ലോകം കാതോർത്ത തമിഴ് പാട്ടുകള്‍; യൂട്യൂബില്‍ ഏറ്റവും കൂടുതല്‍ കാഴ്ചക്കാരുള്ള 5 ഗാനങ്ങള്‍

യൂട്യൂബില്‍ തരംഗം തീര്‍ത്ത ഗാനമായിരുന്നു മാരി 2 വിലെ ''റൗഡി ബേബി''. 2018ല്‍ പുറത്തിറങ്ങിയ ഗാനത്തിന് 1.3 ബില്യണ്‍ വ്യൂസാണ് ഇതുവരെയായി ലഭിച്ചിട്ടുള്ളത്. പ്രഭുദേവയാണ്  ഗാനത്തിന്റെ കൊറിയോഗ്രാഫര്‍. യുവന്‍ ശങ്കര്‍ രാജയാണ് സൂപ്പര്‍ഹിറ്റ് ഗാനത്തിന്റെ സംഗീത സംവിധായകന്‍.

ലോകമെമ്പാടുമുള്ള സംഗീത പ്രേമികള്‍ ഒരുപോലെ ഏറ്റെടുത്ത ഗാനമായിരുന്നു ''എന്‍ജോയ് എന്‍ജാമി''. റാപ്പര്‍ അറിവും ധീയും ചേര്‍ന്നാണ് ഗാനം ആലപിച്ചിരിക്കുന്നത്. 423 ബില്യണ്‍ വ്യൂസാണ് എന്‍ജോയ് എന്‍ജാമിക്ക് ഇതുവരെയായി ലഭിച്ച വ്യൂസ്.  

യൂട്യൂബില്‍ തരംഗമായി തീര്‍ന്ന മറ്റൊരു ഗാനമാണ് വിജയ് ചിത്രം ബീസ്റ്റിലെ അറബിക് കുത്ത്. നടന്‍ ശിവകാര്‍ത്തികേയന്റെ വരികള്‍ക്ക് അനിരുദ്ധ് രവിചന്ദര്‍ ഈണം നല്‍കിയ ഗാനം 12 ദിവസങ്ങള്‍കൊണ്ട് 10 കോടിയിലേറെയാണ് വ്യൂസ് നേടിയത്. നിലവില്‍ 438 ബില്യണ്‍ വ്യൂസാണ് ഗാനത്തിനുള്ളത്.  

യൂട്യൂബില്‍ തരംഗം തീര്‍ത്ത മറ്റൊരു ഗാനമായിരുന്നു വിജയ് ചിത്രം മാസ്റ്ററിലെ വാത്തി കമിംഗ്. അനിരുദ്ധ് സംഗീത സംവിധാനം നിര്‍വ്വഹിച്ച ഗാനത്തിന് ഇനിനോടകം 369 ബില്യണ്‍ വ്യൂസാണ് ലഭിച്ചത്. പൊങ്കല്‍ റിലീസായി എത്തിയ ചിത്രത്തിനും മികച്ച പ്രേക്ഷക സ്വീകാര്യതയായിരുന്നു ലഭിച്ചത്.    

ലോകമെമ്പാടുമുള്ള സംഗീതപ്രേമികള്‍ ഒരുപോലെ ആഘോഷമാക്കിയ ഗാനമായിരുന്നു വൈ ദിസ് കൊലവെറി ഡി. ധനുഷ് ആലപിച്ച ഗാനം പുറത്തിറങ്ങിയ ഒരാഴ്ചയ്ക്കുള്ളില്‍ യൂട്യൂബിലൂടെ 35 ലക്ഷത്തിലധികം പേരാണ് കണ്ടത്. നിലവില്‍ 328 ബില്യണ്‍ വ്യൂസാണ് ഗാനത്തിനുള്ളത്‌.