'ഏറെനാളായി അവളുടെ ആ​ഗ്രഹമാണ്', സഹോദരിയുടെ സ്വപ്നത്തിന് ഒപ്പം സഞ്ചരിച്ച് മിയയും

ലൂക്ക എന്നാണ് മിയ കു‍ഞ്ഞിന് പേരിട്ടിരിക്കുന്നത്. അടുത്തിടെ കുഞ്ഞിനൊപ്പം കിടന്നുകൊണ്ട് സിനിമാ ​ഗാനം ആലപിച്ച മിയയുടെ വീഡിയോ വൈറലായിരുന്നു. ഇപ്പോൾ വീട്ടിലെ പുതിയ സന്തോഷം പങ്കുവെച്ചിരിക്കുകയാണ് നടി മിയ. സഹോദരിയായ ജിനിയുടെ ഏറെ നാളത്തെ സ്വപ്നം സാക്ഷാത്ക്കാരത്തെ കുറിച്ചാണ് മിയ വീഡിയോയിലൂടെ പറയുന്നത്. മിയയെ പോലെ തന്നെ മിയയുടെ സഹോദരി ജിനിയും പ്രേക്ഷകർക്ക് സുപരിചിതയാണ്. സിനിമാ താരമല്ലെങ്കിലും യുട്യൂബറും ഇപ്പോൾ ഒരു സംരംഭകയുമാണ് ജിനി.

ജിനിയുടെ ഏറ്റവും പുതിയ കാൽവെയ്പ്പ് ഓൺലൈൻ വസ്ത്ര വ്യാപാരത്തിലേക്കാണ്. ഏറെ നാളായി സഹോദരി ഇതിനായുള്ള പരിശ്രമത്തിലായിരുന്നുവെന്നും മിയ വീഡിയോയിൽ പറഞ്ഞു. അമേയ്റ ഓൺലൈൻ എന്നാണ് ജിനിയുടെ ഓൺലൈൻ വസ്ത്ര വ്യാപാര സംരംഭത്തിന് പേരിട്ടിരിക്കുന്നത്. തന്റെ സിനിമാ ജീവിതത്തിന് നൽകിയ അതേ പ്രോത്സാഹനവും സ്നേഹവും ചേച്ചിയുടെ പുതിയ സംരംഭത്തിന് നൽകണമെന്നും മിയ വീഡിയോയിലൂടെ ആവശ്യപ്പെട്ടു. ഒരു മാസം മുമ്പാണ് മിയയുടെ പിതാവ് ജോർജ് മരിച്ചത്. പിതാവിന്റെ മരണശേഷം യുട്യൂബറാകാൻ ആദ്യമായി ക്യാമറ അടക്കമുള്ള സാധനങ്ങൾ വാങ്ങി തന്ന് തന്നെ പ്രോത്സാഹിപ്പിച്ചത് പപ്പയായിരുന്നുവെന്ന് മിയയുടെ സഹോദരി പറഞ്ഞിരുന്നു.

Recommended Video

പ്രണയ വിവാഹമാണോ ? മിയ പറയുന്നു | FilmiBeat Malayalam

മിയയെ പോലെ മിയയുടെ കുടുംബാം​ഗങ്ങളും എല്ലാവർക്കും സുപരിചിതരായതിനാൽ മിയയുടെ ചേച്ചി ജിനിയുടെ പുതിയ സംരംഭത്തിനും ആരാധകർ ആശംസകൾ നേർന്നു. സീരിയലുകളിലൂടെ സിനിമയിലേക്ക് എത്തിയ മിയയുടേതായി ഏറ്റവും അവസാനം റിലീസ് ചെയ്ത സിനിമ ഡ്രൈവിങ് ലൈസൻസ്, അൽ മല്ലു, ​ഗാർഡിയൻ എന്നിവയാണ്. വിക്രം നായകനാകുന്ന വരാനിരിക്കുന്ന സിനിമ കോബ്രയിലും മിയ ഭാ​ഗമായിട്ടുള്ളതായി റിപ്പോർട്ടുകളുണ്ട്. ഡ്രൈവിങ് ലൈസൻസിൽ സുരാജ് വെഞ്ഞാറമൂടിന്റെ ഭാര്യയായി മിയ നടത്തിയ പ്രകടനം ജനങ്ങൾ ഇരുകൈയ്യും നീട്ടി സ്വീകരിച്ചിരുന്നു. സാധാരണക്കാരിൽ സാധരണക്കാരിയായ ഇത്തിരി കുശുമ്പും വാശിയും നിറഞ്ഞ എൽസ കുരുവിള എന്ന വീട്ടമ്മയുടെ വേഷമാണ് മിയ ചിത്രത്തിൽ അവതരിപ്പിച്ചത്. വ്യവസായിയാണ് മിയയുടെ ഭർത്താവ് അശ്വിൻ ഫിലിപ്പ്.