'ഹരി കൈവിട്ടുപോകാതിരിക്കാൻ എല്ലാ അടവും പയറ്റി തമ്പി', ശിവാഞ്ജലിക്ക് പ്രാധാന്യം നൽകണമെന്ന് ആരാധകർ

ഇപ്പോൾ ഹരിയേയും അപ്പുവിനേയും തിരികെ സാന്ത്വനത്തിലേക്ക് വിടാതെ തങ്ങൾക്കൊപ്പം പിടിച്ച് നിർത്താനുള്ള ശ്രമത്തിലാണ് തമ്പി. എന്നാൽ എങ്ങനെങ്കിലും തമ്പിയുടെ കൈകളിൽ നിന്ന് രക്ഷപ്പെട്ട് തിരികെ സാന്ത്വനത്തിലെത്താനുള്ള ശ്രമങ്ങളിലാണ് ഹരി. വില പിടിപ്പുള്ള നിരവധി സമ്മാന​ങ്ങളും മോഹന വാ​ഗ്ദാനങ്ങളും നൽകി ഹരിയെ വശത്താക്കാൻ തമ്പി ശ്രമിച്ചെങ്കിലും ഹരി വഴങ്ങിയില്ല. ഇപ്പോൾ അമിത സ്നേഹം എന്ന വഴി മാറ്റി പിടിച്ച് ഹരിയെ എന്നന്നേക്കുമായി തനിക്ക് ഒപ്പം നിർത്താനുള്ള ശ്രമത്തിലാണ് തമ്പി. തന്റെ പുതിയ പദ്ധതികളെ കുറിച്ച് ഭാര്യയോട് സംസാരിക്കുന്ന തമ്പിയാണ് സാന്ത്വനത്തിന്റെ പുതിയ പ്രമോയിലുള്ളത്. അച്ഛന് ഹരിയോടുള്ളത് യഥാർഥ സ്നേഹമാണ് എന്നാണ് അപ്പു ധരിച്ചിരിക്കുന്നത്.

എന്നന്നേക്കുമായി സാന്ത്വനത്തിലെ സഹോദരങ്ങൾക്കിടയിൽ നിന്നും ഹരിയെ പറിച്ച് മാറ്റാനുള്ള തമ്പിയുടെ ശ്രമങ്ങളുടെ ഭാ​ഗമാണ് അമിതമായി കാണിക്കുന്ന സ്നേഹമെന്ന് അപർണ അറിഞ്ഞിട്ടില്ല. തന്നെക്കാൾ പണത്തിന്റെ കാര്യത്തിൽ പിന്നോക്കം നിൽക്കുന്നവരാണ് സാന്ത്വനം കുടുംബം എന്നത് തന്നെയാണ് തമ്പിക്ക് സാന്ത്വനത്തിലെ അം​ഗങ്ങളോടുള്ള വെറുപ്പിന് കാരണം തിരികെ വീട്ടിലേക്ക് എത്തിയ അപർണയോട് സാന്ത്വനത്തിലെ കുറവുകളെ കുറിച്ച് തമ്പി സംസാരിക്കുകയും ചെയ്തിരുന്നു. എന്നാൽ പ്രേക്ഷകർ പ്രതീക്ഷിച്ചതിൽ നിന്നും വിപരീതമായി സാന്ത്വനത്തിലെ അം​ഗങ്ങളുടെ സ്നേഹവും പരി​ഗണനയും എത്തരത്തിലുള്ളതാണെന്ന് എണ്ണിയെണ്ണി പറഞ്ഞ് തമ്പിയോട് ഇതേ ചൊല്ലി അപർണ തർക്കിച്ചിരുന്നു. മ്പത്ത് കുറഞ്ഞാലും അതിനനുസരിച്ച് സന്തോഷത്തോടെ ജീവിക്കാനാണ് താന്‍ സാന്ത്വനം വീട്ടില്‍നിന്ന് പഠിച്ചതെന്നും അപർണ തമ്പിയോട് പറഞ്ഞിരുന്നു. സാന്ത്വനത്തിലെ അം​ഗങ്ങളെ പരിഹസിച്ചതിന്റെ പേരിൽ ഹരിയും തമ്പിയുമായി വാക്കുതർക്കമുണ്ടായിരുന്നു.

Recommended Video

മമ്മൂക്കയുടെ വാ തുറപ്പിക്കാൻ നോക്കി..കണ്ടം വഴി ഓടി ലാലേട്ടൻ ഫാൻസ്‌ | FilmiBeat Malayalam

സാന്ത്വനത്തിന്റേതായി പുറത്തിറങ്ങുന്ന പ്രമോകൾക്കും എപ്പിസോഡുകൾക്കും വലിയ സ്വീകാര്യതയാണ് പ്രേക്ഷകരിൽ നിന്നും ലഭിക്കുന്നത്. ഹരി-അപർണ്ണ കഥ കേട്ട് മടുത്തുവെന്നും ശിവാഞ്ജലി കോമ്പോയിലുള്ള സീനുകൾ കുറച്ച് കൂടി ഉൾപ്പെടുത്തണമെന്നുമാണ് ആരാധകർ കമന്റുകളിലൂടെ ഇപ്പോൾ ആവശ്യപ്പെടുന്നുണ്ട്. അവരാണ് സീരിയലിനെ നിലനിർത്തുന്നതെന്നും അവരെ ഒഴിവാക്കി തമ്പി പുരാണം കുത്തി നിറച്ചാൽ സീരിയൽ കാണുന്നത് ഉപേക്ഷിക്കേണ്ടി വരുമെന്നെല്ലാമാണ് പുതിയ പ്രമോയിൽ അതൃപ്തി അറിയിച്ച് സീരിയൽ ആരാധകർ കുറിച്ചത്.