നാ​ഗാർജുന വല്ലാതെ മോഹിച്ചത് ആ നടിയെ; പ്രതിഫലം കേട്ട് ഞെട്ടി ടോളിവുഡ് കാമദേവൻ

ടോളിവുഡിലെ കാമദേവൻ എന്നാണ് നാഗാർജുന അറിയപ്പെടുന്നത്. സിനിമയിൽ വന്ന കാലം മുതൽ ടോളിവുഡിൽ റൊമാൻസ് ചെയ്യാൻ നാ​ഗാർജുനയെ പോലെ മറ്റൊരാളില്ല. അദ്ദേഹം ഒരുമിച്ച് അഭിനയിച്ച സിനിമകളിലെല്ലാം നായികമാരുമായി നല്ല സിങ്കുണ്ടാവാറുണ്ട്. ഇന്ത്യയിലെ ഒട്ടുമിക്ക എല്ലാ ഭാഷകളിലേയും നായികമാരോടൊപ്പം നാ​ഗാർജുന അഭിനയിച്ചു. അതിൽ കൂടുതലും അമലക്കൊപ്പമായിരുന്നു അഭിനയിച്ചത്.

നാഗാർജുനയ്‌ക്കൊപ്പം അഭിനയിക്കാനും പല നായികമാർക്കും ആഗ്രഹമുണ്ട്. അതിനു കാരണം അദ്ദേഹത്തിന്റെ സിനിമകളോടുള്ള ഭ്രാന്തമായ ഇഷ്ടം കൊണ്ടാവാം. മാത്രമല്ല നാ​ഗാർജുന സിനിമകളിൽ നായികമാർക്ക് പ്രത്യേകം ശ്രദ്ധ ലഭിക്കാറുണ്ട്. എന്നാൽ നാഗാർജുന അഭിനയിക്കാൻ ആഗ്രഹിക്കുന്ന നായിക ആരാണെന്ന് അറിയാമോ?

കിംഗ് എന്നറിയപ്പെടുന്ന നടൻ നാഗാർജുന നിരവധി റൊമാൻ്റിക് ചിത്രങ്ങളിൽ അഭിനയിച്ചിട്ടുണ്ട്. സത്യത്തിൽ പല നായികമാരും സിനിമക്കപ്പുറം അദ്ദേഹത്തെ സ്നേഹിച്ചിരുന്നു. സിനിമയിലെ അഭിനയത്തിലൂടെ ആ ഇഷ്ടം വളർന്നിട്ടുമുണ്ട്. അത്തരത്തിൽ അദ്ദേഹം നിരവധി പേരുമായി പ്രണയത്തിലുമായിട്ടുണ്ട്. തെലുങ്ക് നായികമാരോട് മാത്രമല്ല ബോളിവുഡ് സുന്ദരിമാരെയും നാഗാർജുന പ്രണയിച്ചിട്ടുണ്ട്. നാ​ഗാർജുന സിനിമകൾ കാണുമ്പോൾ ഒരു നിമിഷം സാധാരണക്കാർക്ക് പോലും അദ്ദേഹത്തോട് പ്രണയം തോന്നും.

അദ്ദേഹത്തോടൊപ്പം അഭിനയിക്കാൻ ഒരുപാട് നായികമാർ തയ്യാറായെങ്കിലും നാഗാർജുനയ്ക്ക് ഒരു നായികയെ വേണമെന്നായിരുന്നു ആഗ്രഹം. ആ നായികക്കൊപ്പം അഭിനയിച്ചാൽ ചിത്രം ഹിറ്റാകുമെന്ന് നാഗാർജുന കരുതി. എന്നാൽ നടി ചോദിച്ച പ്രതിഫലം കേട്ടതോടെ നാ​ഗാർജുന ഞെട്ടി. ബോളിവുഡിൻ്റെ താര റാണിയായി മാറിയ മാധുരി ദീക്ഷിതാണ് നാ​ഗാർജുന തേടി നടന്ന ആ ഭാ​ഗ്യ നായിക. ഒരു കാലത്ത് ഇന്ത്യൻ വിപണി പിടിച്ചടക്കിയിരുന്ന മാധുരിയെ തൻ്റെ സിനിമയിലേക്ക് കൊണ്ടുവരാനും അതുവഴി സിനിമയിൽ പുതിയൊരു ഹിറ്റ് ഉണ്ടാക്കാനും നാ​ഗാർജുന ശ്രമിച്ചു.

നാഗാർജുന തന്റെ ജോഡിയായി മാധുരിയെ ടോളിവുഡിലേക്ക് വരാൻ ക്ഷണിച്ചു. താരത്തിന്റെ ടോളിവുഡ് അരങ്ങേറ്റ ചിത്രം ആവേണ്ടിയിരുന്നു ആ പ്രൊജക്ട്. എന്നാൽ അത്രയും വലിയൊരു അവസരം ലഭിച്ചപ്പോൾ അവരുടെ പ്രതികരണം എല്ലാവരെയും ഞെട്ടിച്ചു. 15 ദിവസത്തെ കാൾ ഷീറ്റിന് 15 കോടി രൂപയാണ് മാധുരി പ്രതിഫലം ചോദിച്ചത്. ഞെട്ടിപ്പോയ നാഗാർജുന മനസ്സ് മാറ്റി മറ്റൊരു നായികയെ അന്വേഷിക്കാൻ തീരുമാനിച്ചു.

നിരവധി ബോളിവുഡ് നടിമാർ തെലുങ്കിൽ സൂപ്പർ സ്റ്റാറുകൾക്കൊപ്പം അഭിനയിച്ചിട്ടുണ്ട്. പല ബോളിവുഡ് നായികമാരും സൗത്ത് ഇന്ത്യൻ ചിത്രങ്ങളിൽ അഭിനയിച്ച ശേഷം ബോളിവുഡിൽ തിളങ്ങിയവരാണ്. ദീപിക പദുക്കോൺ, ഐശ്വര്യ റായ്, കത്രീന കൈഫ്, ദിഷ പതാനി തുടങ്ങിയ നായികമാരെല്ലാം തമിഴ്, തെലുങ്കു, കന്നട ചിത്രങ്ങളിലൂടെയാണ് ബോളിവുഡിലെത്തിയത്. എന്നാൽ ബോളിവുഡ് റാണി മാധുരി ദീക്ഷിത് മാത്രം സൗത്ത് ഇന്ത്യൻ സിനിമയോട് മുഖം തിരിച്ചു.

എന്നാൽ ഇപ്പോൾ താര നായികമാരെല്ലാം സൗത്ത് ഇന്ത്യൻ ഭാഷകളിൽ അഭിനയിക്കാൻ തയ്യാറായിരിക്കുകയാണ്. നിരവധി തെലുങ്കു, കന്നട, തമിഴ് ചിത്രങ്ങളിലൂടെ ഇതിനോടകം പല താരങ്ങളും അഭിനയിച്ചിട്ടുണ്ട്. അവസാനം പുറത്തിറങ്ങിയ കൽകി എന്ന തെലുങ്ക് ചിത്രത്തിൽ ദീപിക പദുക്കോൺ ആണ് പ്രധാന വേഷത്തിലെത്തിയത്.