എന്റെ ഫങ്ഷന് വന്നിട്ട് അയാൾ എന്റെ തടിയെ പഴിച്ചു; ദുരനുഭവം പങ്കുവെച്ച് അപർണ ബാലമുരളി

ഇപ്പോഴിതാ പുതിയ സിനിമയെക്കുറിച്ചും തന്റെ സിനിമാ ജീവിതത്തെക്കുറിച്ചും ഫിൽമിബീറ്റ് മലയാളത്തോട് സംസാരിച്ചിരിക്കുകയാണ് അപർ‌ണ ബാലമുരളി. സുന്ദരി സാറ മാത്യുസ് എന്ന കഥാപാത്രത്തെയാണ് സിനിമയിൽ അപർണ അവതരിപ്പിക്കുന്നത്. തന്നിൽ നിന്നും ഏറെ വ്യത്യസ്തയാണ് ഈ കഥാപാത്രമെന്ന് അപർണ പറയുന്നു. വിവാഹോ മോചനം നേടിയ കഥാപാത്രമാണിത്. ജീവിതത്തോട് വളരെ ആ​​​ഗ്രഹമുള്ള വ്യക്തിയാണ് സുന്ദരിയെന്നും നടി പറഞ്ഞു.

Also Read: 'ഞാനൊരിക്കലും സിനിമയിൽ എത്തില്ലെന്ന് പറഞ്ഞു', പക്ഷെ ആ സ്വഭാവം നല്ലതുമാണ് മോശവുമാണ്‌, അച്ഛനെക്കുറിച്ച് ധ്യാൻ

ഭക്ഷണം കഴിക്കാനിഷ്ടമുള്ളയാളാണ് താനെന്നും അതിനാൽ തന്നെ ഇപ്പോൾ വണ്ണം വെച്ചെന്നും അപർണ തുറന്നു പറഞ്ഞു. മെലിഞ്ഞിരിക്കുക എന്നതിനപ്പുറത്ത് ആരോ​ഗ്യത്തോടെ ഇരിക്കുന്നതിനാണ് പ്രാധാന്യം. വണ്ണത്തിന്റെ പേരിൽ തനിക്കൊരിക്കൽ നേരിടേണ്ടി വന്ന ബോഡി ഷെയ്മിം​ങും അപർണ തുറന്നു പറഞ്ഞു.

Also Read: അലംകൃതയെ എന്റെ സിനിമകള്‍ കാണിച്ചിട്ടില്ല; മകളെ കുറിച്ചോർക്കുമ്പോൾ അസൂയ തോന്നുന്ന കാര്യത്തെ കുറിച്ച് പൃഥ്വിരാജ്

'നമ്മളോടുള്ള കരുതൽ കൊണ്ട് പറയുന്ന ഒരുപാട് പേരുണ്ട്. എന്നെ സംബന്ധിച്ചിടത്തോളും ആരോ​ഗ്യത്തോടെ ഇരിക്കുന്നതിനാണ് പ്രാധാന്യം. പ്രത്യേകിച്ചും കൊവിഡ് സമയത്തൊക്കെ നമ്മൾ ജീവിച്ചിരിക്കുന്നത് തന്നെ ഭാ​ഗ്യമാണ്. സിനിമയിൽ വരുമ്പോൾ മെലിയണം എന്ന് പറയുന്നത് എന്തുകൊണ്ടാണെന്ന ചിന്ത എനിക്ക് എപ്പോഴും പോവാറുണ്ട്. കഥാപാത്രം അത് ആവശ്യപ്പെടുന്നുണ്ടെങ്കിൽ ഞാൻ അതിന് തയ്യാറാണ്'

'എന്റെ ഹെൽത്ത് കളഞ്ഞിട്ട് സ്റ്റിക്ക് ആവാൻ പറ്റില്ല. കുറഞ്ഞത് അതിനൊരു സമയം തരണം. അതൊന്നും തരാതെയാണ് നമ്മളെ കണ്ട ഉടനെ ജ‍ഡ്ജ് ചെയ്തിട്ട് വേണ്ടായെന്ന് പറയുന്നത്. അതൊക്കെ ബ്രേക്ക് ചെയ്ത ഒരുപാട് പേരുണ്ട്. എന്നാലും ഇപ്പോഴും അതൊരു വിഷയമാണ്. സ്ട്രെസ് ഔട്ട് ആയിട്ട് വീണ്ടും തടി കൂടും'

Also Read: എംജി ശ്രീകുമാര്‍ പ്രേമിച്ച പെണ്‍കുട്ടിയാണോ ഇത്? ആദ്യമായി അഭിനയിച്ചതിനെ കുറിച്ച് ദേവിക നമ്പ്യാര്‍ പറഞ്ഞതിങ്ങനെ

'അടുത്തിടെ ഞാൻ എന്റെയൊരു ഓഡിയോ ലോഞ്ചിന് പോയിരുന്നപ്പോൾ നിങ്ങൾ വണ്ണം വെച്ചോ എന്ന് ഒരാൾ ചോദിച്ചു. അതെ കുറയ്ക്കാൻ ശ്രമിക്കുന്നുണ്ടെന്ന് ഞാൻ പറഞ്ഞു. യു ബെറ്റർ, അദർവൈസ് യു ടൂ ബി​ഗ് എന്നയാൾ പറഞ്ഞു. ഞാന‍യാളെ ഒന്ന് നോക്കി. ഒന്നും പറഞ്ഞില്ല. എന്നെ അത് വളരെ വേദനിപ്പിച്ചു. എന്താണ് അയാളുടെ പ്രശ്നം. എന്റെ ഒരു ഫംങ്ഷന് വന്നിരുന്നിട്ട് നീ വളരെ തടിച്ചിട്ടാണെന്ന് പറഞ്ഞത് എന്നെ വേദനിപ്പിച്ചു,' അപർണ ബാലമുരളി പറഞ്ഞു.

അടുത്തിടെ സിനിമകളിലെ പ്രതിഫലത്തെ പറ്റി സംസാരിച്ചതിലും അപർണ വ്യക്തത വരുത്തി. തുല്യ പ്രതിഫലം അല്ല താനാവശ്യപ്പെടുന്നത്. ന്യായമായ പ്രതിഫലം ആണ്. എന്റെ മാത്രം പ്രശ്നമോ സ്ത്രീകളുടെ മാത്രം പ്രശ്നമോ അല്ല ഇതെന്നും അപർണ ബാലമുരളി ചൂണ്ടിക്കാട്ടി.