'എന്റെ സുഹൃത്തിന് ഷാഹിദിനെ ഇഷ്ടമായിരുന്നു, അത് പറഞ്ഞ് ഞങ്ങൾ ഇപ്പോഴും ചിരിക്കും'

തന്റെ ഏറ്റവും അടുത്ത കൂട്ടുകാരിക്ക് ഷാഹിദ് കപൂറിനെ ഇഷ്ടമായിരുന്നുവെന്നാണ് മിറ തുറന്നുപറഞ്ഞിരിക്കുന്നത്. ഒരു ചാറ്റ് ഷോയിൽ പങ്കെടുത്ത് കൊണ്ടായിരുന്നു മിറയുടെ വെളിപ്പെടുത്തൽ. വിവാഹത്തിന് മുമ്പ് ഷാഹിദിനെ സ്ക്രീൻ കാണുമ്പോൾ എപ്പോഴെങ്കിലും പ്രണയമോ ക്രഷോ തോന്നിയിട്ടുണ്ടോ എന്ന ചോദ്യത്തിനായിരുന്നു താരത്തിന്റെ രസകരമായ മറുപടി. 'എന്റെ ഉറ്റ സുഹൃത്തിന് ഷാഹിദിനോട് ഒരു പ്രണയമുണ്ടായിരുന്നു. തങ്ങൾ വിവാഹിതരാകാൻ പോവുകയാണ് എന്ന് അവളോട് പറഞ്ഞപ്പോൾ 'ദൈവമേ' എന്നായിരുന്നു ആദ്യത്തെ പ്രതികരണം. കാരണം അവൾക്ക് ഷാഹിദിനോട് ഒരു പ്രണയമുണ്ടെന്ന് മുമ്പ് പലതവണ എന്നോട് പറഞ്ഞിട്ടുണ്ട്. പക്ഷെ അതൊന്നും എന്നെ ബാധിച്ചിരുന്നില്ല. കാരണം ആ സമയത്ത് ഷാഹിദ് എന്റെ ജീവിതത്തിൽ ആരുമല്ലായിരുന്നു. സ്കൂളിൽ പഠിക്കുന്ന കാലത്താണ് എന്റെ കൂട്ടുകാരിക്ക് ഷാഹിദിനോട് പ്രണയം തുടങ്ങിയത്. അത് അവൾ തുറന്നുപറഞ്ഞിട്ടുമുണ്ട്. അത് അവൾ പറഞ്ഞപ്പോൾ ഞങ്ങൾ ചിരിച്ചു' മിറ രജ്പുത്ത് പറഞ്ഞു.

ഇന്നും ഈ സംഭവം പറ‍‍ഞ്ഞ് താനും ഷാഹിദും ഇടയ്ക്ക് ചിരിക്കാറുണ്ടെന്നും മീറ പറയുന്നു. കൊവിഡ് കാലത്ത് കൂറെനാൾ സ്വന്തം സ്ഥലമായ പഞ്ചാബിൽ കഴിയാൻ അവസരം ലഭിച്ചപ്പോൾ അന്നത്തെ തന്റെ ഉറ്റ സുഹൃത്തിനേയും ഭർത്താവിനേയും കണ്ട് സംസാരിക്കാൻ സാധിച്ചിരുന്നുവെന്നും മിറ പറഞ്ഞു. ന​ഗര ജീവിതത്തിൽ നിന്നും ഒരു മോചനം എന്ന രീതിയിലാണ് ആദ്യത്തെ ലോക്ക് ഡൗണിന് ദിവസങ്ങൾക്ക് മുമ്പ് തങ്ങൾ മക്കളോടൊപ്പം പഞ്ചാബിലേക്ക് പോയതെന്നും എന്നാൽ കൊവിഡ് രൂക്ഷമായതോടെ കുറച്ച്നാൾ കൂടി അവിടെ താമസിക്കേണ്ടി വന്നുവെന്നും മിറ പറഞ്ഞു. രണ്ടാഴ്ച മാത്രം നീണ്ടു നിൽക്കുന്ന പ്രതിസന്ധിയായിരിക്കും ഈ കൊവിഡ് എന്നാണ് തുടക്കകാലത്ത് തങ്ങൾ കരുതിയിരുന്നതെന്നും എന്നാൽ അത് രണ്ട് വർഷത്തോളം നാമെല്ലാവർക്കുമൊപ്പം സഞ്ചരിച്ചുവെന്നും മിറ പറയുന്നു. ലമിറയും ഷാഹിദും അടുത്തിടെ മുംബൈയിൽ ഒരു പുതിയ ബം​ഗ്ലാവ് സ്വന്തമാക്കിയിരുന്നു. ഷാഹിദും മിറയും ഇടയ്ക്കിടെ കടലിനെ അഭിമുഖം ചെയ്ത് നിൽക്കുന്ന ബം​ഗ്ലാവിന്റെ പണികൾ വിലയിരുത്താൻ എത്താറുണ്ട്.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

അടുത്തിടെ ഷാഹിദും കുടുംബവും അവധി ആഘോഷിക്കാൻ മാൽഡീവ്സിൽ പോയ ചിത്രങ്ങളും വീഡിയോകളും ശ്രദ്ധനേടിയിരുന്നു. ജേഴ്സിയാണ് ഷൂട്ടിങ് പൂർത്തിയാക്കി റിലീസിന് തയ്യാറെടുക്കുന്ന ഷാഹിദ് കപൂർ സിനിമ. മൃണാൽ ഠാക്കൂർ, പങ്കജ് ഠാക്കൂർ എന്നിവരാണ് ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. തെലുങ്കിൽ പുറത്തിറങ്ങിയ ഇതേ പേരിലുള്ള ചിത്രത്തിന്റെ റീമേക്കാണ് ഷാഹിദിന്റെ ജേഴ്സി. അവസാനമായി റിലീസ് ചെയ്ത ഷാഹിദ് കപൂർ സിനിമ കബീർ സിങാണ്. കിയാര അധ്വാനി നായികയായ സിനിമ മികച്ച പ്രതികരണം നേടിയിരുന്നു.