Don't Miss!
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- News മുത്തശ്ശി സ്വര്ണം ദാനം ചെയ്തു, അമ്മ രാജ്യത്തിന് വേണ്ടി താലി ത്യജിച്ചു: മറുപടിയുമായി പ്രിയങ്ക
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Automobiles കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
'മറ്റൊന്നിനെ കുറിച്ചും ചിന്തിക്കുന്നില്ല, ഇപ്പോൾ ശ്രദ്ധ കരിയറിൽ മാത്രമെന്ന്' പ്രയാഗ മാർട്ടിൻ
മലയാള യുവ നായികമാരിൽ മുൻപന്തിയിൽ തിളങ്ങി നിൽക്കുന്ന താരമാണ് പ്രയാഗ മാർട്ടിൻ. നിരവധി ചിത്രങ്ങളിൽ ഇതിനോടകം വേഷങ്ങൾ കൈകാര്യം ചെയ്യുവാൻ താരത്തിന് സാധിച്ചിട്ടുണ്ട്. വളരെ ചെറിയ സമയം കൊണ്ട് തന്നെ മലയാളസിനിമയിൽ അറിയപ്പെടുന്ന ഒരു നായികയായി മാറിയ പ്രയാഗയ്ക്ക് നിരവധി ഹിറ്റ് ചിത്രങ്ങളുടെ ഭാഗമായി തീരുവാനും സാധിച്ചു. ബാലതാരമായി ചെറുപ്പം മുതൽ മലയാള സിനിമയിൽ പ്രയാഗ വരവറിയിച്ചിരുന്നു. സാഗർ ഏലിയാസ് ജാക്കി റീലേഡഡ് എന്ന ചിത്രത്തിലെ അസർ എന്ന കഥാപാത്രത്തിന്റെ സഹോദരിയുടെ വേഷത്തിലാണ് പ്രയാഗ ആദ്യം ബാലതാരമായി അഭിനയിച്ചത്.
പിന്നീട് മുതിർന്നപ്പോൾ ദുൽഖർ സൽമാൻ ചിത്രത്തിൽ അതിഥി വേഷത്തിലും പ്രയാഗ എത്തി. വലിയ അഭിനയ സാന്നിധ്യം കാഴ്ചവെക്കാൻ മാത്രമുള്ള കഥാപാത്രമായിരുന്നില്ല ചിത്രത്തിൽ പ്രയാഗയുടേത്. ചിത്രത്തിൽ നിത്യാ മേനോൻ അവതരിപ്പിച്ച ഷഹാന എന്ന നായിക കഥാപാത്രത്തിന്റെ സഹോദരിയുടെ വേഷമായിരുന്നു പ്രയാഗ അവതരിപ്പിച്ചത്. പിന്നീട് പ്രായാഗ അഭിനയിച്ചത് പിസാസ് എന്ന മിഷ്കിൻ ചിത്രത്തിലാണ്. ഹൊറർ ത്രില്ലറായ ചിത്രത്തിലെ അഭിനയത്തിന് പുതുമുഖ നടിക്കുള്ള സൈമ അവാർഡ് ആ വർഷം പ്രയാഗയെ തേടി എത്തിയിരുന്നു.
ശേഷം ഉണ്ണി മുകുന്ദൻ സിനിമ ഒറുമുറൈ വന്ത് പാർത്തായ ചിത്രത്തിൽ ഗ്രാമീണയായ നായിക കഥാപാത്രത്തിന്റെ വേഷത്തിലും പ്രയാഗ അഭിനയിച്ചു. വലിയ ഹിറ്റായിരുന്നില്ല ചിത്രമെങ്കിലും ഗാനങ്ങൾ അത്യാവശ്യം ശ്രദ്ധിക്കപ്പെട്ടിരുന്നു. എന്നാൽ പ്രയാഗ എന്ന യുവനടിക്ക് കരിയർ ബ്രേക്കായത് പാവ എന്ന ചിത്രത്തിലെ പൊടിമീലമുളക്കണ കാലം എന്ന ഗാനമായിരുന്നു. പാട്ട് വലിയ ഹിറ്റായിരുന്നു ഒപ്പം ഗാനരംഗത്തിൽ പ്രത്യക്ഷപ്പെട്ട പ്രയാഗയും വൈറലായി.
Also read: 'അവസാനം അത് ലഭിച്ചു', ത്രില്ലടക്കാനാകാതെ സൈമ വേദിയിൽ തുള്ളിച്ചാടി ശോഭന
മേരി എന്നായിരുന്നു ചിത്രത്തിലെ പ്രയാഗയുടെ കഥാപാത്രത്തിന്റെ പേര്. പാവയ്ക്ക് ശേഷം മലയാളത്തിലെ യുവടിമാരുടെ ലിസ്റ്റിലേക്ക് പ്രയാഗയുടെ പേരും എഴുതിചേർക്കപ്പെട്ടു. തുടരെ തുടരെ നിരവധി മലയാള ചിത്രങ്ങളിൽ താരം പിന്നീട് നായികയായി. പാവയ്ക്ക് ശേഷം കട്ടപ്പനയിലെ ഋത്വിക് റോഷൻ എന്ന നാദിർഷ ചിത്രത്തിലെ നായികയായതും പ്രയാഗയായിരുന്നു. ഒരേ മുഖം, ഫുക്രി, വിശ്വാസപൂർവം മൻസൂർ, പോക്കിരി സൈമൺ, രാമലീല, ബ്രദേഴ്സ് ഡേ, ഒരു പഴയ ബോംബ് കഥ എന്നിവയാണ് പ്രയാഗയുടെ മറ്റ് ചിത്രങ്ങൾ സോഷ്യൽമീഡിയയിലും സജീവമായ പ്രയാഗ നല്ലൊരു നർത്തകിയും മോഡലുമാണ്.
ഇപ്പോൾ നടി പ്രയാഗ തന്റെ സ്വകാര്യ ജീവിതത്തെക്കുറിച്ച് വെളിപ്പെടുത്തിയിരിക്കുകയാണ്. നിലവില് കരിയറില് മാത്രമാണ് ഫോക്കസ് ചെയ്യുന്നതെന്നും ഒരു റിലേഷന്ഷിപ്പിനെക്കുറിച്ചോ പാര്ട്ണറെക്കുറിച്ചോ ഒന്നും താന് ഇപ്പോള് ചിന്തിക്കുന്നില്ലെന്നുമാണ് പ്രയാഗ പറയുന്നത്. പ്രണയം സിനിമയോടാണെന്നും താരം കൂട്ടിച്ചേർക്കുന്നു. ഡേറ്റിംഗ് എന്ന ആശയത്തോട് താല്പര്യമില്ലാത്തയാൾ കൂടിയാണ് പ്രയാഗ. സ്വാഭാവികമായി അത് നടക്കുകയാണെങ്കില് നടന്നോട്ടെയെന്നാണ് താരത്തിന്റെ പക്ഷം.
Also read: 'ഓരേ ദിവസം തന്നെ സന്തോഷവും സങ്കടവും' എല്ലാം എന്റെ മകളുടെ അനുഗ്രഹമെന്ന് സീമ.ജി.നായർ
നാച്ചുറല് ബോണ്ടിങ് കെമിസ്ട്രിയാണ് തനിക്കിഷ്ടമെന്നും ഡേറ്റിംഗിന് വേണ്ടി ഒരു പാര്ട്ണറെ കണ്ടെത്തുന്നതിനോടോ എന്തുകൊണ്ട് ഡേറ്റിംഗ് ആയിക്കൂടാ എന്ന് ചോദിച്ച് ഇറങ്ങുന്നതിനോടോ എനിക്ക് യോജിപ്പില്ലെന്നും പ്രയാഗ പറയുന്നു. 'എനിക്ക് അത് താല്പര്യമില്ലെന്ന് മാത്രമേയുള്ളൂ. അതിനോട് യോജിക്കുന്ന ഒരുപാട് പേരുണ്ടാകും. ഞാന് പറയുന്നത് മാത്രമാണ് ശരിയെന്ന് പറയില്ല. എന്റെ ശരി മറ്റുള്ളവര്ക്ക് തെറ്റായിരിക്കും. ഒരു നടിയെന്ന നിലയില് സ്ക്രീനിൽ റൊമാന്റിക് വൈബ് കൊണ്ടുവരാന് എനിക്ക് സാധിക്കും. റിയല് ലൈഫില് റൊമാന്സ് കാണിക്കുന്ന കാര്യത്തില് ഞാന് ഷൈയാണ്...' പ്രയാഗ പറയുന്നു.
അവസാനമായി റിലീസ് ചെയ്ത പ്രയാഗ മാർട്ടിൻ ചിത്രം നവരസ എന്ന ആന്തോളജിയാണ്. ആന്തോളജിയിലെ ഗൗതം വാസുദേവ് മേനോൻ സംവിധാനം ചെയ്ത ഗിത്താർ കമ്പിമേലെ നിൻട്ര് എന്ന ഹ്രസ്വചിത്രത്തിൽ പ്രയാഗയായിരുന്നു നായിക. തമിഴ് സൂപ്പർ താരം സൂര്യയായിരുന്നു പ്രയാഗയുടെ നായകൻ. സംഗീതം ആസ്പദമാക്കിയൊരുക്കിയ ഹ്രസ്വ ചിത്രത്തിൽ നേത്ര എന്ന കഥാപാത്രമായിട്ടായിരുന്നു പ്രയാഗ എത്തിയത്.
Recommended Video
Also read: 'ലാൽസാറിന് ഇനിയൊരു ബോക്സിങ് ചാമ്പ്യൻഷിപ്പിൽ പങ്കെടുക്കാം' വൈറലായി കോച്ചിന്റെ വാക്കുകൾ