Click it and Unblock the Notifications
ആറാട്ട് മുതല് എലോണ് വരെ; 2022ല് 5 മാസ് പടങ്ങളുമായി മോഹന്ലാല്
പ്രഖ്യാപനം മുതല്ക്കു തന്നെ പ്രേക്ഷകര് ആകാംക്ഷയോടെ കാത്തിരുന്ന മോഹന്ലാല് ചിത്രമാണ് ആറാട്ട്. നിരവധി തവണ റിലീസ് ഡേറ്റ് പ്രഖ്യാപിച്ച ചിത്രം ഏറ്റവുമൊടുവിലായി 2022ലാണ് തിയറ്ററുകളിലേക്ക് എത്തുന്നത്. ആറാട്ട് പോലെ തന്നെ 2022ല് പ്രേക്ഷകര് ആഘോഷമാക്കാന് കാത്തിരിക്കുന്ന പ്രധാനപ്പെട്ട 5 മോഹന്ലാല് ചിത്രങ്ങളെക്കുറിച്ച് കൂടുതലറിയാം.
ഉള്ളടക്ക പട്ടിക
മോഹന്ലാലിനെ നായകനാക്കി ബി ഉണ്ണികൃഷ്ണന് സംവിധാനം ചെയ്ത ചിത്രമാണ് ആറാട്ട്. ഉദയകൃഷ്ണയാണ് ചിത്രത്തിന്റെ തിരക്കഥ എഴുതിയിരിക്കുന്നത്. നെയ്യാറ്റിന്കര ഗോപന് എന്ന കഥാപാത്രത്തെയാണ് മോഹന്ലാല് ചിത്രത്തില് അവതരിപ്പിക്കുന്നത്. പ്രത്യേക ലക്ഷ്യത്തോടെ ഗോപന് നെയ്യാറ്റിന്കരയില് നിന്നും പാലക്കട്ടെ ഒരു ഗ്രാമത്തില് എത്തുന്നതും തുടര്ന്നുണ്ടാകുന്ന സംഭവങ്ങളുമാണ് ചിത്രം പറയുന്നത്.
ദൃശ്യത്തിനുശേഷം മോഹന്ലാലും ജീത്തു ജോസഫും വീണ്ടുമൊന്നിക്കുന്ന ചിത്രമാണ് റാം. തൃഷയാണ് ചിത്രത്തില് നായികയായി എത്തുന്നത്. എറണാകുളം, ധനുഷ്കോടി, ഡല്ഹി, ഉസ്ബക്കിസ്ഥാന്, കെയ്റോ, ലണ്ടന് എന്നിവിടങ്ങളാണ് പ്രധാന ലൊക്കേഷനുകള്. ഒരു ആക്ഷന് ത്രില്ലര് റിയലിസ്റ്റിക് സ്വഭാവത്തിലുള്ള ചിത്രം ബിഗ് ബജറ്റിലാണ് ഒരുക്കിയത്.
മലയാളത്തിന്റെ പ്രിയതാരം മോഹന്ലാല് ആദ്യമായി സംവിധായകനാവുന്ന ചിത്രമാണ് ബറോസ്. ഇന്ത്യയിലെ ആദ്യ ത്രീഡി ചിത്രമായ മൈ ഡിയര് കുട്ടിച്ചാത്തന് എന്ന ചിത്രത്തെ ആസ്പദമാക്കിയാണ് സിനിമയൊരുങ്ങുന്നത്. 'ബറോസ്സ് ഗാഡിയന് ഓഫ് ഡി ഗാമാസ് ട്രഷര്' എന്ന പേരില് ജിജോ ഇംഗ്ലീഷില് എഴുതിയ കഥയാണ് സിനിമയാവുന്നത്.
മോഹന്ലാലിനെ നായകനാക്കി ജീത്തു ജോസഫ് സംവിധാനം ചെയ്യുന്ന ചിത്രമാണ് ട്വല്ത് മാന് .കെ.ആര് കൃഷ്ണകുമാര് ആണ് ചിത്രത്തിന്റെ തിരക്കഥാകൃത്ത്. അദിതി രവി, അനുശ്രീ, പ്രിയങ്ക നായര്, വീണ നന്ദകുമാര്, ലിയോണ ലിഷോയ്, ശിവദ, സൈജു കുറുപ്പ്, അനു മോഹന് തുടങ്ങിയവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
മോഹന്ലാലിനെ നായകനാക്കി പൃഥ്വിരാജ് സുകുമാരന് സംവിധാനം ചെയ്ത ചിത്രമാണ് ബ്രോ ഡാഡി. കല്യാണി പ്രിയദര്ശന്, സൗബിന് ഷാഹിര്, മീന, കനിഹ, ലാലു അലക്സ്, മുരളി ഗോപി എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
Continue with Google