വിവാഹ മോചനത്തില്‍ അവസാനിച്ച മലയാള സിനിമയിലെ പ്രണയവിവാഹങ്ങള്‍

ഏറെ നാളത്തെ പ്രണയത്തിനൊടുവില്‍ 1987ലാണ് സരിതയും മുകേഷും വിവാഹിതരായത്. പിന്നീട് 1996 മുതല്‍ ഇരുവരും അകന്നു കഴിയാന്‍ തുടങ്ങി. തുടര്‍ന്ന് 2013ല്‍ മുകേഷ് മേതില്‍ ദേവികയെ വിവാഹം ചെയ്യുകയായിരുന്നു.  

1998ലായിരുന്നു ദിലീപും മഞ്ജു വാര്യരും തമ്മിലുള്ള വിവാഹം. പ്രണയവിവാഹമായതിനാല്‍ തന്നെ മഞ്ജു വാര്യരുടെ വീട്ടുകാര്‍ക്ക് വിവാഹത്തിന് താല്‍പര്യമുണ്ടായിരുന്നില്ല. വിവാഹശേഷം മഞ്ജു സിനിമയില്‍ നിന്നും വിട്ടു നില്‍ക്കുകയും ചെയ്തിരുന്നു. എന്നാല്‍ 2015ല്‍ ഇരുവരും വേര്‍പിരിയുകയായിരുന്നു.  

ഏറെ നാളത്തെ പ്രണയത്തിനൊടുവില്‍ 1984ലായിരുന്നു ശാന്തികൃഷ്ണയും ശ്രീനാഥും തമ്മിലുള്ള വിവാഹം. സിനിമ ഷൂട്ടിങ്ങിനിടെയായിരുന്നു ഇരുവരുടെയും പ്രണയം തുടങ്ങിയത്. എന്നാല്‍ 1995ല്‍ ഇരുവരും വിവാഹമോചിതരായി.  

ഏറെ നാളത്തെ പ്രണയത്തിനൊടുവിലാണ് 1990ല്‍ പ്രിയദര്‍ശനും ലിസിയും വിവാഹിതരായത്. വിവാഹശേഷം ലിസി ഹിന്ദു മതം സ്വീകരിച്ച് പേരും മാറ്റിയിരുന്നു. എന്നാല്‍ 2016ല്‍ ഇരുവരും വിവാഹമോചിതരായി.  

മലയാള സിനിമ ആഘോഷമാക്കിയ വിവാഹമായിരുന്നു മനോജ് കെ ജയന്റെയും ഉര്‍വശിയുടേതും. പ്രണയത്തിനൊടുവില്‍ 2000ത്തില്‍ വിവാഹിതരായ ഇരുവരും പക്ഷേ 2008ല്‍ പിരിഞ്ഞു.