രാം ചരണിന്റെ പല്ല് അടിച്ച് തെറിപ്പിക്കുമെന്ന് പറഞ്ഞ് നന്ദമൂരി ബാലകൃഷ്ണ, കാരണം വിചിത്രം

പക്ഷേ രാം ചരണിന്റെ വാക്കുകൾ ചടങ്ങിൽ സന്നിഹിതനായിരുന്ന നന്ദമുരി ബാലകൃഷ്ണയ്ക്ക് അത്ര നന്നായി ഇഷ്ടപ്പെട്ടില്ല. തുടർന്ന് അദ്ദേഹം രാം ചരണിനെതിരെ ഇങ്ങനെ പ്രസം​ഗിച്ചു. 'എ.ആർ മുരുകദോസിനെപ്പോലൊരു സംവിധായകൻ ടോളിവുഡിന് ലഭിക്കാത്തതിൽ ഖേദിക്കുന്നു എന്ന് സ്റ്റേജിൽ പറയുന്ന ചുരുക്കം ചിലരെ ഞാൻ കണ്ടിട്ടുണ്ട്. മറ്റാരോ നട്ടുപിടിപ്പിച്ച വൃക്ഷത്തിന്റെ ഫലം ആസ്വദിക്കുന്ന ഒരാളാണ് അവൻ. അവന്റെ പല്ല് അടിച്ച് തെറിപ്പിക്കും' നന്ദമൂരി ബാലകൃഷ്ണ പറഞ്ഞു. കേട്ടിരുന്നവർ അടക്കം നന്ദമൂരി ബാലകൃഷ്ണയുടെ പ്രസം​ഗത്തിൽ അമ്പരന്നു. വലിയ ഫാൻ ബേസ് തെലുങ്കിലുള്ള നടൻ കൂടിയായതിനാൽ അദ്ദേഹത്തിന്റെ സിനിമകളെല്ലാം തെലുങ്കിൽ എന്നും വലിയ വിജയമാകാറുണ്ട്.

ബോയപട്ടി ശ്രീനു സംവിധാനം ചെയ്ത അഖണ്ഡയാണ് ബാലകൃഷ്ണയുടെ ഏറ്റവും പുതിയ റിലീസ്. സിനിമ കഴിഞ്ഞ ദിവസമാണ് തിയേറ്ററുകളിലെത്തിയത്. ബോക്സോഫീസിൽ വലിയ കലക്ഷൻ നേട്ടങ്ങളുമായി സിനിമയുടെ പ്രദർശനം തുടരുകയാണ്. അഖണ്ഡയിൽ ഡബിൾ റോളിലാണ് നന്ദമൂരി ബാലകൃഷ്ണ എത്തുന്നത്. സംവിധായകൻ ബോയപതി ശ്രീനു തന്നെയാണ് സിനിമയുടെ കഥയും എഴുതിയിരിക്കുന്നത്. പ്ര​ഗ്യ ജയ്സ്വാളിന് പുറമെ പുലിമുരുകനിലൂടെ മലയാളിക്ക് സുപരിചിതനായ വില്ലൻ ജ​ഗപതി ബാബുവാണ് മറ്റൊരു പ്രധാന കഥാപാത്രത്തെ ചിത്രത്തിൽ അവതരിപ്പിക്കുന്നത്. എസ്.തമൻ ആണ് ചിത്രത്തിന്റെ സം​ഗീതം ഒരുക്കിയിരിക്കുന്നത്. മലയാളി നടി ഷംന കാസിമും ചിത്രത്തിൽ ഒരു സുപ്രധാന കഥാപാത്രത്തെ അവതരിപ്പിക്കുന്നുണ്ട്.

Recommended Video

Balakrishna lose his temper and throw phone in audio launch

റിലീസിന് തയ്യാറെടുക്കുന്ന രാജമൗലി സംവിധാനം ചെയ്ത ആർആർആർ ആണ് ഇനി റിലീസിനെത്താനുള്ള രാം ചരൺ സിനിമ. ബാഹുബലിക്ക് ശേഷം രാജമൗലി ഒരുക്കുന്ന ചിത്രം കൂടിയാണിത്. അടുത്ത വർഷം റിലീസിനൊരുങ്ങുന്ന ചിത്രത്തിന്റെ ട്രെയിലർ അണിയറപ്രവർത്തകർ പുറത്തുവിട്ടിരുന്നു. ജൂനിയർ എൻടി ആർ ആണ് ചിത്രത്തിൽ മറ്റൊരു മികച്ച വേഷം ചെയ്യുന്നത്. 2022 ജനുവരി 7നാണ് ചിത്രം ലോകമെമ്പാടുമുള്ള തിയറ്ററുകളില്‍ എത്തുക. അജയ് ദേവ്‍ഗണ്‍, ആലിയ ഭട്ട്, ഒലിവിയ മോറിസ്, റേ സ്റ്റീവെന്‍സണ്‍, അലിസണ്‍ ഡൂഡി തുടങ്ങി വന്‍ താരനിരയെയാണ് രാജമൗലി അണിനിരത്തുന്നത്. 1920കള്‍ പശ്ചാത്തലമാക്കുന്ന ചിത്രം അല്ലൂരി സീതാരാമ രാജു, കോമരം ഭീം എന്നീ സ്വാതന്ത്ര്യ സമര സേനാനികളുടെ കഥയാണ് സിനിമ പറയുന്നത്.