'മക്കൾക്ക് ആ സ്വഭാവം ഇല്ലാത്തതിൽ സന്തോഷം'; ഷാരൂഖിന്റെ മോശം ശീലങ്ങളെ പറ്റി ​ഗൗരി ഖാൻ

നല്ല കുടുംബസ്ഥനുമാണ് ഷാരൂഖ് എന്നാണ് ബി ടൗണിലെ സംസാരം. കരിയറിന്റെ തിരക്കുകൾക്കിടയിലും കുടുംബത്തോടൊപ്പമുള്ള സമയത്തിന് ഷാരൂഖ് സമയം കണ്ടെത്താറുണ്ട്. ഇതിന്റെ ചിത്രങ്ങളും ഷാരൂഖ് സോഷ്യൽ മീഡിയയിൽ പങ്കുവെക്കാറുണ്ട്. കഴിഞ്ഞ ദിവസമാണ് ഷാരൂഖിന്റെ ഭാര്യ ​ഗൗരി ഖാൻ കോഫി വിത്ത് കരണിൽ അതിഥി ആയെത്തിയത്. ഷോയിൽ തന്റെ കുടുംബത്തെക്കുറിച്ച് ​ഗൗരി സംസാരിച്ചിരുന്നു.

Also Read: 'പടമില്ലല്ലോ, നിർമ്മാതാവാകാൻ പറ്റിയില്ലലോ അങ്ങനെ ഒരു വിഷമവുമില്ല; വീട്, കുടുംബം അങ്ങനെ ജീവിക്കുന്നയാളാണ് ഞാൻ'

കരണിന്റെ ഒരു ചോദ്യത്തിന് ​ഗൗരി നൽകിയ മറുപടിയും ഇതിനിടെ ശ്രദ്ധ നേടി. ഷാരൂഖിൽ നിന്നും മക്കൾ കണ്ട് പഠിക്കണം എന്നാ​ഗ്രഹിക്കുന്ന ​ഗുണങ്ങൾ എന്താണെന്നായിരുന്നു കരണിന്റെ ചോദ്യം. ഷാരൂഖിന്റെ ചില മോശം രീതികൾ മക്കൾക്ക് ഇല്ലാത്തതിൽ തനിക്ക് സന്തോഷമുണ്ടെന്നാണ് ​ഗൗരി പറഞ്ഞത്. 'അവർ സമയത്ത് വരും, കൃത്യനിഷ്ഠയുണ്ട്, ബാത്ത് റൂമിൽ 100 മണിക്കൂർ സമയം ചെലവഴിക്കുന്നില്ല,' ​ഗൗരി പറഞ്ഞു.

'ലോകം എനിക്കെതിരെ തിരിഞ്ഞാലും... നീയാണ് എന്റെ ജീവിതം'; മകളെ കുറിച്ച് അമൃത സുരേഷ്, 'ബാല മകളെ മറന്നോ?'

ഇത്രയും നേരം ഷാരൂഖ് എന്താണ് ബാത്ത്റൂമിൽ ചെയ്യുന്നതെന്നായി പിന്നീട് ഷോയിലെ ചർച്ച. ബാത്ത് റൂമിലിരുന്ന് ടിവി കാണാനും പുസ്തകം വായിക്കാനും ഷാരൂഖ് ഇഷ്ടപ്പെടുന്നെന്ന് ​ഗൗരി ഖാൻ പറഞ്ഞു. ​ഗൗരി ഖാനിൽ നിന്ന് മക്കൾ കണ്ടു പഠിക്കേണ്ട ​ഗുണമെന്തെന്ന ചോദ്യത്തിന് മൾട്ടി ടാസ്കിം​ഗ് എന്നാണ് ​ഗൗരി നൽകിയ മറുപടി.

ഷാരൂഖിന്റെ ഭാര്യ എന്നതിനപ്പുറം അറിയപ്പെടുന്ന ഇന്റീരിയർ ഡിസൈനർ കൂടിയാണ് ​ഗൗരി ഖാൻ. ബോളിവുഡിലെ നിരവധി താരങ്ങളുടെ വീട് ഡിസൈൻ ചെയ്തത് ​ഗൗരിയാണ്. ആര്യൻ ഖാൻ, സുഹാന ഖാൻ, അബ്രാം ഖാൻ എന്നീ മൂന്ന് മക്കളാണ് ഷാരൂഖിനും ​ഗൗരിക്കും ഉള്ളത്.

Also Read: മോള് ഹോട്ടലിലേക്ക് പോവുന്നത് ശരിയാണോ? ഡിജെ ആയി വര്‍ക്ക് ചെയ്ത കാലത്തെ അനുഭവം പറഞ്ഞ് സൂര്യ മേനോന്‍

മകൾ സുഹാനയ്ക്ക് ഡേറ്റിം​ഗിൽ കൊടുക്കാനുള്ള ഉപദേശം എന്തെന്ന ചോദ്യത്തിന് ​ഗൗരി നൽകിയ മറുപടി നേരത്തെ വൈറലായിരുന്നു. ഒരേ സമയം രണ്ട് പേരെ ഡേറ്റ് ചെയ്യരുതെന്നാണ് ​ഗൗരി ഖാൻ തമാശയായി പറഞ്ഞത്.

സഞ്ജയ് കപൂറിന്റെ ഭാര്യ മഹീപ് കപൂർ, ചങ്കി പാണ്ഡെയുടെ ഭാര്യയും കോസ്റ്റ്യൂം ഡിസൈനറുമായ ഭാവന പാണ്ഡെ എന്നിവരും ​ഗൗരി ഖാനൊപ്പം ഷോയിൽ പങ്കെടുത്തു.‌ ബോളിവുഡ് താരങ്ങളുടെ ഭാര്യമാർ എന്ന പേരിലറിയപ്പെടുന്നതിനെക്കുറിച്ചും ലൈം ലൈറ്റിലെ ജീവിതത്തെക്കുറിച്ചും മൂവരും സംസാരിച്ചു.