കെട്ടിപ്പിടിച്ച് നിന്ന നിമിഷങ്ങൾ; ഭർത്താവുമായി പിരിഞ്ഞ ഉടന്‍ സാമന്ത ചിത്രങ്ങള്‍ ഡിലീറ്റാക്കിയതിൻ്റെ കാരണമിതാണ്

നിലവില്‍ ദുബായിലാണ് സാമന്തയുള്ളത്. ദുബായ് എക്‌സ്‌പോ 2020 ല്‍ ഒരു പ്രോജക്ട് ചെയ്യാന്‍ അതിന്റെ ടീം അംഗങ്ങള്‍ക്കൊപ്പമാണ് നടി ദുബായിലുള്ളത്. അവിടെ നിന്നുള്ള ചിത്രങ്ങളും വീഡിയോസുമെല്ലാം സോഷ്യല്‍ മീഡിയ പേജിലൂടെ നടി പുറത്ത് വിടുകും ചെയ്തു. അതേ സമയം ഒക്ടോബര്‍ 28 മുതലാണ് സാമന്തയുടെ ഇന്‍സ്റ്റാഗ്രാം പേജില്‍ നിന്നും നാഗചൈതന്യയുടെ ചിത്രങ്ങള്‍ കാണാതെ ആവുന്നത്. വേര്‍പിരിയുകയാണെന്ന് പ്രഖ്യാപിച്ചിട്ട് മൂന്ന് ആഴ്ച കഴിയുന്നതിനുള്ളില്‍ തന്നെ സ്വന്തം ജീവിതവുമായി നടി പോവുകയാണെന്ന് ഇതില്‍ നിന്നും വ്യക്തമാവുകയാണ്.

അതിന്റെ ആദ്യ ഘട്ടമെന്ന നിലയിലാണ് നാഗയ്‌ക്കൊപ്പമുള്ള സ്വകാര്യ ചിത്രങ്ങളെല്ലാം ഇല്ലാതാക്കിയത്. വിവാഹം കഴിഞ്ഞത് മുതലുള്ള ഓരോ പ്രിയപ്പെട്ട നിമിഷങ്ങളും ഇവിടെ അവസാനിക്കുകയാണ്. എന്നാല്‍ നാഗയുമായിട്ടുള്ള ബന്ധം മാത്രമേ അവസാനിപ്പിക്കുന്നുള്ളു എന്ന് സൂചിപ്പിച്ചാണ് സാമന്ത ഇപ്പോള്‍ എത്തുന്നത്. വിവാഹമോചന സമയത്ത് ഇക്കാര്യം നടി സൂചിപ്പിച്ചിരുന്നു. നാഗയുമായി ഉണ്ടായിരുന്ന പത്ത് വര്‍ഷത്തോളം നീണ്ട സൗഹൃദം എന്നും ഉണ്ടാവുമെന്നാണ് അന്ന് സാമന്ത പറഞ്ഞത്. ഇരുവരുടെയും പൊതു സുഹൃത്തുക്കള്‍ക്കും നാഗയുടെ കുടുംബത്തിനുമൊപ്പമുള്ള ചിത്രങ്ങള്‍ നടി കളഞ്ഞിട്ടില്ല എന്നതാണ് ശ്രദ്ധേയം. അതൊക്കെ ഇപ്പോഴും നടിയുടെ ഇന്‍സ്റ്റാഗ്രാം പേജിലുണ്ട്.

വിവാഹത്തിന് ഒന്ന് രണ്ട് വര്‍ഷം കാത്തിരിക്കാം; വീട്ടുകാര്‍ അത് പറഞ്ഞ് ബുദ്ധിമുട്ടിക്കാറില്ലെന്ന് റിതു വര്‍മ

സ്വന്തം ജീവിതത്തില്‍ ഉണ്ടായ വലിയൊരു വേദന മറികടക്കാന്‍ ഓര്‍മ്മകള്‍ നശിപ്പിക്കുകയാണോ ആദ്യം ചെയ്യുന്നതെന്ന് ചോദിച്ച് ആരാധകരും എത്തിയിരുന്നു. വിവാഹമോചനത്തെ കുറിച്ചുള്ള എഴുത്ത് മാത്രം പങ്കുവെച്ചത് അല്ലാതെ ഇതുവരെ നാഗചൈതന്യ വിഷയത്തില്‍ പ്രതികരിച്ചിട്ടില്ല. സാമന്തയുമായി വേര്‍പിരിയാന്‍ മാത്രം ് ഉണ്ടായ പ്രശ്‌നത്തെ കുറിച്ചോ ദമ്പതിമാര്‍ക്കിടയിലെ മറ്റ് കാര്യങ്ങളോ നാഗ പറഞ്ഞിട്ടില്ല. ഒപ്പം താരത്തിന്റെ ഇന്‍സ്റ്റാഗ്രാം അടക്കമുള്ള പേജുകളില്‍ സാമന്തയുടെ ചിത്രങ്ങള്‍ അതുപോലെ തന്നെ സൂക്ഷിച്ചിരിക്കുകയാണ്.

Recommended Video

ചാനലുകൾക്കെതിരെ പരാതിയുമായി സാമന്ത | FilmiBeat Malayalam

2021 ജനുവരിയില്‍ ന്യൂയര്‍ ആഘോഷത്തിനാണ് ഏറ്റവുമൊടുവില്‍ സാമന്തയ്‌ക്കൊപ്പമുള്ള ഫോട്ടോ നാഗചൈതന്യ പങ്കുവെച്ചിരിക്കുന്നത്. അന്ന് ഭാര്യയായിരുന്ന സാമന്തയെ കുറിച്ച് പ്രണയത്തില്‍ കുതിര്‍ന്ന എഴുത്തും നടന്‍ പോസ്റ്റ് ചെയ്തിരുന്നു. അതൊക്കെ ഇപ്പോഴും കളയാതിരിക്കുന്നത് അത്രയും ഇഷ്ടം ഉള്ളത് കൊണ്ടാവുമെന്നാണ് ചിലര്‍ ചൂണ്ടി കാണിക്കുന്നത്. അതേ സമയം ഇരുവരും ഒരു കുഞ്ഞ് ജനിക്കുന്നത് ആഗ്രഹിച്ചിരുന്നെന്നും സാമന്ത അതിന് തയ്യാറാവാത്തത് ആണ് പ്രശ്‌നങ്ങള്‍ക്ക് കാരണമായതെന്നും തുടങ്ങി വിവാഹമോചന ശേഷം നിരവധി അഭ്യൂഹങ്ങള്‍ പ്രചരിക്കുന്നുണ്ട്.