ജീവിക്കാൻ അനുവദിക്കൂയെന്ന് ചാർമി കൗർ, സോഷ്യൽ മീഡിയ വിട്ടു; ആറ് കോടി തിരികെ നൽകി വിജയ് ദേവരകൊണ്ട

ധർമ്മ പ്രൊഡക്ഷൻസും പുരി കണക്ടും ചേർന്നായിരുന്നു സിനിമ നിർമ്മിച്ചിരുന്നത്. 35 കോടിയായിരുന്നു സിനിമയ്ക്ക് വിജയ് ദേവരകൊണ്ട കൈപറ്റിയ പ്രതിഫലം. സിനിമ പരാജയപ്പെട്ടതോടെ ആറ് കോടി രൂപ നടൻ നിർമാതാക്കൾക്ക് തിരിച്ചു നൽകി. ഇപ്പോഴിതാ ചിത്രത്തിന്റെ കോ പ്രൊഡ്യൂസറായ ചാർമി കൗർ സോഷ്യൽ മീഡിയയിൽ നിന്നും മാറി നിൽക്കാൻ തീരുമാനിച്ചിരിക്കുകയാണ്.

ലൈ​ഗറിന്റെ പരാജയത്തിൽ വ്യാപക വിമർശനവും പരിഹാസവും വരുന്ന സാഹചര്യത്തിലാണ് തീരുമാനം. 'ചിൽ ​ഗയ്സ്. ഒരു ഇടവേള എടുക്കുകയാണ് ( സോഷ്യൽ മീഡിയയിൽ നിന്ന്). പുരികണക്ട്ട് ശക്തമായി തിരിച്ചു വരും. അതുവരെ, ജീവിക്കൂ, ജീവിക്കാനനുവദിക്കൂ,' ചാർമി കൗറിന്റെ ട്വീറ്റിങ്ങനെ.

Also Read: സ്വര്‍ണമാല തട്ടിപ്പറിച്ചെന്ന് പറഞ്ഞ് ബിജു മേനോനെ അയാള്‍ തല്ലി; വാവിട്ട് കരഞ്ഞ് നടനും, ആ സംഭവത്തെ പറ്റി നടൻ

പാൻ ഇന്ത്യാ തലത്തിൽ വൻ പ്രൊമോഷൻ പരിപാടികളായിരുന്നു ലൈ​ഗറിനായി നിർമാതാക്കൾ നടത്തിയിരുന്നത്. എന്നാൽ ഇതൊന്നും ഫലം കണ്ടില്ല. ആക്ഷൻ സീനുകൾ മികച്ചതാണെങ്കിലും കെട്ടുറപ്പില്ലാത്ത കഥ സിനിമയെ ബാധിച്ചെന്നാണ് നിരൂപകരും പ്രേക്ഷകരും പറയുന്നത്.
കരിയറിൽ ഡിയർ കംറേഡ്, വേൾഡ് ഫെയ്മസ് ലൗവർ എന്നീ സിനിമകളുടെ പരാജയത്തിന് ശേഷമാണ് വിജയ്യുടെ മൂന്നാമത്തെ പരാജയ സിനിമയായി ലൈ​ഗറും മാറിയത്. വൻ താരമൂല്യമുള്ള നടനെ ഇതേറെ ബാധിക്കുമെന്നാണ് സിനിമാ ലോകം പറയുന്നത്.

തെലുങ്കിൽ ചുരുങ്ങിയ കാലം കൊണ്ട് ശ്രദ്ധിക്കപ്പെട്ട നടനാണ് വിജയ് ദേവരകൊണ്ട. മറ്റ് തെലുങ്ക് സൂപ്പർ സ്റ്റാറുകളെ പോലെ സിനിമ പശ്ചാത്തലമുള്ള കുടുംബത്തിൽ നിന്നുമല്ല വിജയ് ദേവരെകാണ്ട വരുന്നത്. അതിനാൽ അടുത്തൊരു പരാജയ സിനിമ കൂടി വന്നാൽ വിജയ് ദേവരകൊണ്ടയുടെ കരിയറിനെ ഇത് താറുമാറാക്കും എന്ന് പലരും ചൂണ്ടിക്കാട്ടുന്നു. തെലുങ്ക് ചിത്രമായ ഖുശിയാണ് നടന്റെ പുറത്തിറങ്ങാനുള്ള സിനിമ. സമാന്തയാണ് ചിത്രത്തിലെ നായിക. ചിത്രത്തിൽ ഏറെ പ്രതീക്ഷയാണ് വിജയ് ദേവരകൊണ്ട ആരാധകർക്കുള്ളത്.

Also Read: ഗോകുൽ ഫാൻ ബോയ് മകനാണ്, ബാക്കി മൂന്ന് മക്കളും തലയിൽ കേറി നിരങ്ങും; മക്കളെക്കുറിച്ച് സുരേഷ് ഗോപി

അർജുൻ റെഡ്ഡി എന്ന സിനിമയ്ക്ക് ശേഷമാണ് വിജയ് ദേവരകൊണ്ട ആന്ധ്രയിലും തെലങ്കാനയിലും അറിയപ്പെടുന്ന നടനായത്. വൻ ഹിറ്റായ സിനിമയ്ക്ക് ശേഷം നടൻ തെലുങ്കിലെ യൂത്ത് ഐക്കൺ ആയി മാറുകയും ചെയ്തു. ഈ താരമൂല്യം നിലനിർത്തുക എന്നതാണ് വിജയ് ദേവരകൊണ്ടയ്ക്ക് മുന്നിൽ ഇപ്പോഴുള്ള വെല്ലുവിളി.