'റാണിയമ്മയുടെ കള്ളകഥകൾ എണ്ണി ചോദിച്ച് ഋഷി', കൂടെവിടെ പഴയ ട്രാക്കിലേക്ക് തിരിച്ച് വരുന്നു

റിഷിയും സൂര്യയും പ്രണയത്തിലാണെന്ന് അറിഞ്ഞ് റാണിയമ്മയാണ് ​ഗുണ്ട സാബുവിനെ കൊണ്ട് സൂര്യയെ അപായപ്പെടുത്താൻ ശ്രമിച്ചത്. സൂര്യയെ രക്ഷപ്പെടുത്തിയ ശേഷമാണ് ഇനി നാട്ടിലേക്ക് പോയാൽ സൂര്യയുടെ ജീവന് അപകടമാണെന്ന് റിഷി തിരിച്ചറിയുന്നത്. ശേഷമാണ് ഇരുവരും അതിഥിയുടെ നിർദേശ പ്രകാരം അതിഥിയുടെ പഴയ തറവാട്ടിൽ താമസിക്കുന്നത്. അവിടെ ഒളിച്ച് താമസിക്കുന്നതിനിടെയാണ് റിഷിക്ക് തന്റെ യഥാർഥ അമ്മയായ അതിഥിയുടെ സ്നേഹം തിരിച്ചറിയാൻ സാധിച്ചത്. തന്നിൽ നിന്നും റിഷിയെ റാണിയമ്മ വേർപ്പെടുത്തിയെടുക്കുകയായിരുന്നുവെന്നുള്ള സത്യമെല്ലാം റിഷിയോട് അതിഥി പറയുകയും ചെയ്തിരുന്നു.

നാളുകൾ നീണ്ട അഞ്ജാത വാസത്തിന് ശേഷം തിരികെ മാളിയേക്കലേത്ത് എത്തിയ റിഷി തന്നോടും അമ്മയോടും ചെയ്ത ക്രൂരതകളെ കുറിച്ച് എണ്ണിയെണ്ണി ചോദിക്കുകയും ചെയ്തിരുന്നു. റിഷി തിരികെ എത്തിയാൽ കള്ളങ്ങളിലൂടെ റിഷിയെ സൂര്യയിൽ നിന്നും പിരിച്ച് ബന്ധുവായ മിത്രയെ കൊണ്ട് വിവാഹം ചെയ്യിക്കാനായിരുന്നു റാണിയമ്മ പദ്ധതിയിട്ടിരുന്നത്. എന്നാൽ ഇപ്പോൾ എല്ലാ പദ്ധതികളും പാളുകയാണ്. തനിക്ക് റാണിയമ്മയേക്കാളും സ്നേഹം അതിഥിയോട് ഉണ്ടെന്ന സത്യവും റിഷി റാണിയമ്മയോട് തുറന്ന് പറഞ്ഞിരുന്നു. മിത്രയുമായുള്ള റിഷിയുടെ വിവാഹം നടത്താനുള്ള ശ്രമങ്ങളെ കുറിച്ചും റിഷി തിരിച്ചറിയുന്നുണ്ട്. മകൻ സത്യം മനസിലാക്കിയ സന്തോഷത്തിലാണ് അതിഥി.

Recommended Video

അർച്ചന സുശീലൻ രണ്ടാമതും വിവാഹിതയായി..കണ്ടോ കല്യാണം അങ്ങ് അമേരിക്കയിൽ

സൂര്യയുമായുള്ള റിഷിയുടെ വിവാഹം നടക്കാതിരിക്കാനുള്ള പരിശ്രമത്തിലാണ് റാണിയമ്മ. അതേസമയം സൂര്യയെ വിവാഹം ചെയ്ത് മാളിയേക്കലേക്ക് കൊണ്ടുവന്നാൽ അതിഥിയുടെ അവസ്ഥ തന്നെയായിരിക്കും സൂര്യയ്ക്കുമെന്ന് ലക്ഷ്മി റിഷിക്ക് മുന്നറിയിപ്പ് നൽകുന്നുണ്ട്. റിഷിയോടൊത്തുള്ള സന്തോഷം നിറഞ്ഞ ജീവിതം സ്വപ്നം കണ്ടാണ് സൂര്യ കഴിയുന്നത്. റാണിയമ്മ അടക്കമുള്ള ശത്രുപക്ഷത്തെ തോൽപ്പിച്ചാൽ മാത്രമെ അമ്മയോടൊപ്പവും ഇഷ്ടപ്പെട്ട പെണ്ണിനൊപ്പവും ജീവിക്കാൻ റിഷിക്ക് സാധിക്കൂ. പുതിയ എപ്പിസോഡുകൾ കാണുമ്പോൾ പഴയ ട്രാക്കിലേക്ക് കൂടെവിടെ തിരിച്ചെത്തി എന്ന സൂചനകളാണ് ലഭിക്കുന്നതെന്നും സന്തോഷമുണ്ടെന്നും ആരാധകർ കമന്റായി കുറിച്ചു. റിഷി-സൂര്യ പ്രണയം വളരെയധികം പൈങ്കിളിയായിട്ടാണ് അവതരിപ്പിക്കുന്നതെന്നും സീരിയൽ ബോറാകുന്നുവെന്നുമെല്ലാം അടുത്തിടെയായി സീരിയൽ വിമർശനം നേരിട്ടിരുന്നു. എന്നാൽ വിമർശനങ്ങൾ പരി​ഗണിച്ച് മാറിയ രൂപത്തിലാണ് കഥ ഇപ്പോൾ സഞ്ചരിക്കുന്നത്.