'നാം എന്തിന് പരസ്പരം ഇത്രമാത്രം സ്നേഹിച്ചു', പ്രണയത്തെ കുറിച്ച് സാമന്തയും നാ​ഗചൈതന്യയും പറഞ്ഞത്

'നടി സാവിത്രി നേരിട്ട അതേ അനുഭവത്തിലൂടെ ഞാനും കടന്നുപോയിരുന്നു. ശേഷം ഞാൻ അത് തിരിച്ചറിഞ്ഞ് മനസിലാക്കി ജീവിതത്തിലേക്ക് തിരിച്ചുവന്നു. പിന്നീടാണ് എനിക്ക് നാ​ഗചൈതന്യയെ ലഭിച്ചത്. അദ്ദേഹം ഒരു രത്നമാണ്. നാ​ഗയെ പോലൊരാൾ ജീവിതത്തിലേക്ക് വന്നത് ഭാ​ഗ്യമായി കരുതുന്നു' അടുത്തിടെ പുറത്തിറങ്ങിയ മഹാനടിയുടെ പ്രമോഷനുമായി ബന്ധപ്പെട്ട് ഒരു അഭിമുഖത്തിൽ പങ്കെടുക്കവെ സാമന്ത പറഞ്ഞ വാക്കുകളാണിത്. നാ​ഗചൈതന്യയ്ക്കും മുമ്പ് തനിക്കുണ്ടായിരുന്ന കാമുകനെ ജെമിനി ​ഗണേശനുമായാണ് സാമന്ത അന്ന് ഉപമിച്ചത്.

'തലയിണയാണ് നാഗ ചൈതന്യയുടെ ആദ്യ ഭാര്യ. ചുംബിക്കേണ്ടിവന്നാലും നാ​ഗയുടെ തലയിണ എപ്പോഴും ഇടയിൽ വരും' ഫീറ്റ് അപ് വിത്ത് ദ സ്റ്റാർസ് എന്ന ഷോയിൽ ലക്ഷ്മി മഞ്ചുമായുള്ള അഭിമുഖത്തിൽ പങ്കെടുത്ത് സംസാരിക്കവെ നാ​ഗചൈതന്യയെ കുറിച്ച് സാമന്ത പറഞ്ഞ വാക്കുകളാണിത്.

ഒരു ജനപ്രിയ തെലുങ്ക് ഷോയിൽ പങ്കെടുക്കവെ നാഗ ചൈതന്യ സാമന്തയെ ഫോണിൽ വിളിച്ച് ഇങ്ങനെ ചോദിച്ചു... 'ലോകത്ത് ഇത്രയധികം പെൺകുട്ടികൾ ഉണ്ടായിരുന്നപ്പോൾ... എന്തുകൊണ്ടാണ് ഞാൻ നിന്നെ സ്നേഹിച്ചത്?'. ഒരു കുസൃതി ചിരിയോടെ സാമന്ത നൽകിയ മറുപടി ഇതായിരുന്നു. 'നിനക്ക് മറ്റ് ഓപ്ഷനുകൾ ഞാൻ തന്നിരുന്നില്ല' എന്നായിരുന്നു അത്.

സാമന്തയോടൊപ്പം ഒരു ഷോയിൽ പങ്കെടുക്കവെ നാ​ഗ ചൈതന്യ ഇങ്ങനെ പറഞ്ഞു. സാമന്ത തന്റെടുത്ത് നിന്ന് ഉപദേശങ്ങൾ സ്വീകരിക്കാറില്ല എന്നതായിരുന്നു അത്. ഒപ്പം അദ്ദേഹം കൂട്ടിച്ചേർത്തു... സാമന്തയ്ക്ക് തന്നെ കുറിച്ച് എല്ലാം അറിയാമെന്നതിനാൽ ഒരിക്കലും തന്നെ ഭീഷണിപ്പെടുത്താൻ കഴിയില്ല എന്നതായിരുന്നു അത്. നാ​ഗചൈതന്യയുടെ വാക്കുകൾ വന്നതും പൊട്ടിച്ചിരിക്കുകയായിരുന്നു ഇരുവരും.

ഒരു അഭിമുഖത്തിൽ പങ്കെടുക്കവെ നാ​ഗചൈതന്യ വളരെ നിഷ്കളങ്കനാണെന്നും എന്റെ പെറ്റിനേപോലെയാണെന്നും സാമന്ത പറഞ്ഞിരുന്നു. 'എന്റെ ഭർത്താവ് വളരെ നിഷ്കളങ്കനാണ്... എനിക്ക് പെറ്റിനെ പോലെയാണ്... ഞാൻ എന്ത് ആ​ഗ്രഹം പറഞ്ഞാലും അത് അനുസരിക്കും'. എന്നായിരുന്നു.

Recommended Video

Sidharth's cryptic post on Samantha get backlash from published

ഒരു സിനിമയുടെ പ്രമോഷനുമായി ബന്ധപ്പെട്ട് സംസാരിക്കവെയാണ് പ്രണയം തുറന്ന് പറ‍ഞ്ഞതിനെ കുറിച്ച് ചായിസാം വെളിപ്പെടുത്തിയത്. താനാണ് ആദ്യം നാ​ഗചൈതന്യയോട് ഇഷ്ടമാണെന്ന് തുറന്ന് പറഞ്ഞത് എന്നാണ് സാമന്ത പറയുന്നത്. ന്യൂ യോർക്കിൽ യേം മായാ ചേസാവേയുടെ ഷൂട്ടിങിനിടയിലാണ് ആദ്യമായി പരസ്പരം ചുംബിച്ചതെന്നും സാം അന്ന് വെളിപ്പെടുത്തിയിരുന്നു.