്നതെന്നും ഇത് സമാന്ത്യയുടെ താരമൂല്യത്തെ ഭയക്കുന്നത് മൂലമാണെന്നുമാണ് തെലുങ്ക് മാധ്യമങ്ങള്‍ റിപ്പോര്‍ട്ട് ചെയ്യുന്നത്.

വിജയ് ചിത്രം ബീസ്റ്റ്, ഹിന്ദിയില്‍ സല്‍മാന്‍ ഖാന്‍ ചിത്രം കഭി ഈദ് കഭി ദിവാലി, സര്‍ക്കസ് എന്നീ ചിത്രങ്ങളിലെ നായികയായി എത്തുക പൂജയായിരിക്കും. അതേസമയം വിജയ്‌ക്കൊപ്പം പുതിയ ചിത്രത്തില്‍ നായികയായി എത്തുന്നത് രശ്മിക മന്ദാനയാണ്. മിഷന്‍ മജ്‌നുവിലൂടെ രശ്മിക ബോളിവുഡ് അരങ്ങേറ്റത്തിനും തയ്യാറാവുകയാണ്. പിന്നാലെ ഗുഡ് ബൈ, ആനിമല്‍ എന്നീ ചിത്രങ്ങളിലും രശ്മിക നായികയാകുന്നുണ്ട്.

അതേസമയം യശോദയാണ് സമാന്തയുടെ ചിത്രീകരണം നടക്കുന്നത്. വിജയ് സേതുപതിയ്ക്കും നയന്‍താരയ്ക്കുമൊപ്പം അഭിനയിക്കുന്ന കാത്തുവാക്കുലെ രണ്ട് കാതല്‍ ആണ് സമാന്തയുടെ മറ്റൊരു സിനിമ. തെന്നിന്ത്യന്‍ സിനിമയിലെ സൂപ്പര്‍ താരങ്ങളുടെ ചിത്രങ്ങളില്‍ നായികയായി സമാന്തയെ പരിഗണിക്കാന്‍ മടിക്കുന്നതായാണ് റിപ്പോര്‍ട്ടുകള്‍ പറയുന്നത്. എന്നാല്‍ സമാന്ത ബോളിവുഡ് സിനിമകളുടെ തിരക്കഥ കേള്‍ക്കുകയാണെന്നും താരം തന്റെ കരിയറില്‍ മുന്നോട്ട് പോകാന്‍ തീരുമാനിച്ചതുമാണ് സൂപ്പര്‍ നായകന്മാരുടെ കൂടെയുള്ള സിനിമകള്‍ ഒഴിവാക്കാനുള്ള കാരണമെന്നും അതില്‍ അസ്വാഭാവികമായൊന്നുമില്ലെന്നുമാണ് ആരാധകരുടെ വിലയിരുത്തല്‍.

Recommended Video

താരത്തിന്റെ പുതിയ സിനിമയ്ക്കായി കാത്തിരിക്കുകയാണ് ആരാധകര്‍. ഇതിനിടെ ബോളിവുഡില്‍ താപ്‌സി പന്നു നിര്‍മ്മിക്കുന്ന സിനിമയില്‍ താന്‍ അഭിനയിക്കാന്‍ പോവുകയാണെന്ന് സമാന്ത വെളിപ്പെടുത്തിയിരുന്നു. സിനിമയുടെ ഔദ്യോഗിക പ്രഖ്യാപനത്തിനായി കാത്തിരിക്കുകയാണ് ആരാധകര്‍.