പിന്‍ നിരയില്‍ നിന്നും നായകനിലേക്ക് ; ജോജുവിനെ താരമാക്കിയ കഥാപാത്രങ്ങളിലൂടെ

എം പത്മകുമാര്‍ സംവിധാനം ചെയ്ത ജോസഫ് എന്ന ചിത്രത്തില്‍ ജോസഫ് എന്ന റിട്ടയേര്‍ഡ് പോലീസുകാരന്റെ വേഷത്തിലാണ് ജോജു എത്തുന്നത്. 2018ല്‍ പുറത്തിറങ്ങിയ ചിത്രം വലിയ വിജയമാണ് നേടിയത്. ജോജുവിന്റെ കരിയറിലെ എക്കാലത്തെയും മികച്ച കഥാപാത്രങ്ങളിലൊന്നുകൂടിയായിരുന്നു ചിത്രത്തിലെ ജോസഫ് എന്ന കഥാപാത്രം.

കുഞ്ചാക്കോ ബോബൻ, നമിത പ്രമോദ് എന്നിവർ പ്രധാന വേഷങ്ങളിൽ അഭിനയിച്ചിരിക്കുന്ന ഈ ചിത്രത്തിന്റെ തിരക്കഥ എ സിന്ദുരാജാണ് നിർവഹിച്ചിരിക്കുന്നത്. ചിത്രത്തില്‍ ജോജു അവതരിപ്പിച്ച ചക്കസുകു എന്ന കഥാപാത്രത്തിന് മികച്ച പ്രതികരണമായിരുന്നു പ്രേക്ഷകരുടെ ഭാഗത്തുനിന്നും ലഭിച്ചത്.

ജോജു ജോര്‍ജ്ജ്, നിമിഷ സജയന്‍, അഖില്‍ വിശ്വനാഥ്‌ എന്നിവരെ കേന്ദ്രകഥാപാത്രങ്ങളാക്കി സനല്‍കുമാര്‍ ശശിധരന്‍ സംവിധാനം ചെയ്ത ചിത്രമാണ് 'ചോല'. നോവലിസ്റ്റും ചെറുകഥാകൃത്തുമായ കെവി മണികണ്ഠനാണ് ചിത്രത്തിനു വേണ്ടി തിരക്കഥയൊക്കിയിരിക്കുന്നത്. ചിത്രം പ്രശസ്തമായ വെനീസ് അന്താരാഷ്ട്ര ചലചിത്രോത്സവത്തിലേക്ക് തെരെഞ്ഞെടുക്കപ്പെട്ടിരുന്നു. ചിത്രത്തില്‍ ജോജു ജോര്‍ജ്ജ് അവതരിപ്പിച്ച അശാന്‍ എന്ന കഥാപാത്രം താരത്തിന്റെ അഭിനയജീവിതത്തിലെ എക്കാലത്തെയും മികച്ച കഥാപാത്രങ്ങളിലൊന്നാണ്.  

കുഞ്ചാക്കോ ബോബനെ നായകനാക്കി  രഞ്ജിത്ത് ശങ്കര്‍ സംവിധാനം ചെയ്ത ചിത്രമാണ് രാമന്റെ ഏദന്‍തോട്ടം ദാമ്പത്യജീവിതത്തിലെ അസ്വാരസ്യങ്ങളും അതിനിടയിലേക്ക് വരുന്ന വിവാഹതേര ബന്ധത്തെകുറിച്ചുമാണ് ചിത്രം ചര്‍ച്ച ചെയ്യുന്നത്.ചിത്രത്തില്‍ അനുസിത്താരയുടെ ഭര്‍ത്താവായ എല്‍വിസ് എന്ന കഥാപാത്രത്തെയാണ് ജോജു അവതരിപ്പിച്ചത്.

 ജോജു ജോര്‍ജ്ജ്, ചെമ്പന്‍ വിനോദ് ജോസ്, നൈല ഉഷ എന്നിവരെ പ്രധാന കഥാപാത്രങ്ങളാക്കി ജോഷി സംവിധാനം ചെയ്ത ചിത്രമാണ്‌ പൊറിഞ്ചുമറിയം ജോസ്. ജോജു ജോര്‍ജ്ജ് അവതരിപ്പിക്കുന്ന പൊറിഞ്ചു, നൈല ഉഷയുടെ മറിയം, ചെമ്പന്‍ വിനോദിന്റെ ജോസ് എന്നീ മൂന്ന് കഥാപാത്രങ്ങളാണ് ചിത്രത്തിന്റെ പ്രധാന ഹൈലൈറ്റ്.