'നൂബിനുമൊത്തുള്ള ഫോട്ടോയും ഷിയാസിന്റെ ആശംസയും'; സത്യാവസ്ഥ വെളിപ്പെടുത്തി അമൃത നായർ

കഴിഞ്ഞ ദിവസം താരത്തിന്റെ സുഹൃത്തും നടനുമായ നൂബിൻ ജോണിയുമൊന്നിച്ചുള്ള ഒരു ചിത്രം സോഷ്യൽമീഡിയയിൽ അമൃത പങ്കുവെച്ചിരുന്നു. ഫോട്ടോ പ്രത്യക്ഷപ്പെട്ടതോടെ ഇരുവരും പ്രണയത്തിലാണ് എന്ന തരത്തിൽ നിരവധി വാർത്തകൾ പ്രചരിച്ചിരുന്നു. കൂടാതെ നടനും മോഡലുമായ ഷിയാസ് കരീം ഹാപ്പി മാരീഡ് ലൈഫ് എന്ന് കമന്റ് കൂടി ചെയ്തതോടെ അമൃതയുടെ ആരാധകരെല്ലാം താരം നൂബിനെ വിവാഹം ചെയ്യാൻ പോവുകയാണെന്ന് വിശ്വസിച്ചു. കഴിഞ്ഞ ദിവസം ഓൺലൈൻ മാധ്യമങ്ങളിലെല്ലാം അമൃതയും നൂബിനും പ്രണയത്തിലാണ് എന്ന തരത്തിലാണ് വാർത്തകൾ പ്രചരിച്ചത്.

ഫോട്ടോ പങ്കുവെച്ച് പുലിവാല് പിടിച്ചിരിക്കുകയാണ് അമൃത. തന്റേയും നൂബിന്റേയും പേരിൽ വിവാഹ വാർത്തകൾ പ്രചരിക്കുന്നത് വലിയ മാനസീക വിഷമം സൃഷ്ടിക്കുന്നുണ്ട് എന്നാണ് അമൃത സോഷ്യൽമീഡിയയിൽ പങ്കുവെച്ച വീഡിയോയിൽ പറഞ്ഞത്. താരം പങ്കുവെച്ച ഫോട്ടോയ്ക്ക് പിന്നിലെ സത്യാവസ്ഥയും അമൃത വെളിപ്പെടുത്തി. 'ഞങ്ങൾ ഒന്നിച്ചഭിനയിക്കുന്ന പുതിയ പ്രോജക്ടിന്റെ ഭാ​ഗമായുള്ള ഫോട്ടോയാണ് ഞാൻ കഴിഞ്ഞ ദിവസം പങ്കുവെച്ചത്. അല്ലാതെ ഞങ്ങളുടെ സേവ് ദി ഡേറ്റിന്റെ ഫോട്ടോയല്ല. ഫോട്ടോയ്ക്ക് ഷിയാസ് കരീം തമാശയ്ക്ക് വേണ്ടിയാണ് ഹാപ്പി മാരീഡ് ലൈഫ് എന്ന് കുറിച്ചത്. ആ കമന്റ് ഇത്ര വലിയ പൊല്ലാപ്പാകുമെന്ന് കരുതിയിരുന്നില്ല. ഞങ്ങൾ രണ്ടാളുടെയും സുഹൃത്താണ് ഷിയാസിക്ക' അമൃത പറഞ്ഞു.

Recommended Video

Marakar might not satisfy my fans but won awards says Mohanlal

'ഒരു തരത്തിലും എന്നെ വെറുതെ വിടില്ലെന്ന് തീരുമാനിച്ചിരിക്കുന്ന പോലെയാണ് കഴിഞ്ഞ ദിവസങ്ങളിൽ ഓൺലൈൻ മീഡിയകൾ വാർത്തകൾ പങ്കുവെച്ചത്. വ്യജ വാർത്തകൾ നിങ്ങൾ പങ്കുവെച്ചപ്പോൾ എന്നേയും നൂബിനേയും അത് വളരെയധികം ബാധിച്ചു. ഞങ്ങൾ നല്ല സുഹൃത്തുക്കൾ മാത്രമാണ്.... അവൻ എനിക്ക് സഹോദരനെ പോലെയാണ്. ചില വെഡ്ഡിങ് കമ്പനികളിൽ നിന്നൊക്കെ കോളുകൾ വരാൻ തുടങ്ങി. യൂ ട്യൂബിൽ നോക്കിയപ്പോൾ ഞങ്ങളുടെ പ്രണയം സഫലമായി എന്നൊക്കെയാണ് വാർത്തകൾ വന്നത്. വളരെയധികം വിഷമം തോന്നി. സുഹൃത്തുക്കളും ബന്ധുക്കളും അടം ഫോൺ വിളിച്ച് വാർത്തയെ കുറിച്ച് തിരക്കുന്നുണ്ട്. പലരും കല്യാണം വിളിച്ചില്ലെന്ന പരാതിയൊക്കെയാണ് പറയുന്നത്. നൂബിനും വളിയ ബുദ്ധിമുട്ട് ഇത്തരം വ്യാജ വാർത്തയിലൂടെ ഉണ്ടായിട്ടുണ്ട്. എന്റെ വിവാഹം ഉണ്ടെങ്കിൽ ഞാൻ ഒദ്യോ​ഗികമായി എല്ലാവരേയും അറിയിക്കും' അമൃത കൂട്ടിച്ചേർത്തു.