മലയാളത്തിലെ എക്കാലത്തെയും മികച്ച പത്ത്‌ പ്രണയചിത്രങ്ങള്‍

മലയാളത്തിലെ എക്കാലത്തെയും മികച്ച ക്ലാസിക് സിനിമകളിലൊന്നാണ് നമുക്ക് പാര്‍ക്കാന്‍ മുന്തിരിതോപ്പുകള്‍.പദ്മരാജന്‍ സംവിധാനം ചെയ്ത ചിത്രത്തില്‍ മോഹന്‍ലാല്‍,ശാരി,തിലകന്‍ എന്നിവരായിരുന്നു പ്രധാന കഥാപാത്രങ്ങളെ അവതരിപ്പിച്ചത്.

മലയാളത്തിലെ എക്കാലത്തെയും മികച്ച റൊമാന്റിക് ബ്ലോക്ക്ബസ്റ്റര്‍ ചിത്രമാണ് കുഞ്ചാക്കോ ബോബനും ശാലിനിയും പ്രധാന കഥാപാത്രങ്ങളെ അവതരിപ്പിച്ച അനിയത്തി പ്രാവ്.ഇരുവരുടെയും ആദ്യ ചിത്രം കൂടിയായിരുന്നു ഇത്‌.

കാഞ്ചനമാലയുടെയും മൊയ്തീന്റെയും അനശ്വരപ്രണയകഥ പറഞ്ഞ എന്നു നിന്റെ മൊയ്തീന്‍ മലയാളത്തിലെ എക്കാലത്തെയും മികച്ച പ്രണയ ചിത്രങ്ങളിലൊന്നാണ്.പൃഥിരാജ് സുകുമാരന്‍, പാര്‍വതി എന്നിവരായിരുന്നു ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചത്‌.

ദിലീപും മഞ്ജുവാര്യരും മത്സരിച്ചഭിനയിച്ച സിനിമയായിരുന്നു ഈ പുഴയും കടന്ന്.ഗോപി എന്ന വാച്ച് റിപ്പയറുടെ പ്രണയവും പിന്നീട് അയാള്‍ക്ക് അനുഭവിക്കേണ്ടി വരുന്ന വിധിയുടെ ചതിക്കുഴികളുമാണ് ചിത്രം പറഞ്ഞത്.  

ഹരിഹരന്റെ സംവിധാനത്തിൽ വിനീത്, തിലകൻ, മോനിഷ, സലീമ എന്നിവർ പ്രധാനവേഷങ്ങളിൽ അഭിനയിച്ച് 1986-ൽ പ്രദർശനത്തിനെത്തിയ ചിത്രമാണ് നഖക്ഷതങ്ങൾ.മലയാളത്തിലെ എക്കാലത്തെയും മികച്ച ക്ലാസിക് സിനിമകളിലൊന്നാണ് ചിത്രം.

മലയാളത്തില്‍ ജനപ്രീതി നേടിയ എറ്റവും വലിയ ഹിറ്റ് ചിത്രങ്ങളിലെന്നാണ് മോഹന്‍ലാല്‍ നായകനായി എത്തിയ ചിത്രം.1988 ഡിസംബര്‍ 23ന് ക്രിസ്മസ് റിലീസായാണ് ചിത്രം തിയേറ്ററുകളിലേക്ക് എത്തിയത്.ഒരു വര്‍ഷത്തോളം റഗുലര്‍ ഷോയില്‍ പ്രദര്‍ശിപ്പിച്ച ഒരേയൊരു ചിത്രമെന്ന റെക്കോര്‍ഡ് ചിത്രത്തിന് സ്വന്തമാണ്.

പ്രമേയം കൊണ്ടും മികച്ച കാസ്റ്റിങ്ങിനാലും വേറിട്ടൊരു സിനിമയായിരുന്നു നവാഗതനായ ഷാനവാസ് കെ ബാവകുട്ടി സംവിധാനം ചെയ്ത കിസ്മത്ത്.ഒരുമിച്ച് ജീവിക്കാനായി തീരുമാനിച്ച ഇര്‍ഫാന്‍, അനിത എന്നിവരുടെ ജീവിതം പറഞ്ഞ ചിത്രത്തില്‍ ഷെയ്ന്‍ നിഗം,ശ്രുതി മേനോന്‍ എന്നിവരായിരുന്നു പ്രധാന കഥാപാത്രങ്ങളെ അവതരിപ്പിച്ചത്.

പ്രശസ്ത എഡിറ്റര്‍ ബി അജിത് കുമാര്‍ ആദ്യമായി സംവിധാനം ചെയ്ത ചിത്രമായിരുന്നു ഈട.കേരളത്തിലെ രാഷ്ട്രീയ കൊലപാതകങ്ങളുടെ പശ്ചാത്തലത്തില്‍ പ്രണയകഥ പറഞ്ഞ ചിത്രത്തില്‍ ഷെയ്ന്‍ നിഗം, നിമിഷ സജയന്‍ എന്നിവരായിരുന്നു പ്രധാന കഥാപാത്രങ്ങളെ അവതരിപ്പിച്ചത്.

മലയാളികള്‍ എക്കാലവും ഓര്‍ക്കുന്ന മോഹന്‍ലാലിന്റെ ഹിറ്റ് ചിത്രങ്ങളിലൊന്നാണ് ചിത്രം.ചിത്രത്തിൽ ഗിരിജ ഷെട്ടാർ ആയിരുന്നു നായിക.ഔസേപ്പച്ചൻ സംഗീതസംവിധാനം നിർവഹിച്ച ഈ ചിത്രത്തിലെ അഞ്ചു ഗാനങ്ങളും സൂപ്പർ ഹിറ്റുകളായിരുന്നു. ഈ സിനിമയുടെ ഭൂരിഭാഗം ഭാഗങ്ങളും ബാംഗ്ലൂരിൽ വച്ചാണ് ചിത്രീകരിക്കപ്പെട്ടത്.

ഞാന്‍ ഇപ്പോഴും ഓര്‍ക്കും....ഓരോ മുഖം കാണുമ്പോഴും ഓര്‍ക്കും.... പ്രണയമെന്ന് പറയുമ്പോള്‍ മലയാളികള്‍ ആദ്യം ഓര്‍ക്കുക തൂവാനത്തുമ്പികളിലെ ഈ ഡയലോഗുകളാണ്.ക്ലാരയെയും ജയകൃഷ്ണനെയും  അത്രപെട്ടെന്നൊന്നും മലയാളികള്‍ക്ക് മറക്കാന്‍ സാധിക്കില്ല.