നല്ല ദാമ്പത്യത്തിനുള്ള ഭാഗ്യം എനിക്കില്ലായിരുന്നു! പ്രതാപ് പോത്തന്റെ വിവാഹത്തില്‍‌ സംഭവിച്ചത്

തമിഴ് താരം രാധികയായിരുന്നു പ്രതാപ് പോത്തന്റെ ആദ്യ ഭാര്യ. 1985ലായിരുന്നു ഇരുവരുടെയും വിവാഹം. പ്രതാപ് പോത്തന്‍ ആദ്യമായി സംവിധാനം ചെയ്ത ചിത്രത്തിലെ നായികയായിരുന്നു രാധിക. 

''മീണ്ടും ഒരു കാതല്‍ കഥൈ'' എന്ന ചിത്രത്തിന്റെ ഷൂട്ടിങ്ങ് സമയത്തായിരുന്നു രാധികയും പ്രതാപും പ്രണയത്തിലാവുന്നത്. പിന്നീട് വിവാഹം കഴിക്കാമെന്ന് രണ്ടുപേരും തീരുമാനിക്കുകയായിരുന്നു.

എന്നാല്‍ വിവാഹത്തിന് രാധികയുടെയും പ്രതാപിന്റെയും വീട്ടുകാര്‍ സഹകരിച്ചിരുന്നില്ല. എതിര്‍പ്പുകളെ മറികടന്നുകൊണ്ട് ഏതാണ്ട് രണ്ടു വര്‍ഷക്കാലം ഇരുവരും ഒന്നിച്ചു കഴിഞ്ഞിരുന്നു. 

എന്നാല്‍ രാധികയുമായുള്ള ബന്ധത്തില്‍ മക്കളില്ലായിരുന്നു. തുടര്‍ന്ന് പ്രശ്‌നങ്ങളുണ്ടാവുകയും ഇരുവരും വേര്‍പിരിയുകയും ചെയ്യുകയായിരുന്നു. ''ആ ബന്ധം തകര്‍ന്നതില്‍ ഞങ്ങള്‍ രണ്ടു പേരും കുറ്റക്കാരാണ്. ഒരാളെ മാത്രമായി നിങ്ങള്‍ക്ക് കുറ്റപ്പെടുത്താനാവില്ല'' എന്നായിരുന്നു രാധികയുമായുള്ള വിവാഹത്തെക്കുറിച്ച് പ്രതാപ് പോത്തന്‍ ഒരു അഭിമുഖത്തില്‍ പറഞ്ഞത്.

രാധികയുമായുള്ള വിവാഹമോചനത്തിനുശേഷം 1990ലാണ് പ്രതാപ് പോത്തന്‍ മറ്റൊരു വിവാഹം കഴിക്കുന്നത്. ടാറ്റയുടെ ജനറല്‍ മാനേജറായി ജോലി ചെയ്തിരുന്നു അമല സത്യനാഥായിരുന്നു പ്രതാപിന്റെ രണ്ടാമത്തെ ഭാര്യ.  

അമലയുമായുള്ള വിവാഹത്തില്‍ കേയ എന്നൊരു മകളുണ്ട് താരത്തിന്. എന്നാല്‍ ആ ബന്ധവും അധികനാള്‍ നീണ്ടുപോയില്ല. 2012ല്‍ ഇരുവരും വേര്‍പിരിഞ്ഞു.