'എല്ലാ വിമർശനങ്ങളും ഉയർച്ചയിലേക്കുള്ള വഴികളാണ്', പ്രേക്ഷകരുടെ സൂര്യ പറയുന്നു

സമൂഹമാധ്യമങ്ങൾ വഴി കൂടെവിടെ സീരിയൽ വിശേഷങ്ങളും തന്റെ ജീവിതത്തിലെ പുതിയ കാൽവെപ്പുകളെ കുറിച്ചുമെല്ലാം അൻഷിദ സംസാരിക്കാറുണ്ട്. ഇപ്പോൾ തരം​ഗമാകുന്നത് അൻഷിദ പങ്കുവെച്ച പുതിയ ഫോട്ടോഷൂട്ട് ചിത്രങ്ങളാണ്. കറുത്ത നിറത്തിലുള്ള തിളക്കമാർന്ന ബ്ലാക്ക് ലോംങ് സ്‌കര്‍ട്ടിനൊപ്പം മോഡേണ്‍ ഷോര്‍ട് ബ്ലൗസാണ് അൻഷിദ ധരിച്ചിരിക്കുന്നത്. പ്രശസ്തമായ ഫാന്‍സി ആഭരണ വസ്ത്രാലങ്കാര ഷോപ്പായ ഇവാന്‍ഷിയാണ് താരത്തിനുള്ള വസ്ത്രാലങ്കാരവും ചെയ്തിരിക്കുന്നത്. അന്‍ഷിതയെ മനോഹരിയായി അണിയിച്ചൊരുക്കിയത് അനു ഫാത്തിമയാണ്. കറുപ്പിൽ സുന്ദരിയായി എത്തിയ അൻഷിദയുടെ ഫോട്ടോഷൂട്ട് ചിത്രങ്ങൾ നിമിഷനേരം കൊണ്ട് ആരാധകരും വൈറലാക്കി.

ഫോട്ടോ പങ്കുവെച്ചപ്പോൾ അൻഷിത ഒപ്പം എഴുതിയ വാക്കുകളും ശ്രദ്ധനേടുന്നുണ്ട്. 'നെ​ഗറ്റീവ് കമന്റുകളും വിമർശനങ്ങളും എനിക്ക് ഉയരാനുള്ള ചവിട്ടുപടിയായി കാണുന്നു' എന്നാണ് ഫോട്ടോഷൂട്ട് ചിത്രങ്ങൾക്കൊപ്പം അൻഷിദ കുറിച്ചത്. 'എല്ലാവരോടും എനിക്ക് ഒരുപാട് സ്നേഹവും നന്ദിയും മാത്രം. എന്‍റെ എല്ലാ സന്തോഷങ്ങളും എന്നോടൊപ്പം ഏറ്റെടുത്ത് എനിക്ക് ഒരുപാട് സ്നേഹവും പിന്തുണയും തരുന്ന എല്ലാവരോടും ഒരുപാട് സന്തോഷവും സ്നേഹവും അറിക്കുന്നു. ഇനിയും എന്‍റെ ഈ യാത്രയിൽ എല്ലാവരുടേയും സ്നേഹവും പ്രാർത്ഥനയും ഉണ്ടാകണം. ഭാവിയെ ഉത്കണ്ഠയോടെ ആശ്രയിക്കാതെ വർത്തമാനത്തെ ആസ്വദിക്കുന്നതാണ് യഥാർഥ സന്തോഷം' അൻഷിദ പറഞ്ഞു.

Recommended Video

പിള്ളേര് എടുത്ത് വെട്ടും നിന്നെ ..മുക്തയെ തേച്ച് ഭിത്തിയിൽ ഒട്ടിച്ച് ഒരു ഡോക്ടർ

200 എപ്പിസോഡുകൾ പിന്നിട്ട് കൂടെവിടെ ജൈത്രയാത്ര തുടരുകയാണ്. ബിപിൻ ജോസാണ് കൂടെവിടെയിൽ നായകനായി അഭിനയിക്കുന്നത്. ഋഷി-സൂര്യ ജോഡിക്ക് കേരളത്തിൽ നിരവധി ആരാധകരാണുള്ളത്. ഇരുവരേയും ഋഷ്യയെന്നാണ് ആരാധകർ വിശേഷിപ്പിക്കുന്നത്. ഇരുവരും പ്രണയം തുറന്ന് പറയുന്ന എപ്പിസോഡ് അടുത്തിടെയാണ് സംപ്രേഷണം ചെയ്തത്. ഇരുവരുടേയും വിവാഹം കാണാൻ കാത്തിരിക്കുകയാണ് ആരാധകർ. ഇരുന്നൂറിലധികം എപ്പിസോഡുകൾ കൂടെവിടെ പിന്നിട്ടു. ബംഗാളി പരമ്പരയായ മോഹോറിന്റെ റീമേക്കായ പരമ്പര ആരേയും പിടിച്ചിരുത്തുന്ന പ്രണയമാണ് സ്‌ക്രീനിലെത്തിക്കുന്നത്. കൂടെവിടെയുടേതായി പുതിയതായി പുറത്തിറങ്ങിയ പ്രമോയിൽ ​ഗുണ്ടകളുടെ കൈയ്യിൽ നിന്നും രക്ഷപ്പെട്ട് ഒളിച്ച് താമസിക്കുന്ന ഋഷിയേയും സൂര്യയേയുമാണ് കാണിക്കുന്നത്. ഉടൻ തന്നെ സീരിയലിന്റെ മെ​ഗാ എപ്പിസോഡ് സംപ്രേഷണം ചെയ്യുമെന്നാണ് അടുത്തിടെ അണിയറപ്രവർത്തകർ അറിയിച്ചത്. മെ​ഗാ എപ്പിസോഡിന്റെ ടീസറിൽ വിവാഹിതരായ ഋഷിയും സൂര്യയുമാണുള്ളത്. മെ​ഗാ എപ്പിസോഡ് ഉടൻ സംപ്രേഷണം ചെയ്യുമെന്ന് അറിയിച്ചതോടെ ആരാധകരും ആകാംഷയിലാണ്. ഋഷി സൂര്യ പ്രണയം ശക്തമായതോടെ സീരിയലിന് ലഭിക്കുന്ന ആരാധക പിന്തുണയിലും വലിയ വ്യത്യാസമുണ്ട്.