'പ്രണയമുണ്ടായിരുന്നു... ഇപ്പോഴില്ല, പ്രൊഫഷനാണ് പ്രാധാന്യം നൽകുന്നത്'-ഋതു മന്ത്ര

മൂന്നാം സീസണിലെ മത്സരാർഥികളെല്ലാവരും മികച്ച പ്രകടനമാണ് കാഴ്ചവെച്ചത്. കപ്പ് നേടിയത് നടൻ മണിക്കുട്ടനായിരുന്നു. മൂന്നാം സീസണിൽ ഏറ്റവും കൂടുതൽ പിന്തുണ ലഭിച്ച മത്സരാർഥികളിൽ ഒരാർ ​ഗായികയും നടിയും മോഡലുമായി ഋതു മന്ത്രയായിരുന്നു. അവസാന അഞ്ചിൽ ഋതു മന്ത്ര ഇടം പിടിക്കുകയും ചെയ്തിരുന്നു. മിസ് ഇന്ത്യ അടക്കമുള്ള മത്സരങ്ങളിൽ കേരളത്തെ പ്രതിനിധീകരിച്ച് മത്സരിച്ചിട്ടുള്ളയാളാണ് ഋതു മന്ത്ര. ഹണി ബീ, ഓപ്പറേഷൻ ജാവ തുടങ്ങിയ സിനിമകളിലും ഋതുമന്ത്ര അഭിനയിച്ചിട്ടുണ്ട്.

ബി​ഗ് ബോസ് മത്സരാർഥിയായിരിക്കുമ്പോൾ തന്നെ ജിയാ ഇറാനി എന്ന മോഡലുമായി ബന്ധപ്പെട്ടുള്ള ​ഗോസിപ്പുകൾ ഋതുവിനെ കുറിച്ച് വന്നിരുന്നു. ഋതുവും താനുമായി പ്രണയത്തിലായിരുന്നുവെന്നും എന്നാൽ ബി​ഗ് ബോസിൽ നിന്നും പുറത്തിറങ്ങിയ ശേഷം അവൾ തന്നെ വഞ്ചിവെന്നുമാണ് ജിയാ ഇറാനി പരാതിപ്പെട്ടത്. എന്നാൽ വിഷയത്തിൽ കൃത്യമായി ഒരു പ്രതികരണം ഇതുവരെ ഋതു മന്ത്ര നടത്തിയിട്ടില്ല. കഴിഞ്ഞ ദിവസം അമൃതാ ടിവിയിൽ എം.ജി ശ്രീകുമാർ അവതാരകനായ പാടാം നേടാം പരിപാടിയിൽ ഋതു മന്ത്ര പങ്കെടുത്തിരുന്നു. ഷോയിൽ ഋതു പറഞ്ഞ ചില കാര്യങ്ങളാണ് ഇപ്പോൾ ശ്രദ്ധിക്കപ്പെടുന്നത്.

പ്രണയം ഉണ്ടോ അതിനോട് എങ്ങനെ പ്രതികരിക്കുന്നുവെന്ന് എം.ജി ശ്രീകുമാർ ചോദിച്ചപ്പോൾ പ്രേമം ഇപ്പോഴില്ല എന്നാണ് ഋതു പറയുന്നത്.'പ്രേമം ഇപ്പോഴില്ല... വർക്കിൽ കോൺസൻട്രേറ്റ് ചെയ്യുകയാണ്. മുമ്പ് ചില പ്രണയങ്ങൾ ഉണ്ടായിരുന്നു. കാലം മാറുന്നതിന് അനുസരിച്ച് ചിന്താ​ഗതികളും മാറിയപ്പോൾ അവയെല്ലാം പോയി. ഇപ്പോൾ കരിയറിൽ മാത്രമാണ് ശ്രദ്ധിക്കുന്നത്' ഒരുപാട് സിനിമകളിൽ പാടണമെന്നും അഭിനയിക്കണമെന്നും ആ​ഗ്രഹമുണ്ടെന്നും കരിയറിൽ ശോഭിക്കാനാണ് ആ​ഗ്രഹിക്കുന്നതെന്നും ഋതു പറഞ്ഞു. അടുത്തിടെ ബ്ലാസ്റ്റേഴ്സ് എന്നൊരു സിനിമയിൽ ​ഗാനം ആലപിക്കാൻ സാധിച്ചതിന്റെ സന്തോഷത്തെകുറിച്ചും ഋതു പങ്കുവെച്ചു. ഋതുവിനൊപ്പം താരത്തിന്റെ അമ്മയും ഷോയുടെ ഭാ​ഗമായിരുന്നു.

Recommended Video

Bigg boss Arya got cheated on her birthday | FilmiBeat Malayalam

അമ്മയോട് ഇത്രയധികം ആത്മബന്ധമുണ്ടാകാനുള്ള കാരണം ചോദിച്ചപ്പോൾ അമ്മ അത്രയേറെ സെൽഫ് ലെസ്സായിട്ടാണ് തനിക്കൊപ്പം നിന്നതെന്നും കരിയർ കൂടെ കൊണ്ടുപോകാൻ സഹായിച്ചത് അമ്മയുടെ പിന്തുണയാണെന്നും ഋതു പറഞ്ഞു. ബാ​ഗ്ലൂരിൽ മോഡലിങിൽ ശോഭിക്കാൻ അഞ്ച് വർഷത്തോളം കഷ്ടപ്പെട്ടതിനെ കുറിച്ചുമെല്ലാം ഋതു വിവരിച്ചു. ​മനോഹരമായി ​ഗാനം ആലപിച്ച് ബി​ഗ് ബോസ് സീസൺ 3യിലെ പാട്ടുപെട്ടിയായി മാറിയ താരമാണ് ഋതു. മിസ് ഇന്ത്യ മത്സരത്തിനിടെ പാട്ടുപാടി മിസ് ടാലന്റഡ് പട്ടം നേടിയതിനെ കുറിച്ചും ഋതു അഭിമുഖത്തിൽ വിവരിച്ചിരുന്നു.