'സൽമാന്റെ നിർദേശ പ്രകാരം ​തന്നെ ശിക്ഷിച്ച നിർമാതാവ്', അനുരാ​ഗ് കശ്യപ് പറയുന്നു

അനുരാ​ഗും ബോളിവുഡ് സൂപ്പർ സ്റ്റാർ സൽമാൻ ഖാനും തമ്മിൽ ഇപ്പോഴും അത്ര ചേർച്ചയിലല്ല. പലപ്പോഴായി സൽമാൻ ഖാനിൻ നിന്നും നേരിടേണ്ടി വന്ന ദുരനുഭവങ്ങൾ തന്നെയാണ് സൽമാൻ ഖാനുമായി അനുരാ​ഗിന് നിലനിൽക്കുന്ന വഴക്കിന് കാരണം. ബോളിവുഡ് ഭായിയുമായി അനുരാ​ഗിന്റെ തർക്കങ്ങൾ ആരംഭിച്ചത് ഏത് സിനിമയുടെ സെറ്റിൽ വെച്ചാണെന്ന് വെളിപ്പെടുത്തിയിരിക്കുകയാണ് അനുരാ​ഗ് കശ്യപ്. താരത്തിന്റെ കരിയറിലെ ഒരു സിനിമ നഷ്ടമാക്കിയതും സൽമാന്റെ പ്രവൃത്തികളാണെന്നും അനുരാ​ഗ് തുറന്നടിച്ചു. തേരെ നാം എന്ന സൽമാൻ ഖാൻ ചിത്രത്തിൽ പ്രവർത്തിക്കുമ്പോഴാണ് അനുരാ​ഗിന് ദുരനുഭവം ഉണ്ടായത്. സതീഷ് കൗശിക് സംവിധാനം ചെയ്ത തേരേ നാം 2003ൽ ആണ് റിലീസിനെത്തിയത്. ചിത്രത്തിൽ രാധേ മോഹൻ എന്ന തെരുവ് ​ഗുണ്ടയുടെ വേഷമാണ് സൽമാൻ അവതരിപ്പിച്ചിരുന്നത്.

സൽമാന്റെ കഥപാത്രത്തെ കൂടുതൽ റിയലിസ്റ്റ് ആക്കുന്നതിന് താൻ നൽകിയ നിർദേശങ്ങൾ അദ്ദേഹത്തെ തന്റെ നേരെ തിരിയാൻ പ്രേരിപ്പിച്ചുവെന്നാണ് അനുരാ​ഗ് കശ്യപ് പറഞ്ഞത്. 'ഞാൻ സൽമാനോട് കഥാപാത്രത്തെ കൂടുതൽ നന്നാക്കുന്നതിന് കുറിച്ച് നിർദേശങ്ങൾ പറഞ്ഞു. മുഴുവൻ നിർദേശങ്ങളും പറയുന്നത് വരെ അദ്ദേഹം കേട്ടുനിന്നു. നടനോട് നെഞ്ചിൽ കുറച്ച് രോമങ്ങൾ വളർത്താൻ ആവശ്യപ്പെട്ടിരുന്നു. കഥാപാത്രത്തിന് വേണ്ടിയായിരുന്നു അത്. നിർദേശങ്ങൾ പറയുമ്പോൾ സൽമാൻ തുറച്ച് നോക്കുന്നുണ്ടായിരുന്നു. തിരിച്ച് എന്നോട് ഒരു വാക്ക് പോലും പറഞ്ഞില്ല. അടുത്ത ദിവസം ചിത്രത്തിന്റെ നിർമാതാവ് തന്നെ തേടിയെത്തി. ശേഷം ഒരു ഗ്ലാസ് ബോട്ടിൽ എന്റെ നേരെ എറിഞ്ഞുകൊണ്ട് നിയെന്തിനാണ് സൽമാനാണ് നെഞ്ചിൽ രോമം വളർത്താൻ നിർദേശിച്ചത് എന്ന് ചോദിച്ച് അലറി' അനുരാ​ഗ് കശ്യപ് പറഞ്ഞു.

Recommended Video

ബോളിവുഡ് താര ദമ്പതികളും, പ്രണയ കഥയും | FilmiBeat Malayalam

ആ സംഭവത്തിന് ശേഷം തന്നെ ആ സിനിമയിൽ തുടർന്ന് പ്രവർത്തിക്കാൻ അവർ അനുവദിച്ചില്ലെന്നും അനുരാ​ഗ് കശ്യപ് പറയുന്നു. സൽമാൻ ഖാന് അനുരാ​ഗ് കശ്യപുമായി മാത്രമല്ല വിവേക് ഒബ്റോയ് അടക്കമുള്ള താരങ്ങളോടും ഇപ്പോഴും വലിയ രസത്തിലല്ല. 2003ൽ ഒരു പത്രസമ്മേളനത്തിൽ വെച്ച് സൽമാൻ ഖാൻ നടൻ വിവേക് ഒബ്റോയ്ക്കെതിരെ ഭീഷണി വരെ മുഴക്കിയിരുന്നു. ഐശ്വര്യ റായിയുമായുള്ള പ്രണയം തകർന്ന ശേഷം ഐശ്വര്യ വിവേക് ഒബ്റോയിയുമായി പ്രണയത്തിലായിരുന്നു. ഇത് ഇഷ്ടപ്പെടാതിരുന്ന സൽമാൻ പലപ്പോഴായി വിവേകുമായി വാക്കുതർക്കങ്ങളിൽ ഏർപ്പെട്ടിട്ടുണ്ട്.