'പ്രതിഫലം കുത്തനെ ഉയർത്തി സാമന്ത', കാരണം ഇതാണ്...

വിവാഹത്തിന് മുമ്പുണ്ടായിരുന്ന അതേ ആരാധക വൃന്ദമാണ് വിവാഹത്തിന് ശേഷവും വിവാഹമോചന ശേഷവും സാമന്തയ്ക്ക് ഒപ്പമുള്ളത്. സോഷ്യൽമീഡിയകളിലെല്ലാം വലിയ ഫാൻ ഫോളോയിങ് താരത്തിനുണ്ട്. നടിയുടെ ഓരോ സോഷ്യൽമീഡിയ പോസ്റ്റുകൾക്കും ലഭിക്കുന്ന സ്വീകര്യത അതിനുള്ള ഉദാഹരമാണ്. വിവാഹമോചന ശേഷം പതിന്മടങ്ങ് ശക്തിയോടെ സിനിമയിൽ സജീവമാകാൻ ഒരുങ്ങുന്ന സാമന്ത പ്രതിഫലം ഉയർത്തിയെന്നാണ് സിനിമാ മേഖലയുമായി ബന്ധപ്പെട്ടവരിൽ നിന്നും ലഭിക്കുന്ന റിപ്പോർട്ട്. മൂന്ന് കോടിയോളം രൂപയാണ് ജിഎസ്ടി ഒഴികെ താരം ഇപ്പോൾ ഒരു സിനിമയിൽ അഭിനയിക്കാൻ ഈടാക്കുന്നത് എന്നാണ് മാധ്യമങ്ങൾ റിപ്പോർട്ട് ചെയ്യുന്നത്.

തെന്നിന്ത്യൻ താരസുന്ദരികളായ പൂജാ ഹെഗ്‌ഡെ, രശ്മിക മന്ദാന തുടങ്ങിയ താരങ്ങളും മറ്റ് യുവതാരങ്ങളും 2.2.5 കോടി രൂപയ്ക്കടുത്താണ് പ്രതിഫലമായി കൈപ്പറ്റുന്നത്. ഏറ്റവും കൂടുതൽ പ്രതിഫലം കൈപ്പറ്റുന്ന താരങ്ങളുടെ ഒപ്പമെത്തുന്ന തരത്തിലാണ് സാമന്ത ഇപ്പോൾ പ്രതിഫലം ഉയർത്തിയിരിക്കുന്നത്. അതേസമയം ഈച്ച എന്ന രാജമൗലി സിനിമയ്ക്ക് ശേഷം നാനിയോടൊപ്പം സാമന്ത വെള്ളിത്തിരയിൽ എത്താൻ പോകുന്നുവെന്ന വാർത്തയിൽ ആരാധകരും സന്തോഷത്തിലായിരുന്നു. എന്നാൽ നായിക പദവിയാണ് താൻ ആ​ഗ്രഹിക്കുന്നത് എന്ന് സാമന്ത പറഞ്ഞതോടൊയാണ് നിർമാതാക്കൾ മറ്റ് താരങ്ങളെ സമീപിക്കാനൊരുങ്ങുന്നത്.

അതേസമയം താരം പ്രതിഫലം ഉയർത്തിയതും നിർമാതാക്കൾ മറ്റ് നായികമാരെ തേടി പോകാൻ കാരണമായതായും ചില മാധ്യമങ്ങൾ റിപ്പോ‍ർട്ട് ചെയ്യുന്നുണ്ട്. ഒക്ടോബറിലാണ് താര ജോഡികളായിരുന്ന സാമന്തയും നാഗചൈതന്യയും വേര്‍പിരിയുകയാണെന്ന് ആരാധകരെ അറിയിച്ചത്. വിവാഹമോചന വാർത്ത പങ്കുവെച്ച ശേഷവും സമൂഹമാധ്യമങ്ങളിൽ സജീവമാണ് സാമന്ത. വിവാഹമോചനവും അതുമായി ബന്ധപ്പെട്ട കഥകളിൽ നിന്നും രക്ഷതേടുന്നതിനായി വിവാഹമോചന വാർത്ത പ്രഖ്യാപിച്ച ശേഷം താരം കൂട്ടുകാർക്കൊപ്പം യാത്രയിലായിരുന്നു. തന്റെ എല്ലാവിശേഷങ്ങളും ആരാധകരോട് പങ്കുവെക്കാറുള്ള സാമന്ത പ്രചോദനമേകുന്ന വാക്കുകളും കുറിപ്പുകളും പങ്കുവെക്കാറുണ്ട്. കഴിഞ്ഞ ദിവസം അമ്മ പറഞ്ഞ് തന്ന ചില പാഠങ്ങളെ കുറിച്ച് സാമന്ത എഴുതിയത് ഏറെ ശ്രദ്ധിക്കപ്പെട്ടിരുന്നു. താന്‍ നിശ്ചയ ദാര്‍ഢ്യമുള്ളവളാണെന്നും തോറ്റ് പിന്മാറാന്‍ തയ്യാറല്ലെന്നുമാണ് സാമന്ത സാമൂഹ്യ മാധ്യമങ്ങളില്‍ കുറിച്ചത്.

Recommended Video

ചാനലുകൾക്കെതിരെ പരാതിയുമായി സാമന്ത | FilmiBeat Malayalam

അടുത്തിടെ സ്ത്രീകളുടെ വിവാഹത്തേയും വിദ്യാഭ്യാസത്തേയും കുറിച്ച് സാമന്ത പങ്കുവച്ച കുറിപ്പ് വൈറലായിരുന്നു. പെൺകുട്ടികളുടെ വിവാഹത്തിന് പണം സ്വരൂപിക്കാതെ അവരുടെ പഠനത്തിനായി പണം സ്വരൂപിക്കൂ എന്നാണ് സാമന്ത സോഷ്യൽ മീഡിയയിൽ കുറിച്ചത്. ഒക്ടോബര്‍ രണ്ടിനായിരുന്നു തങ്ങള്‍ പിരിയുകയാണെന്ന വാര്‍ത്ത സോഷ്യൽ മീഡിയ വഴി സാമന്തയും നാഗ ചൈതന്യയും ആരാധകരെ അറിയിച്ചത്. 2017 ഒക്ടോബര്‍ ആറിനാണ് നാഗചൈതന്യയും സാമന്തയും തമ്മില്‍ വിവാഹിതരായത്. തെന്നിന്ത്യൻ സിനിമയിൽ ഏറ്റവും അധികം ആരാധകരുള്ള താരദമ്പതികളായിരുന്നു ഇരുവരും. വർഷങ്ങൾ നീണ്ട പ്രണയത്തിനൊടുവിലാണ് ഇരുവരും വിവാഹിതരായത്. കാത്തുവാക്ക്ലെ രണ്ട് കാതൽ, ശാകുന്തളം എന്നിവയാണ് ചിത്രീകരണം പൂർത്തിയായ സാമന്ത സിനിമകൾ.