ആലീസിനോടൊപ്പം ജീവിക്കാൻ സജിൻ ഒരുക്കിയ 'ബെത്‌ലഹേം'

പത്തനംതിട്ട സ്വദേശിയായ സജിൻ സജി സാമുവലാണ് ആലീസിന്റെ വരൻ. അടുത്തിടെയായിരുന്നു ആലീസിന്റെ വിവാഹനിശ്ചയം നടന്നത്. നവംബർ 18നാണ് ആലീസിന്റേയും സജിന്റേയും വിവാഹം. പ്രണയ വിവാഹമല്ലെന്നും വീട്ടുകാർ തീരുമാനിച്ചുറപ്പിച്ചതാണ് വിവാഹമെന്നും ആലീസ് പറഞ്ഞു. ആലീസിന്റെ സുഹൃത്ത് വഴിയാണ് സജിന്റെ വിവാഹാലോചന വന്നത്. ആലീസിന് വിവാഹം ആലോചിക്കുന്നുണ്ടെന്ന് അറിഞ്ഞ് വീടിനടുത്ത് ഒരാളുണ്ട് എന്നും ആലോചിക്കണോ എന്നും ചോദിക്കുകയുമായിരുന്നു. തുടര്‍ന്ന് സജിന്റെ ഫോട്ടോയും ഏതാനും ടിക്ടോക് വീഡിയോകളും അയച്ചുകൊടുത്തു. അതിൽ പെങ്ങൾക്കൊപ്പം സജിൻ ചെയ്ത വീഡിയോ ഒരുപാട് ഇഷ്ടപ്പെട്ടതായി ആലീസ് തന്നെ പറഞ്ഞിരുന്നു. ആലീസിന്റെ ഫോട്ടോ കണ്ട് സജിനും ഇഷ്ടപ്പെട്ടു. പിന്നീട് ഇരുവരും ഇന്‍സ്റ്റഗ്രാമിലൂടെ പരിചയപ്പെടുകയും നേരിട്ട് കണ്ട് സംസാരിക്കുകയും ചെയ്തു. തുടര്‍ന്ന് വീട്ടുകാരോട് പറഞ്ഞു. വീട്ടുകാര്‍ക്കും ഇഷ്ടപ്പെട്ടതോടെ വിവാഹം ഉറപ്പിച്ചു. വിവാഹം ഉറപ്പിച്ചിട്ട് ഒന്നര വര്‍ഷത്തിലേറെയായി. കോവിഡും സിനിമാ സീരിയൽ തിരക്കുകളും കാരണം വിവാഹം നീണ്ടു പോകുകയായിരുന്നെന്നും ആലീസ് പറഞ്ഞിരുന്നു.

വിവാഹത്തിന് പുറമെ മറ്റൊരു പുതിയ സന്തോഷം കൂടി ആലീസിന്റേയും സജിന്റേയും ജീവിതത്തിലേക്ക് വന്നുചേർന്നിരിക്കുകയാണ്. ഭാവിവരൻ സജിൻ ഇരുവർക്കും ഒന്നിച്ച് ജീവിക്കാനായി വെച്ച പുതിയ വീടിന്റെ ​ഗൃഹപ്രവേശന വിശേഷങ്ങളാണ് ആലീസ് പുതിയ ഇൻസ്റ്റ​ഗ്രാം പോസ്റ്റിലൂടെ പങ്കുവെച്ചിരിക്കുന്നത്. പാലുകാച്ചൽ ചടങ്ങിന്റെ ഫോട്ടോകളും ആലീസ് പങ്കുവെച്ചു. ബെത്‌ലഹേം എന്നാണ് സജിൻ വീടിന് പേര് നൽകിയിരിക്കുന്നത്. വീടിനായുള്ള ഓരോ പ്രവൃത്തികൾ ചെയ്യുമ്പോഴും സജിൻ തന്നോട് അഭിപ്രായം ചോദിച്ചിരുന്നുവെന്നും എല്ലാ കാര്യങ്ങളിലും തന്റെ ഇഷ്ടങ്ങൾ കൂടി സജീൻ പരി​ഗണിച്ചത് ഏറെ സന്തോഷം നൽകിയെന്നുമെല്ലാം ആലീസ് കുറിച്ചു.

Recommended Video

ആ സത്യം ദുൽഖർ പറയുന്നു.. വാപ്പച്ചിയോട് മുട്ടാൻ എനിക്കാവില്ല | Filmibeat Malayalam

'ബെത്‌ലഹേം എന്നാണ് വീടിന് പേര് നൽകിയിരിക്കുന്നത് ഇവിടെ തുടങ്ങുന്നു ഞങ്ങളുടെ പുതിയ ജീവിതം. ഇന്ന് നീ എന്നെ കൂടുതൽ അഭിമാനിയാക്കി. കഴിഞ്ഞ വർഷം ഈ സമയം ഞങ്ങളുടെ ഈ വലിയ തുടക്കത്തിനായി ഞങ്ങൾ പ്ലാൻ ചെയ്യുകയായിരുന്നു. ഓരോ ഘട്ടത്തിലും എന്റെ അഭിപ്രായങ്ങളും പരി​ഗണിച്ചാണ് നീ ആ വീട് നിർമ്മിച്ചത്. ഇത്രയും ചെറുപ്പത്തിലെ നീ ഇതൊക്കെ ഉണ്ടാക്കിയെടുത്തതിൽ ഞാൻ വളരെ സന്തോഷവതിയാണ്. എല്ലാ ദിവസവും ഒരോ കാര്യങ്ങളും ചർച്ച ചെയ്യാൻ നീ എന്നെ വിളിച്ച ഒരോ വീഡിയോ കോളും എനിക്ക് മറക്കാൻ പറ്റില്ല. നീ എടുത്ത കഷ്ടപാടിന് അഭിനന്ദനങ്ങൾ. ആ വീട്ടിലെ ഓരോ സ്ഥലവും എനിക്കറിയം. ഇത് സാധ്യമാക്കാൻ നിങ്ങൾ കഠിനാധ്വാനം ചെയ്യുന്നത് ഞാൻ കണ്ടിട്ടുണ്ട്. നിന്നെ ഓർത്ത് ഞാൻ അഭിമാനിക്കുന്നു. ഞങ്ങൾക്ക് ആവശ്യമുള്ളതെല്ലാം നൽകിയതിന് ഞാൻ ദൈവത്തിന് നന്ദി പറയുന്നു' ആലീസ് കുറിച്ചു. റെബേക്ക സന്തോഷ് അടക്കമുള്ള സിനിമാ-സീരിയൽ രം​ഗത്തെ താരങ്ങൾ ഇരുവർക്കും ആശംസകൾ നേർന്നു.