അക്കിനേനി കുടുംബത്തിലെ വിവാഹ മോചനങ്ങളുടെയും വേർപിരിയലുകളുടെയും ചരിത്രം

തെലുങ്ക് സൂപ്പർ താരമാണ് നാ​ഗാർജുന അക്കിനേനി. നാ​ഗാർജുന ആദ്യം വിവാഹം ചെയ്തത് തെലുങ്കിലെ പ്രശസ്ത നിർമാതാവായിരുന്ന ഡോ.ഡി.രാമനായിഡുവിന്റെ മകളായ ലക്ഷ്മി ദ​ഗുബാട്ടിയേയാണ്. നടൻ വെങ്കിടേഷിന്റേയും നിർമാതാവ് സുരേഷ് ബാബുവിന്റേയും സഹോദരിയുമാണ് ലക്ഷ്മി ദ​ഗുബാട്ടി. 1984ൽ ആയിരുന്നു ഇവരുടെ വിവാഹം. ഇവരുടെ മകനാണ് നടനും സാമന്തയുടെ ഭർത്താവുമായിരുന്ന നാ​ഗ ചൈതന്യ. ആറ് വർഷം നീണ്ട ദാമ്പത്യ ജീവിതത്തിന് ശേഷം 1990ൽ ഇരുവരും ബന്ധം പിരിഞ്ഞു. വിവാഹമോചനം നടന്ന് രണ്ട് വർഷം പിന്നിട്ട ശേഷം നടി അമലയെ നാ​ഗാർജുന വിവാഹം ചെയ്തു. ഈ ബന്ധത്തിലാണ് നടനായ അഖിൽ അക്കിനേനി പിറന്നത്. വിവാഹത്തിന് മുമ്പ് നിരവധി ചിത്രങ്ങളിൽ നാ​ഗാർജുനയും അമലയും ഒരുമിച്ച് അഭിനയിച്ചിട്ടുണ്ട്.

സത്യം, ​ഗൗരി, ​ഗോദാവരി തുടങ്ങിയ സിനിമകളിലൂടെ തെലുങ്ക് സിനിമാ ലോകത്ത് ശ്രദ്ധനേടുകയും ഒട്ടേറെ സിനിമകളുടെ ഭാ​ഗമാവുകയും ചെയ്ത നടൻ സുമന്ത് യാർല​ഗഡയും അക്കിനേനി കുടുംബാം​ഗമാണ്. നാ​ഗാർജുനയുടെ ബന്ധു കൂടിയാണ് താരം. സുമന്ത് യാർല​ഗഡയും വിവാഹമോചിതനാണ്. 2004 ആ​ഗസ്റ്റിലാണ് സുമന്ത് ഹിന്ദി, തമിഴ്, തെലുങ്ക് സിനിമകളിലൂടെ ശ്രദ്ധേയയായ കീർത്തി റെഡ്ഡിയെ വിവാഹം ചെയ്തത്. രണ്ട് വർഷത്തെ ദാമ്പത്യ ജീവിതത്തിന് ശേഷം ഇരുവരും വിവാഹമോചനം നേടി. ശേഷം മറ്റൊരാളെ വിവാഹം ചെയ്ത കീർത്തി ഇപ്പോൾ അമേരിക്കയിലാണ് താമസം. എന്നാൽ സുമന്ത് ഇതുവരെയും പുനർവിവാഹം ചെയ്തിട്ടില്ല.

ചില ഓൺലൈൻ വെബ് പോർട്ടലുകൾ അനുസരിച്ച് സുമന്ത് യർലഗദ്ദയുടെ സഹോദരി സുപ്രിയ യാർല​ഗഡയുടെ വിവാഹവും വിജയമായിരുന്നില്ല എന്നാണ് അറിയുന്നത്. ഭർത്താവ് ചരൺ റെഡ്ഡിയുമായുള്ള വിവാഹം വിജയകരമായി മുന്നോട്ട് പോകാത്തതിനാൽ അവർ ഇപ്പോഴും ഒറ്റയ്ക്കാണ് കഴിയുന്നത്. വീട്ടുകാരുടെ സമ്മതത്തോടെ നടന്ന വിവാഹമായിരുന്നു ഇരുവരുടേതും.

നാ​ഗാർജുനയുടെ രണ്ടാമത്തെ മകനും നടനുമായ അഖിൽ അക്കിനേനിയുടെ വിവാഹജീവിതവും വിജയമായിരുന്നില്ല. ഒരു വർഷം മാത്രമാണ് ആ ബന്ധത്തിന് ആയുസുണ്ടായിരുന്നത്. 2016ലാണ് അഖിൽ വൻകിട ബിസിനസുകാരനായ ജി.വി കൃഷ്ണ റെഡ്ഡിയുടെ ചെറുമകളും ഫാഷൻ ഡിസൈനറുമായ ശ്രിയ ഭൂപാൽ റെഡ്ഡിയെ വിവാഹം ചെയ്തത്. ഒരു വർഷത്തിന് ശേഷം ശ്രിയയുടെ കുടുംബം മുൻകൈയ്യെടുത്ത് ബന്ദം അവസാനിപ്പിച്ചു. റേസിംഗ് ചാമ്പ്യനും ബിസിനസുകാരനുമായ അനിന്ദിത്ത് റെഡ്ഡിയെയാണ് ശ്രിയ പിന്നീട് വിവാഹം കഴിച്ചത്. അതേസമയം അഖിൽ ഇപ്പോഴും അവിവാഹിതനായി തുടരുകയാണ്. ടോളിവുഡിൽ നിരവധി സിനിമകൾ അഖിലിന്റേതായി റിലീസിന് ഒരുങ്ങുന്നുണ്ട്.

Recommended Video

Sidharth's cryptic post on Samantha get backlash from published

നീണ്ട വർഷത്തെ പ്രണയത്തിന് ശേഷമാണ് സാമന്തയും നാ​ഗചൈതന്യയും 2017ൽ ​ഗോവയിൽ വെച്ച് വിവാ​ഹിതരായത്. ഹിന്ദു, ക്രിസ്ത്യൻ മതാചാരപ്രകാരം ആർഭാ​ടമായാണ് വിവാഹം നടന്നത്. ചായ്സാം എന്നാണ് ഇവരെ ആരാധകർ വിശേഷിപ്പിച്ചിരുന്നത്. ഇരുവരും വിവാഹമോചനത്തിന് ഒരുങ്ങുന്നുവെന്ന് റൂമറുകൾ ഉണ്ടായിരുന്നുവെങ്കിലും ആരാധകർ അത് വിശ്വസിച്ചിരുന്നില്ല. എന്നൽ റൂമറുകൾ സത്യമാക്കികൊണ്ട് ഇരുവരും ഒക്ടോബർ 2ന് വിവാഹമോചിതരാകാൻ പോകുന്ന വിവരം ഔദ്യോ​ഗികമായി പ്രഖ്യാപിക്കുകയായിരുന്നു.