ഹോം

വാർത്ത

പഴയത് പുതിയത് എന്നൊക്കെയുണ്ടോ എന്ന സികെ രാഘവന്‍ ചോദിച്ചാല്‍ മേരി പറയും, പ്രേമത്തില്‍ പഴയതും പുതിയതുമുണ്ടെന്ന്. ഇന്നത്തെ കാലത്ത് പ്രണയത്തില്‍ സത്യസന്ധത വളരെ കുറവാണെന്ന അഭിപ്രായക്കാരിയാണ് പ്രേമം എന്ന അല്‍ഫോണ്‍സ് പുത്രന്‍ ചിത്രത്തില്‍ മേരി ജോര്‍ജ്ജായി എത്തിയ അനുപമ പരമേശ്വരന്‍.

പണ്ടത്തെ പ്രണയങ്ങള്‍ക്കൊക്കെ കുറച്ചുകൂടെ ആഴവും ആയുസും ഉണ്ടായിരുന്നുവെന്ന് തോന്നിയിട്ടുണ്ട്. കേട്ടുകേള്‍വിയാണെങ്കിലും അതാണ് യാഥാര്‍ത്ഥ്യമെന്നാണ് മനസ്സിലാക്കിയിട്ടുള്ളത്- അനുപമ പറയുന്നു.

ഇഷ്ടമുള്ളയാളോട് കാത്തു കാത്തിരുന്ന് മിണ്ടുന്നതിന്റെയും കാണുന്നതിന്റെയും സുഖമൊക്കെ പ്രണയത്തിന്റെ ആഴം കൂട്ടുമായിരുന്നു. ഇപ്പോഴൊക്കെ മനസ്സില്‍ ആശിക്കുമ്പോള്‍ തന്നെ പ്രിയപ്പെട്ടയാളിന്റെ സാന്നിധ്യം ശബ്ദമായോ മെസേജായോ മറ്റെയാള്‍ക്ക് കിട്ടുന്നുണ്ട്.

പണ്ടത്തെ ആ കൗതുകങ്ങള്‍ പുതിയ സാങ്കേതിക വിദ്യകള്‍ തകര്‍ത്തതുകൊണ്ടായിരിക്കാം ഇപ്പോഴത്തെ ബന്ധങ്ങള്‍ക്ക് അധികം ആയുസില്ലാത്തത്. എന്നാല്‍ സത്യസന്ധമായ ബന്ധങ്ങള്‍ തീരെ ഇല്ലെന്ന് പറയാന്‍ കഴിയില്ല. നല്ല മനസ്സോടെ സ്‌നേഹിക്കുന്നവര്‍ ഇക്കാലത്ത് അപൂര്‍വ്വമായെങ്കിലും ഉണ്ടെന്നാണ് അനുപമ പരമേശ്വരന്റെ അഭിപ്രായം.

'ഒരാണിനോട് പെണ്ണിനും, പെണ്ണിനോട് ആണിനും തോന്നുന്നത് മാത്രമല്ല പ്രണയം'