'ഒരേ ഒരു ഉറപ്പാണ് ഭാര്യ ചോദിച്ചത് അത് പാലിക്കാൻ ശ്രദ്ധിക്കാറുണ്ട്'; വെളിപ്പെടുത്തി സൂപ്പർ താരം

പ്ര​ഗ്യ ജയ്സ്വാൾ ആണ് അഖണ്ഡയിൽ നായികയായി എത്തിയത്. ഓരോ ദിവസം കഴിയുന്തോറും ഈ സിനിമ കൂടുതൽ പ്രേക്ഷകരിലേക്ക് എത്തുകയാണ്. ഇപ്പോൾ ആഹാ ഒടിടി പ്ലാറ്റ്ഫോമിൽ സെലിബ്രിറ്റി ചാറ്റ് ഷോയുടെ അവതാരകനുമാണ് ബാലകൃഷ്ണ. ഡിജിറ്റൽ പ്ലാറ്റ്‌ഫോമിൽ അദ്ദേഹം ചെയ്യുന്ന ആദ്യത്തെ പരിപാടി കൂടിയാണ് ഈ ചാറ്റ് ഷോ. അടുത്തിടെ സംപ്രേഷണം ചെയ്ത ഏറ്റവും പുതിയ എപ്പിസോഡിൽ കോമഡി കിംഗ് ബ്രഹ്മാനന്ദവും ആക്ഷൻ, കോമഡി സിനിമകൾക്ക് പേരുകേട്ട ചലച്ചിത്ര നിർമ്മാതാവ് അനിൽ രവിപുടിയുമാണ് പങ്കെടുത്തത്. സുഹൃത്തുക്കളുമായി നടത്തിയ സൗഹൃദ സംഭാഷണത്തിനിടെ ബാലകൃഷ്ണ ഭാര്യയെ കുറിച്ചുള്ള ചില കാര്യങ്ങൾ വെളിപ്പെടുത്തി. ഭാര്യ തന്നെ കൊണ്ട് ചെയ്യിപ്പിച്ച് വാങ്ങിയ ഒരു ഉറപ്പിനെ കുറിച്ചാണ് അദ്ദേഹം തുറന്ന് പറഞ്ഞത്.

വീഡിയോ ഇപ്പോൾ താരത്തിന്റെ ആരാധകർക്കിടയിൽ വൈറലാണ്. തിയേറ്ററുകളിലേക്ക് മറ്റുള്ള താരങ്ങളുടെ സിനിമകൾ കാണാൻ പോകുമ്പോൾ പാലിക്കണമെന്ന് ഭാര്യ നിർദേശിച്ചിരിക്കുന്ന കാര്യത്തെ കുറിച്ചാണ് ബാലകൃഷ്ണ പറഞ്ഞത്. 'ഞാൻ മറ്റുള്ള താരങ്ങളുടെ സിനിമകൾ കാണാൻ തിയേറ്ററിൽ പോയാൽ എനിക്ക് ഇഷ്ടപ്പെട്ടില്ലെങ്കിൽ സിനിമ പാതിവഴിക്കിട്ട് ഇറങ്ങിപോരുന്നതാണ് രീതി. എന്നാൽ ഭാര്യ പറയുന്നത് അവളുടെ കൂടെ അത്തരത്തിൽ ഒരുമിച്ച് സിനിമ കാണാൻ തിയേറ്ററിൽ പോയാൽ ഇഷ്ടപ്പെട്ടില്ലെങ്കിലും പാതി വഴിയിൽ ഉപേക്ഷിച്ച് ഇറങ്ങിപോവരുത് എന്നാണ്' നന്ദമൂരി ബാലകൃഷ്ണ പറഞ്ഞു. വസുന്ദരാ ദേവി എന്നാണ് ബാലകൃഷ്ണയുടെ ഭാര്യയുടെ പേര്. 1982ൽ ആയിരുന്നു ബാലകൃഷ്ണയുമായുള്ള വസുന്തരയുടെ വിവാഹം നടന്നത്. ഇരുവർക്കും മൂന്ന് മക്കളാണുള്ളത്.

Recommended Video

Balakrishna lose his temper and throw phone in audio launch

അഖണ്ഡയിൽ ഡബിൾ റോളിലാണ് നന്ദമൂരി ബാലകൃഷ്ണ എത്തുന്നത്. സംവിധായകൻ ബോയപതി ശ്രീനു തന്നെയാണ് സിനിമയുടെ കഥയും എഴുതിയിരിക്കുന്നത്. പ്ര​ഗ്യ ജയ്സ്വാളിന് പുറമെ പുലിമുരുകനിലൂടെ മലയാളിക്ക് സുപരിചിതനായ വില്ലൻ ജ​ഗപതി ബാബുവാണ് മറ്റൊരു പ്രധാന കഥാപാത്രത്തെ ചിത്രത്തിൽ അവതരിപ്പിക്കുന്നത്. എസ്.തമൻ ആണ് ചിത്രത്തിന്റെ സം​ഗീതം ഒരുക്കിയിരിക്കുന്നത്. മലയാളി നടി ഷംന കാസിമും ചിത്രത്തിൽ ഒരു സുപ്രധാന കഥാപാത്രത്തെ അവതരിപ്പിക്കുന്നുണ്ട്. അടുത്തിടെ ബാലകൃഷ്ണയെ കുറിച്ച് ഷംന പറഞ്ഞ വാക്കുകൾ വൈറലായിരുന്നു. തന്റെ സിനിമാ ജീവിതത്തിലെ ഒരേയൊരു ​ഗോഡ്ഫാദർ നന്ദമൂരി ബാലകൃഷ്ണയാണ് എന്നാണ് ഷംന പറഞ്ഞത്.