വെറൈറ്റികളുമായി കളം പിടിക്കാൻ ആസിഫ് അലി; വരാനിരിക്കുന്നത് വമ്പൻ സിനിമകൾ

ആസിഫ് അലിയെ നായകനാക്കി ദിന്‍ജിത്ത് അയ്യത്താന്‍ സംവിധാനം ചെയ്ത ചിത്രമാണ് കിഷ്‌കിന്ധാ കാണ്ഡം. അപര്‍ണ ബാലമുരളിയാണ് ചിത്രത്തില്‍ ആസിഫിന്റെ നായികയായി എത്തുന്നത്. ഉണ്ണി മുകുന്ദനും പൃഥ്വിരാജും ചേര്‍ന്ന് 2022ലായിരുന്നു ചിത്രം പ്രഖ്യാപിച്ചത്. അപര്‍ണയ്ക്കും ആസിഫിനുമൊപ്പം വിജയരാഘവനും ചിത്രത്തില്‍ പ്രധാന കഥാപാത്രമായി എത്തുന്നുണ്ട്.  

ആസിഫ് അലിയും സണ്ണി വെയ്‌നും പ്രധാന കഥാപാത്രങ്ങളായി എത്തുന്ന ചിത്രമാണ് കാസര്‍ഗോള്‍ഡ്. മൃദുല്‍ നായരാണ് ചിത്രത്തിന്റെ സംവിധായകന്‍. മൃദുലിന്റെ ആദ്യ ചിത്രമായി ബിടെക്കിലും ആസിഫ് അലിയായിരുന്നു നായകന്‍. ത്രില്ലര്‍ പശ്ചാത്തലത്തില്‍ ഒരുക്കിയ ചിത്രത്തിന്റെ തിരക്കഥയും മൃദുലിന്റേത് തന്നെയാണ്. വിനായകന്‍, ഷൈന്‍ ടോം ചാക്കോ, മാളവിക ശ്രീനാഥ് തുടങ്ങിയവരാണ് കാസര്‍ഗോള്‍ഡിലെ മറ്റു താരങ്ങള്‍.  

ആസിഫ് അലിയെ നായകനാക്കി രതീഷ് കെ രാജന്‍ സംവിധാനം ചെയ്ത ചിത്രമാണ് അടവ്. 2022 ഏപ്രിലിലായിരുന്നു ചിത്രത്തിന്റെ പ്രഖ്യാപനം. മുഹമ്മദ് നിഷാദാണ് ചിത്രത്തിന്റെ സംഭാഷണവും തിരക്കഥയും എഴുതിയിരിക്കുന്നത്. ഡോ.പോള്‍ എന്റര്‍ടെയ്ന്‍മെന്റിന്റെ ബാനറില്‍ ഡോ.പോള്‍ വര്‍ഗീസാണ് ചിത്രം നിര്‍മ്മിച്ചത്.  

ആസിഫ് അലിയും മൃദുല്‍ നായരും ഒന്നിക്കുന്ന മറ്റൊരു ചിത്രമാണ് തട്ടും വെള്ളാട്ടം. സൗബിന്‍ ഷാഹിറാണ് ചിത്രത്തിലെ മറ്റൊരു പ്രധാന താരം. തെയ്യത്തിന്റെ പശ്ചാത്തലത്തില്‍ ഒരുങ്ങുന്ന ചിത്രത്തിനായി കാത്തിരിക്കുകയാണ് ആസിഫ് അലി ആരാധകര്‍. ബാലു വര്‍ഗീസ്, െൈസജു കുറുപ്പ്, ജീന്‍ പോള്‍ ലാല്‍, ഗണപതി തുടങ്ങിയവരാണ് ചിത്രത്തിലെ മറ്റു താരങ്ങള്‍.  

ആസിഫ് അലിയെ നായകനാക്കി സുഗീത് സംവിധാനം ചെയ്ത ചിത്രമാണ് പറന്ന് പറന്ന്. അമല പോള്‍ ആണ് ചിത്രത്തിലെ നായിക. ജോജന്‍ എബ്രഹാം ആണ് ചിത്രത്തിന്റെ കഥ,തിരക്കഥ, സംഭാഷണം എഴുതിയത്. ആദ്യമായാണ് ആസിഫ് അലിയും അമല പോളും ഒരുമിച്ചെത്തുന്നത്.