40 കഴിഞ്ഞ് അമ്മയായ ബോളിവുഡ് സുന്ദരിമാർ

2016ലായിരുന്നു കരീന കപൂറിനും സെയ്ഫ് അലിഖാനും തൈമുര്‍ അലിഖാന്‍ ജനിക്കുന്നത്. തുടര്‍ന്ന് 2021ലായിരുന്നു ഇരുവര്‍ക്കും ജെഹ് അലിഖാന്‍ എന്ന കുഞ്ഞ് ജനിക്കുന്നത്. ജെഹ് ജനിക്കുമ്പോള്‍ കരീനയുടെ പ്രായം നാല്‍പ്പതായിരുന്നു.  

2020ലായിരുന്നു ശില്‍പ ഷെട്ടി വാടക ഗര്‍ഭധാരണത്തിലൂടെ രണ്ടാമത്തെ കുഞ്ഞിനെ സ്വീകരിച്ചത്. ആ സമയത്ത് 37വയസ്സായിരുന്നു നടിക്ക്. ഒന്നാമത്തെ കുഞ്ഞിനു ശേഷം നിരവധി തവണ ശില്‍പ ഷെട്ടി ഗര്‍ഭം ധരിച്ചിരുന്നു. എന്നാല്‍ അതെല്ലാം തന്നെ അബോര്‍ഷനാവുകയായിരുന്നു.

2016ലായിരുന്നു കരണ്‍ സിങ് ഗ്രോവറും ബിപാഷ ബസുവും തമ്മിലുള്ള വിവാഹം. ഈ അടുത്തിടെയായിരുന്നു താന്‍ അമ്മയാവാന്‍ പോവുന്ന കാര്യം ബിപാഷ ആരാധകരെ അറിയിച്ചത്. തുടര്‍ന്ന് നിറവയറില്‍ നില്‍ക്കുന്ന ഫോട്ടോകളും ബിപാഷ പങ്കുവെച്ചിരുന്നു.

2008ലായിരുന്നു ചലച്ചിത്ര സംവിധായികയും കൊറിയോഗ്രാഫറുമായ ഫറാ ഖാന് മൂന്ന് കുഞ്ഞുങ്ങള്‍ ജനിച്ചത്. ആ സമയത്ത് നാല്‍പ്പത്തിമൂന്ന് വയസായിരുന്നു താരത്തിന്.

തന്റെ നാല്‍പ്പതാമത്തെ വയസ്സിലായിരുന്നു നടി നേഹ ധുപിയ രണ്ടാമത്തെ കുഞ്ഞിനെ പ്രസവിച്ചത്. മെഹര്‍, ഗൗരിഖ് സിങ് എന്നിങ്ങനെ രണ്ടു കുട്ടികളാണ് നടിക്കുള്ളത്.