അച്ഛന്റെ മഹിമകൾ പൊക്കി പറഞ്ഞ് അപ്പു, ശിവനെ കുറിച്ച് ഓർത്ത് വിഷമിച്ച് അഞ്ജു!

ഹരി ബുള്ളറ്റിൽ വന്നതും സമ്മാനമായി ഹരിക്ക് മാലയും ചെയിനും എല്ലാം കിട്ടിയത് കണ്ട് അപ്പുവിന്റെ അച്ഛനെ കണ്ണൻ പുകഴ്ത്തുന്നത് കേട്ട് സങ്കടപ്പെടുന്ന അഞ്ജലിയേയും പുതിയ പ്രമോയിൽ കാണാം. ഹരിക്ക് സമ്മാനങ്ങൾ കിട്ടുന്ന കാണുമ്പോൾ ശിവന് വിഷമം ഉണ്ടാകുമോ എന്ന് ആലോചിച്ചാണ് അഞ്ജലി സങ്കടപ്പെടുന്നത്. താൻ അനുഭവിക്കുന്ന വിഷമത്തെ കുറിച്ച് അഞ്ജലി ശിവനോട് പറയുന്നതും പുതിയ പ്രമോയിൽ കാണാം. തന്റെ അച്ഛന്റെ സാമ്പത്തീക സ്ഥിതി മോശമായതുകൊണ്ടാണ് ഇത്തരം സമ്മാനങ്ങൾ നൽകാന് കഴിയാത്തതെന്നും വിഷമിക്കരുതെന്നുമാണ് അഞ്ജലി ശിവനോട് പറഞ്ഞത്.

എന്നാൽ അഞ്ജലിയെ പോലും അത്ഭുതപ്പെടുത്തിയ മറുപടിയാണ് ശിവൻ പറഞ്ഞത്. തനിക്ക് വിഷമമില്ലെന്നും ഇത്തരം ആ​ഗ്രഹങ്ങൾ സ്വപ്നത്തിൽ പോലും ഇല്ലാത്തയാളാണ് താനെന്നുമാണ് ശിവൻ അഞ്ജലിക്ക് മറുപടി നൽകിയത്. ഹരി സാന്ത്വനത്തിൽ നിന്നും മാറി നിന്നിട്ടില്ലാത്തതിനാൽ ഹരി തിരിച്ചെത്തിയ സന്തോഷമാണ് അം​ഗങ്ങൾക്കെല്ലാം. കണ്ണൻ ബുള്ളറ്റ് ഓടിച്ച് നോക്കികൊട്ടെ എന്ന് അപ്പു സമ്മതിക്കാതിരിക്കുന്നതും പുതിയ പ്രമോയിൽ കാണാം. ആനപ്പുറത്ത് അണ്ണാൻ പോകുന്ന പോലെ ഉണ്ടാകുമെന്നാണ് അപ്പു മറുപടിയായി കണ്ണനോട് പറഞ്ഞത്. തിരികെ വന്നപ്പോൾ മുതൽ അച്ഛന്റെ മഹിമയെ കുറിച്ചും തമ്പി ഹരിക്ക് നൽകിയ സമ്മാനങ്ങളെ കുറിച്ചും വാതോരാതെ സംസാരിക്കുകയാണ് അപ്പു.

Recommended Video

Marakar might not satisfy my fans but won awards says Mohanlal

പുതിയ പ്രമോയിലെ അപ്പുവിന്റെ പ്രകടനം കണ്ട് അപ്പു ജാഡക്കാരിയായി മാറി എന്നാണ് സീരിയൽ പ്രേക്ഷകർ പറയുന്നത്. പ്രേമിച്ച് വിവാഹം കഴിച്ചു എന്നതിന്റെ പേരിൽ അപ്പുവിനെ തമ്പി വീട്ടിൽ നിന്നും പുറത്താക്കിയിരുന്നു. പലതവണ മാപ്പ് പറഞ്ഞ് തിരികെ ചെന്നിട്ടും ക്ഷമിക്കാൻ തയ്യാറായിരുന്നില്ല. ശേഷം അപ്പു ​ഗർഭിണിയാണെന്ന് അറിഞ്ഞ ശേഷമാണ് തമ്പിയുടെ മനസ് അലിഞ്ഞതും അപ്പുവിനെ വീട്ടിലേക്ക് കൂട്ടികൊണ്ടുപോയതും. എന്നാൽ അപ്പുവിനേയും ഹരിയേയും വീട്ടിലേക്ക് കൂട്ടികൊണ്ടുപോയ ശേഷം അളവിൽ കവിഞ്ഞ സ്നേഹമാണ് തമ്പി അപ്പുവിനോടും മരുമകൻ ഹരിയോടും കാണിച്ചത്. കൂടാതെ ഹരിക്ക് ഒരു ബുള്ളറ്റ് വാങ്ങി നൽകി അതിൽ ഹരിക്കൊപ്പം സഞ്ചരിക്കുകയും തന്റെ ബിസിനസ് പ്ലാനുകളെ കുറിച്ച് ഹരിയോട് സംസാരിക്കുകയും ചെയ്തിരുന്നു. സംഭവം പലപ്പോഴായി ശ്രദ്ധയിൽപ്പെട്ട സാന്ത്വനം കുടുംബാം​ഗങ്ങൾ ഹരിയെ തമ്പി വശത്താക്കി തങ്ങളിൽ നിന്നും അകറ്റുമോ എന്നാണ് ഭയപ്പെടുന്നത്.