രാവും പകലുമില്ലാതെ ​ഗൗരിയെ തിരക്കി ബോംബെ തെരുവുകളിലൂടെ അലഞ്ഞ് നടന്ന കിങ് ഖാൻ

ഒരു ‌ സുഹൃത്തിന്റെ പാർട്ടിയിൽ പങ്കെടുക്കുന്നതിനിടെയാണ് ഷാരൂഖ് ഗൗരിയെ കാണുന്നതും ഇഷ്ടപ്പെടുന്നതും. അന്ന് പതിനെട്ട് വയസ് മാത്രമായിരുന്നു ഷാരൂഖിന്റെ പ്രായം. പിന്നീട് ഒട്ടനവധി നാടകീയ രം​ഗങ്ങളിലൂടെ കടന്നുപോയ ശേഷമാണ് ​ഗൗരിയെ ​ഗൗരി ഖാനാക്കി ഷാരൂഖ് മാറ്റിയത്. തമ്മിൽ പിരിയാൻ കഴിയില്ലെന്ന ബോധ്യം വന്ന ആ നിമിഷത്തിലാണ് വിവാഹിതരാകാൻ തീരുമാനിച്ചതെന്ന് ഷാരൂഖ് തന്നെ പറഞ്ഞിട്ടുണ്ട്. പരസ്പരം ഇഷ്ടം തുറന്ന് പഞ്ഞശേഷം പ്രണയിക്കാൻ തുടങ്ങി. എന്നാൽ ആ സമയത്ത് ഷാരൂഖ് പൊസസീവ്നസ് ഒരുപാട് പ്രകടിപ്പിച്ചിരുന്നതിനാൽ അത് ​ഗൗരിയെ വല്ലാതെ അലട്ടുകയും അവസാനം ഷാരൂഖിനോട് ബന്ധം തുടരാൻ താൽപര്യമില്ലെന്ന് അറിയിച്ച് മടങ്ങുകയും ചെയ്തു.

മുംബൈയിലേക്ക് ​ഗൗരി മടങ്ങിയതോടെയാണ് തനിക്ക് ​ഗൗരിയോടുള്ള ഇഷ്ടത്തിന്റെ ആഴവും പരപ്പും ഷാരൂഖ് മനസിലാക്കിയത്. ഉടൻ തന്നെ അമ്മയെ കാര്യങ്ങൾ ധരിപ്പിച്ച ശേഷം യാത്രിചിലവിനുള്ള പണവും വാങ്ങി ഷാരൂഖ് ​ഗൗരിയെ തപ്പി മുംബൈയിലെത്തി. കൂട്ടുകാർക്കൊപ്പം സിനിമാകഥകളിൽ കാണുന്നപോലെ തെരുവുകളായ തെരുവുകൾ മുഴുവൻ അലഞ്ഞ് നടന്ന് തിരിഞ്ഞു. എന്നാൽ ​ഗൗരിയെ കണ്ടെത്താൻ ഷാരൂഖിന് സാധിച്ചില്ല. പിന്നീടാണ് ബീച്ചുകൾ കേന്ദ്രീകരിച്ച് ഷാരൂഖ് അന്വേഷണം നടത്തിയത്. അങ്ങനെ ഒടുവിൽ മുംബൈയിലെ ഒരു ബീച്ചിൽ വെച്ചാണ് ഷാരൂഖ് വീണ്ടും ​ഗൗരിയെ കണ്ടെത്തിയത്. ആ നിമിഷം വളരെ മനോഹരമായിരുന്നുവെന്നാണ് ​ഗൗരിക്കൊപ്പം ഒരു ചാറ്റ് ഷോയിൽ പങ്കെടുക്കാനെത്തിയപ്പോൾ ബോളിവുഡ് ബാദ്ഷ പറഞ്ഞത്. ഏറെ മനോഹരമായൊരു അവധിക്കാലം ആഘോഷിക്കാൻ പോയതായിരുന്നുവെന്നും അത് ഷാരൂഖ് നശിപ്പിച്ചുവെന്നുമാണ് തമാശ രൂപേണ ​ഗൗരി ഷാരൂഖിന്റെ കഥയ്ക്ക് മറുപടിയായി പറഞ്ഞത്.

Recommended Video

ആര്യനെ പിന്തുണച്ച ഋത്വിക് റോഷനെ അധിക്ഷേപിച്ച് കങ്കണ റണവത്ത്

രണ്ട് മതത്തിൽപ്പെട്ടവരായിരുന്നു ഷാരൂഖും ​ഗൗരിയും എന്നതിനാൽ വീടുകളിൽ നിന്നും ബന്ധുക്കളിൽ നിന്നും വലിയ എതിർപ്പുകൾ ഇരുവരും നേരിട്ടിരുന്നു. അഞ്ച് വർഷത്തോളം അ​ഗാധമായി പ്രണയിച്ച ഇരുവരും മതത്തിന്റെ പേരിൽ പിരിയാൻ തയ്യാറായിരുന്നില്ല. ഇരുവരും പിരിയാൻ പോകുന്നില്ലെന്ന് മനസിലാക്കിയതോടെയാണ് ഷാരൂഖിന്റേയും ​ഗൗരിയുടേയും കുടുംബ​ഗങ്ങൾ ഒരുമിച്ച് വിവാഹം നടത്തികൊടുത്തത്. പരസ്പര ബഹുമാനത്തോടെയാണ് തങ്ങളുടെ ജീവിതമെന്നും വിവാഹം കഴിച്ചെന്ന് കരുതി മതം മാറാൻ ഷാരൂഖ് പറഞ്ഞിട്ടില്ലെന്നും അതിന് ഉദ്ദേശിക്കുന്നില്ലെന്നും നേരത്തെ തന്നെ ​ഗൗരി പറഞ്ഞിട്ടുണ്ട്. എല്ലാ മത​ഗ്രന്ഥങ്ങളും തങ്ങളുടെ വിട്ടിലുണ്ടെന്നും ഒരു മതത്തിൽ മാത്രമായി ഒതുങ്ങികൂടുന്നില്ലെന്നും ഇരുവരും പറയുന്നു. ആര്യൻ ഖാൻ, സുഹാന ഖാൻ, അബ്രാം എന്നി​ങ്ങനെ മൂന്ന് മക്കളാണ് ഇരുവർക്കുമുള്ളത്.