കോടികളുടെ ഇന്റീരിയര്‍, ഗ്ലാസില്‍ തീര്‍ത്ത കോണിപ്പടികള്‍; ഷാഹിദ് കപൂറിന്റെ പുതിയ വീടിന്റെ വില 58 കോടിയോ ? സത്യമിതാണ്

പുതിയ വീടിന്റെ ഇന്റീരിയറിനായി കോടികളാണ് ഷാഹിദ് ചിലവഴിച്ചത് എന്നാണ് റിപ്പോര്‍ട്ടുകള്‍. വിദേശത്തു നിന്നും കൊണ്ടുവന്ന സോഫകളാണ് വീടിന്റെ ഏറ്റവും വലിയ പ്രത്യേകത. സോഫ കഴിഞ്ഞാല്‍ ഷാഹിദിന്റെ പുതിയ വീടിന്റെ ഏറ്റവും വലിയ പ്രത്യേകത നിലത്ത് വിരിച്ച മാര്‍ബിളാണ്. അതിനൊപ്പം യോജിച്ച ഇന്റീരിയര്‍ ഡിസൈന്‍ കൂടി ആയപ്പോള്‍ ഷാഹിദിന്റെ വീട് കൊട്ടാരം പോലെയെന്നാണ് സോഷ്യല്‍മീഡിയ പറയുന്നത്.

മോഡണ്‍ ലുക്കിലുള്ള അടുക്കളയാണ് പുതിയ വീടിനായി ഷാഹിദ് ഒരുക്കിയത്. എന്നാല്‍ മോഡേണ്‍ ലുക്കിലും വളരെ ലളിതമായാണ് ഷാഹിദ് അടുക്കള ഒരുക്കിയിരിക്കുന്നത്. ഇവിടെയും യോജിച്ച ഇന്റീരിയര്‍ ഡിസൈന്‍ ആണ് ഷാഹിദ് തിരഞ്ഞെടുത്തത്. 

ഷാഹിദിന്റെ വീടിന്റെ ഏറ്റവും വലിയ ഹൈലൈറ്റ് ഗ്ലാസില്‍ തീര്‍ത്ത കോണിപ്പടികളാണ്. കറുത്ത ഗ്ലാസില്‍ അതിമനോഹരമായാണ് കോണിപ്പടികള്‍ ഒരുക്കിയത്. ഇതിനായി താരം ലക്ഷങ്ങള്‍ ചിലവഴിച്ചു എന്നാണ് വാര്‍ത്തകള്‍. ഒരു മിനുട്ട് പരസ്യത്തിന് മാത്രം കോടികള്‍ പ്രതിഫലം വാങ്ങുന്ന ഷാഹിദ് വീടിനായും കോടികളാണ് ചിലവഴിച്ചത്.

കടലിന് അഭിമുഖമായി വരുന്ന രീതിയിലാണ് പുതിയ വീട് ഒരുക്കിയിരിക്കുന്നത്. വീടിന്റെ ബാല്‍ക്കണിയില്‍ നിന്നും ഷാഹിദും മിറയും കടല്‍ കാഴ്ചകള്‍ ആസ്വദിക്കുന്ന ചിത്രങ്ങള്‍ അടുത്തിടെ വൈറലായിരുന്നു. മുംബൈയിലെ വോര്‍ളിയിലാണ് ഷാഹിദിന്റെ പുതിയ വീട്.  

പുറത്ത് വരുന്ന റിപ്പോര്‍ട്ടുകള്‍ ശരിയാണെങ്കില്‍ ഷാഹിദിന്റെ പുതിയ വീടിന്റെ വില 58 കോടിയാണ്. ഷാഹിദും ഭാര്യ മിറ രജപുത്തും പുതിയ വീടിന്റെ ബാല്‍ക്കണിയില്‍ നില്‍ക്കുന്ന ചിത്രങ്ങള്‍ അടുത്തിടെ സോഷ്യല്‍മീഡിയയില്‍ ഷെയര്‍ ചെയ്തിരുന്നു. പിന്നാലെ ചിത്രങ്ങള്‍ വൈറലാവുകയും ചെയ്തിരുന്നു.