സാമന്തക്ക് സംഭവിച്ചത് ശോഭിതക്ക് നടക്കില്ല; അക്കിനേനി കുടുംബത്തിന്റെ നിബന്ധനകൾ നടി അം​ഗീകരിച്ചോ?

നാ​ഗചൈതന്യ- ശോഭിത വിവാഹവുമായി ബന്ധപ്പെട്ട് നിരവധി വാർത്തകളാണ് സോഷ്യൽ മീഡിയയിൽ നടക്കുന്നത്. വിവാഹ നിശ്ചയം മുതൽ ചൂടേറിയ ചർച്ചകൾക്ക് തിരി കൊളുത്തി. സാം- ചായ് കോംബോ അവസാനിപ്പിച്ച് ഇപ്പോൾ ശോഭിത വന്നപ്പോൾ ആരാധകർക്ക് അത് ഉൾക്കൊള്ളാൻ സാധിക്കുന്നില്ലായിരുന്നു. നാ​ഗചൊതന്യയും സാമന്തയും വേർപിരിഞ്ഞതിന് ശരിയായ കാരണമെന്തെന്ന് ഇപ്പോഴും വ്യക്തമല്ല. അതുമായി ബന്ധപ്പെട്ട് നിരവധി അഭ്യൂഹങ്ങൾ പ്രചരിച്ചിരുന്നു. സത്യം ഇപ്പോഴും അവ്യക്തമാണ്.

ഏഴ് വർഷത്തെ പ്രണയത്തിനൊടുവിലാണ് ചായ്- സാം വിവാഹം നടക്കുന്നത്. മൂന്ന് വർഷത്തെ ദാമ്പത്യത്തിനൊടുവിൽ ഇരുവരും വേർപിരിയുകയും ചെയ്തു. അത് വലിയ ഷോക്കിം​ഗ് വാർത്തയായിരുന്നു. സാമന്ത ഒരു കുഞ്ഞിനായുള്ള കാത്തിരിപ്പായിരുന്നുവെന്നും അതിനിടയിലാണ് ഡിവോഴ്സിലേക്ക് ആ ബന്ധം എത്തിയതെന്നും റിപ്പോർട്ടുകൾ പറയുന്നു. ശോഭിത- ചായ് വിവാഹ നിശ്ചത്തിനു മുന്നേ ചില നിബന്ധനകൾ നാ​ഗാർജുന രണ്ടു പേരോടുമായി പറഞ്ഞിരുന്നു. സാമന്തയുടെ കാര്യത്തിൽ സംഭവിച്ചത് ശോഭിതയുടെ കാര്യത്തിൽ ആവർത്തിക്കാതിരിക്കാൻ വേണ്ടിയാണ് ഇത്തരമൊരു തീരുമാനമെന്നാണ് നാ​ഗാർജുന വ്യക്തമാക്കുന്നത്.

അക്കിനേനി കുടുംബത്തിലെത്തിയ സാമന്തക്ക് യാതൊരു കണ്ടീഷനുകളും ഉണ്ടായിരുന്നില്ല. സിനിമ ചെയ്യുന്നതിലോ, ഫോട്ടോഷൂട്ട് നടത്തുന്നതിലോ ഒന്നും തന്നെ പ്രശ്നങ്ങൾ നേരിട്ടിരുന്നില്ല. അതിനാൽ തന്നെ വിവാഹത്തിനു ശേഷം സാം ഒരുപാട് ​​ഗ്ലാമറസ് ഫോട്ടോഷൂട്ടുകൾ ചെയ്തിരുന്നു. ഇത്തരത്തിൽ ഫോട്ടോകൾ നിരവധി പങ്കുവെക്കാൻ തുടങ്ങിയപ്പോൾ കുടുംബത്തിൽ പലതരം ചർച്ചകളും പ്രശ്നങ്ങളും ഉയർന്നു വന്നു. അതിന്റെ ഭാ​ഗമായി ചായ്ക്കും സാമിനുമിടയിൽ സംഘർഷങ്ങളായിരിക്കും വിവാഹ മോചനത്തിലേക്ക് നയിച്ചത്. എങ്കിലും ഇതൊന്നും വ്യക്തമല്ല. എന്നാൽ ഇതിലെ തമാശ എന്തെന്നാൽ ശോഭിത ദുലിപാലയുടെ ഫോട്ടോകൾ സാമന്തയുടേക്കാൾ ഹോട്ടാണ്.

ശോഭിത നിരവധി സിനിമകൾ ചെയ്തിട്ടുണ്ട്. പ്രോസ്റ്റിറ്റ്യൂട്ടായി അഭിനയിച്ചിട്ടുമുണ്ട്. ഇതെല്ലാം അക്കിനേനി ആരാധകരെ നിരാശപ്പെടുത്തുന്നുണ്ട്. ഈ അവസരത്തിൽ നാ​ഗാർജുന ചില കാര്യങ്ങൾ വിശദീകരിക്കുന്നുണ്ട്. വിവാഹം കഴിഞ്ഞപ്പോൾ സാമന്തയോട് സിനിമയിൽ അഭിനയിക്കരുതെന്ന് ഇതുവരെ പറഞ്ഞിട്ടില്ല. അതുപോലെ തന്നെയാണ് ശോഭിതയോടും പറയാനുള്ളത്. എന്നാൽ ശോഭിതക്ക് സിനിമയിൽ ബോൾഡ് ക്യാരക്ടറുകൾ ചെയ്യേണ്ട സാഹചര്യം വന്നാൽ നാ​ഗാർജുനയും ശോഭിതയും ഒരുമിച്ചിരുന്നു അതിൽ തീരുമാനം എടുക്കേണ്ടതുണ്ട്.

അതിനെ കുറിച്ച് സംസാരിച്ച് വഴക്കിടാതെ ഭാര്യയും ഭർത്താവും ആരോ​ഗ്യപരമായ രീതിയിൽ ഒരുമിച്ചൊരു തീരുമാനം എടുക്കേണ്ടതുണ്ട്. ഇതാണ് അക്കിനേനി കുടുംബത്തിന്റെ കണ്ടീഷൻ എന്നാണ് നാ​ഗാർജുന പറയുന്നത്. സാമന്തയെ പോലെ ശോഭിതക്കും സംഭവിക്കാതിരിക്കാൻ വേണ്ടി എടുത്ത തീരുമാനമായിരുന്നു അത്. ഈ തീരുമാനം ഇരുവരും അം​ഗീകരിച്ചതിനു ശേഷമാണ് വിവാഹ നിശ്ചയം നടന്നത്.

പുറത്ത് വരുന്ന റിപ്പോർട്ടുകൾ പ്രകാരം ശോഭിത ഇനി ബോൾഡ് ക്യാരക്ടറുകൾ ചെയ്യില്ല എന്നാണ്. അഭിനേത്രിയായി തുടരുമെങ്കിലും കഥാപാത്രങ്ങളിൽ ഒരുപാട് ശ്രദ്ധ കൊടുക്കാൻ സാധ്യതയുണ്ട്. ഒപ്പം ​ഗ്ലാമറസ് ഫോട്ടോഷൂട്ടുകളും ശോഭിത ഒഴിവാക്കുമെന്നാണ് റിപ്പോർട്ടുകൾ പറയുന്നത്. വിവാഹത്തിനു ശേഷം ശോഭിത എടുക്കുന്ന തീരുമാനങ്ങൾ എങ്ങനെയാവുമെന്നതിൽ ആകാംഷയുണ്ട്.

സാമന്തയും നാ​ഗചൈതന്യയും തമ്മിലുള്ള ബന്ധം മൂന്ന് വർഷം മുന്നേ അവസാനിച്ചതാണ്. എന്നാൽ നാ​ഗചൈതന്യയും ശോഭിത ദുലിപാലയും തമ്മിൽ കഴിഞ്ഞ ഒരു വർഷമായി പ്രണയത്തിലാണ്. പല തരത്തിലുള്ള അഭ്യൂഹങ്ങൾ ഇരുവരെ കുറിച്ചും പ്രചരിച്ചുവെങ്കിലും അതെല്ലാം വെറും അഭ്യൂഹങ്ങളായി തുടരുകയായിരുന്നു. അപ്പോഴാണ് വിവാഹ വാർത്ത പരസ്യമാക്കിയത്. വിവാഹ നിശ്ചയത്തോടെ സാമന്തയുമായി ബന്ധപ്പെടുത്തി പലതരത്തിലുള്ള വിഷയങ്ങളാണ് പുറത്ത് വരുന്നത്.