'എന്റെ ഇഷ്ടങ്ങൾക്കൊന്നും ഇക്ക നോ പറയാറില്ല', വിവാഹ വാർഷികമാഘോഷിച്ച് ഫിറോസും സജ്നയും

കേക്ക് മുറിച്ചും പരസ്പരം സമ്മാനങ്ങൾ കൈമാറിയുമെല്ലാമായിരുന്നു ഇരുവരുടേയും വിവാഹ വാർഷിക ആഘോഷം. ടെലിവിഷൻ മേഖലയിൽ പരിപാടികളുടെ അസിസ്റ്റന്റ് ഡയറക്ടറായിട്ടാണ് ഫിറോസ് കരിയർ ആരംഭിച്ചത്. ‌ മമ്മൂട്ടി ചിത്രം ഫേസ് റ്റു ഫേസ്, ഒരു കന്നട ചിത്രം എന്നിവയിലും ഫിറോസ് അഭിനയിച്ചിട്ടുണ്ട്. ചാക്കോയും മേരിയും, സുമംഗലി ഭവ, അന്ന കരീന തുടങ്ങിയ പരമ്പരകളിലൂടെയാണ് സജ്നയെ പ്രേക്ഷകർ അറിയുന്നത്. ഇരുവരുടേതും രണ്ടാം വിവാഹമായിരുന്നു. ഏറെ നാളത്തെ പ്രണയത്തിന് ശേഷമാണ് ഇരുവരും ഒന്നിച്ചത്. ഇരുവരുടേയും ആദ്യ വിവാഹം പരാജയമായിരുന്നു. ഇപ്പോൾ ദമ്പതികൾക്ക് മൂന്നുമക്കളാണുള്ളത്.

ആഗ്രഹിച്ചതിനും അപ്പുറത്തുള്ള കാര്യങ്ങള്‍ നല്‍കിയാണ് ഇക്ക തന്നെ ജീവിതത്തിലേക്ക് ഒപ്പം കൂട്ടിയത് എന്നാണ് സജ്ന ഫിറോസിനെ പറ്റി പറയാറുള്ളത്. അദ്ദേഹം ജീവിതത്തിലേക്ക് വന്നതോടെയാണ് പ്രണയം ശരിക്കും ആസ്വദിച്ച് തുടങ്ങിയതെന്നും സജ്‌ന പറഞ്ഞിരുന്നു. ഇരുവരും ഏറ്റവും ഇലയ മകൻ റോവലിനൊപ്പമാണ് ഏഴാം വിവാഹ വാർഷികം ആഘോഷിച്ചത്. സുഹൃത്തിന്റെ റെസ്റ്റോറന്റിലായിരുന്നു ഫിറോസ് സജ്നയ്ക്കായി വിവാഹ വാർഷികമാഘോഷിക്കാനുള്ള ഒരുക്കങ്ങൾ നടത്തിയത്. സജ്നയ്ക്ക് ഇഷ്ടപ്പെട്ട ബ്ലാക്ക് ഫോറസറ്റ് കേക്കായിരുന്നു വാർഷികത്തിന് വേണ്ടി ഒരുക്കിയിരുന്നത്. കേക്ക് മുറിച്ച് മധുരം പങ്കിട്ട് കഴിച്ച ശേഷം ഫിറോസിനായി താൻ ആ​ഗ്രഹിച്ച് വാങ്ങിയ മാല സജ്ന നൽകി. ഒരു ബ്രേസ് ലെറ്റായിരുന്നു സജ്നയ്ക്കുള്ള ഫിറോസിന്റെ വിവാ​ഹ വാർഷിക സമ്മാനം. വീട് പണി നടക്കുന്നതിനാൽ ഇക്കയുടെ കൈയ്യിൽ പണമില്ലാത്തതിനാൽ ​ഗിഫ്റ്റ്താൻ പ്രതീക്ഷിച്ചിരുന്നില്ലെന്നും അപ്രതീക്ഷിതമായിരുന്നു ഇക്കയുടെ സമ്മാനമെന്നും സജ്ന പറഞ്ഞു. കാൻഡിൽ ലൈറ്റ് ഡിന്നറിനിടയിൽ ഇരുവരും ഇഷ്ടാനിഷ്ടങ്ങളെ കുറിച്ച് പരസ്പരം വിലയിരുത്തുന്നുണ്ടായിരുന്നു. ഫിറോസിന്റെ ഇഷ്ടങ്ങളെ കുറിച്ചെല്ലാം കിറുകൃത്യമായി സജ്ന മനസിലാക്കിയിട്ടുണ്ട് എന്നാണ് ഉത്തരങ്ങളിൽ നിന്നും വ്യക്തമായത്.

Recommended Video

എന്തിന് മണികുട്ടന് ജയം ? കിടിലനാണ് വിജയിയെന്ന് ഗായത്രി

ഏഴ് വർഷത്തെ ജീവിതത്തിൽ തന്റെ രണ്ട് കണ്ണുകൾ പോലെയാണ് ഫിറോസും മക്കളും തന്റെ മാതാപിതാക്കളുമെന്നും സജ്ന പറയുന്നുണ്ട്. തന്റെ ആ​ഗ്രഹങ്ങൾക്കെല്ലാം ഒപ്പം സഞ്ചരിക്കാൻ ശ്രമിക്കുന്ന ആളാണ് ഫിറോസെന്നും. എല്ലാ ഫ്രീഡവും ഇക്ക തരാറുണ്ടെന്നും സജ്ന പറയുന്നു. ഫിറോസിന്റെ ദേഷ്യമാണ് ഇഷ്ടമല്ലാത്തതെന്നും ഇടയ്ക്കിടെ അടും ഇഷ്ടപ്പെടാറുണ്ടെന്നും സജ്ന പറഞ്ഞു. ഒക്ടോബർ 23നായിരുന്നു ഇരുവരുടേയും വിവാഹ വാർഷികം. തങ്ങൾ മറന്നുപോയിരുന്നുവെന്നും ഫിറോസിന്റെ സുഹൃത്തുമായി പഴയ കല്യാണ കഥകൾ പറഞ്ഞപ്പോഴാണ് ഇന്നാണ് വിവാഹ വാർഷികമെന്ന് മനസിലാക്കിയതെന്നും ഫിറോസും സജ്നയും പറഞ്ഞു. ടെലിവിഷനിലെ ചാറ്റ് ​ഗെയിം ഷോകളിൽ സജീവ സാന്നിധ്യമാണ് ഇപ്പോൾ ഈ താരദമ്പതികൾ. ഫിറോസിനും സജ്നയ്ക്കും ആരാധകരും വിവാഹ വാർഷിക ആശംസകൾ നേർന്നു.