രവീണയ്ക്കൊപ്പം അഭിനയിക്കാൻ താൽപര്യമില്ലെന്ന് പറഞ്ഞ സൽമാൻ ഖാൻ

തങ്ങൾ പത്തർ കെ ഫൂലിൽ അഭിനയിച്ച് കൊണ്ടിരിക്കുമ്പോൾ കുട്ടികൾ സ്കൂളിൽ എത്തുമ്പോൾ പരസ്പരം വഴക്ക് കൂടുന്ന പോലെയായിരുന്നു താനും സൽമാനും സെറ്റിൽ വെച്ച് നിരന്തരം വഴക്കുണ്ടാക്കിയിരുന്നത് എന്നാണ് രവീണ പറയുന്നത്. 'പത്തർ കെ ഫൂലിൽ അഭിനയിക്കുമ്പോൾ എനിക്ക് 16ഉം സൽമാൻ ഖാന് 23ഉം വയസ് മാത്രമായിരുന്നു പ്രായം. വളരെ ചെറുപ്പമായിരുന്നതിനാൽ തന്നെ സ്കൂളുകളിൽ വിദ്യാർഥികൾ പരസ്പരം വഴക്ക് കൂടുന്നതുപോലെ ഞങ്ങളും പരസ്പരം തർക്കിക്കുകയും വഴക്ക് കൂടുകയും ചെയ്തു. ഞാനും സൽമാനും ഒരേ സ്വഭാവക്കാരാണ്. സൽമാന്റെ അമ്മാവനും എന്റെ അച്ഛനും ഒരുമിച്ച് ജോലി ചെയ്തിരുന്ന അതേ വീട്ടിലാണ് ഞങ്ങൾ വളർന്നത്. ഞങ്ങൾ വീട്ടിൽ നിന്ന് വഴക്കിട്ടതിന്റെ ബാക്കി സെറ്റിൽ വെച്ചും തുടരുമായിരുന്നു. അങ്ങനെ ഒരിക്കൽ സൽമാൻ ഇങ്ങനെ പറഞ്ഞു. ഇനി താൻ ഒരിക്കലും രവീണയ്ക്കൊപ്പം അഭിനയിക്കില്ലെന്നാണ് സൽമാൻ പറഞ്ഞത്' രവീണ പറഞ്ഞു.

​കുപ്രസിദ്ധനായ ​ഗുണ്ടയുടെ മകളുടെ വേഷമാണ് പത്തർ കെ ഫൂലിൽ രവീണ അവതരിപ്പിച്ചത്. പൊലീസ് ഓഫീസറുടെ വേഷമായിരുന്നു സൽമാന്. രവീണയും സൽമാന്റെ പൊലീസ് കഥാപാത്രവും പ്രണയത്തിലാകുന്നതും പിന്നീട് നടന്നക്കുന്ന സംഭവവികാസങ്ങളുമാണ് സിനിമയുടെ പ്രമേയം. സലീം ഖാൻ എഴുതിയ സിനിമ ജി.പി സിപ്പിയാണ് നിർമിച്ചത്. സിനിമയുടെ റിലീസിന് ശേഷം മികച്ച പുതുമുഖ നടിക്കുള്ള ഫിലിം ഫെയർ പുരസ്കാരം രവീണയ്ക്ക് ലഭിച്ചു. കഴിഞ്ഞ ദിവസം രവീണയുടെ നാൽപത്തിയേഴാം പിറന്നാൾ ആയിരുന്നു. രാജ്യത്തിന്റെ നാനാഭാ​ഗത്തുള്ള താരത്തിന്റെ ആരാധകരും സിനിമാ മേഖലയിൽ നിന്നുള്ള ശിൽപ ഷെട്ടി, ജൂഹി ചൗള തുടങ്ങിയ താരങ്ങളും രവീണയ്ക്ക് പിറന്നാൾ ആശംസിച്ചു.

Recommended Video

Weird Habits Of Most Successful Celebrities | FilmiBeat Malayalam

രവീണ വർഷങ്ങൾക്ക് ശേഷം സൗത്ത് ഇന്ത്യൻ സിനിമയിലേക്ക് തിരിച്ചെത്തിയത് അണിയറയിൽ റിലീസിനൊരുങ്ങുന്ന കെജിഎഫ് ചാപ്റ്റർ 2വിലൂടെയാണ്. കന്നട സ്റ്റൈലിഷ് താരം യഷ് ആണ് ചിത്രത്തിൽ നായകൻ. പ്രാശാന്ത് നീൽ സംവിധാനം ചെയ്ത സിനിമയുടെ റിലീസ് കൊവിഡ് പ്രതിസന്ധികളെ തുടർന്നാണ് നീളുന്നത്. രാഷ്ട്രീയ പ്രവർത്തക രമിക സെൻ എന്ന കഥാപാത്രത്തെയാണ് രവീണ ചിത്രത്തിൽ അവതരിപ്പിക്കുന്നത്. ബോളിവുഡ് താരം സഞ്ജയ് ദത്താണ് സിനിമയിലെ വില്ലൻ. അധീര എന്നാണ് സഞ്ജയിയുടെ കഥാപാത്രത്തിന്റെ പേര്. മലയാളം അടക്കം വിവിധ ഭാഷകളിലാണ് സിനിമ റിലീസിന് തയ്യാറെടുക്കുന്നത്. സിനിമ അഠുത്ത വർഷം ഏപ്രിലിൽ തിയേറ്ററുകളിലെത്തുമെന്നാണ് പ്രതീക്ഷ.