Click it and Unblock the Notifications
കരുത്തുറ്റ കഥാപാത്രങ്ങളുമായി വിനായകന് ; അണിയറയില് ഒരുങ്ങുന്നത് അഡാറ് സിനിമകള്
ചരിത്രം മറന്നുപോയ കരിന്തണ്ടനെന്നെ നായകന്റെ കഥ പറയുന്ന കരിന്തണ്ടന് എന്ന ചിത്രത്തിനായി പ്രേക്ഷകര് ഒന്നടങ്കം കാത്തിരിക്കുകയാണ്. ലീല സന്തോഷ് സംവിധാനം ചെയ്യുന്ന ചിത്രത്തില് വിനായകനാണ് കരിന്തണ്ടനായി എത്തുന്നത്. അതുകൊണ്ടുതന്നെ ചിത്രം അതിഗംഭീരമാകുവെന്നാണ് പ്രേക്ഷകരുടെ വിലയിരുത്തല്. ഈ ചിത്രം മാത്രമല്ല പട, ആട് 3, ഒരുത്തീ തുടങ്ങി നിരവധി ചിത്രങ്ങളില് വിനായകന് കേന്ദ്രകഥാപാത്രത്തെ അവതരിപ്പിക്കുന്നുണ്ട്.
ഉള്ളടക്ക പട്ടിക
വിനായകനെ നായകനാക്കി ലീല സന്തോഷ് സംവിധാനം ചെയ്യുന്ന ചിത്രമാണ് 'കരിന്തണ്ടന്'. താമരശ്ശേരി ചുരം പാത യാഥാര്ഥ്യമാവാന് മുമ്പില് നിന്ന് പ്രവര്ത്തിച്ച കരിന്തണ്ടന്റെ കഥയാണ് ചിത്രം പറയുന്നത്. ചരിത്രം മറന്നുപോയ കരിന്തണ്ടനെന്നെ നായകനെ പുനരാവിഷ്കരിക്കുകയാണ് ചിത്രത്തിലൂടെ സംവിധായിക.
വിനായകന്,കുഞ്ചാക്കോ ബോബന്,ജോജു ജോര്ജ്ജ് എന്നിവര് പ്രധാന കഥാപാത്രങ്ങളെ അവതരിപ്പിക്കുന്ന ചിത്രമാണ് പട. 2012ല് പുറത്തിറങ്ങിയ ഹിന്ദി ചിത്രം ഐഡിയുടെ സംവിധായകന് കമല് കെ എം ആണ് ചിത്രത്തിന്റെ സംവിധായകന്.
മമ്മൂട്ടി നായകനായി 2007-ൽ പുറത്തിറങ്ങിയ സൂപ്പർ ഹിറ്റ് ചിത്രമായ ബിഗ് ബി യുടെ രണ്ടാം ഭാഗമാണ് ബിഗ് ബി 2. ബോളിവുഡ് ചിത്രങ്ങളോട് കിടപിടിക്കുന്ന സാങ്കേതിക മികവുകൊണ്ട് ശ്രദ്ധിക്കപ്പെട്ട ബിഗ് ബി അമൽ നീരദ് എന്ന സംവിധായകന്റെ ആദ്യ ചിത്രമായിരുന്നു. വർഷങ്ങൾക്ക് ശേഷം സായിപ്പ് ടോണിയുടെ സഹോദരൻ ബിലാലിനോടും കൂട്ടരോടും പ്രതികാരം ചെയ്യാൻ വരുന്നതാണ് ചിത്രത്തിന്റെ കഥ.
ബോക്സോഫീസില് മികച്ച വിജയം നേടിയ ആട് 2വിന്റെ മൂന്നാംഭാഗമാണ് ആട് 3. മിഥുന് മാനുവല് തോമസ് സംവിധാനം ചെയ്യുന്ന ചിത്രത്തിന്റെ പ്രഖ്യാപനം ആട് 2വിന്റെ നൂറാം ദിനാഘോഷ ചടങ്ങുകള്ക്കിടയിലാണ് നടന്നത്. ചിത്രം ത്രീഡിയിലായാരിക്കുമെന്നാണ് റിപ്പോര്ട്ടുകള്.
നീണ്ട ഇടവേളയ്ക്ക് ശേഷം നവ്യ നായര് നായികയായി എത്തുന്ന ചിത്രമാണ് ഒരുത്തീ. വി കെ പ്രകാശാണ് ചിത്രം സംവിധാനം ചെയ്യുന്നത്. എസ് സുരേഷ് ബാബു ആണ് ചിത്രത്തിന്റെ കഥയും,തിരക്കഥയും,സംഭാഷണവും എഴുതിയിരിക്കുന്നത്. ജിംഷി ഖാലിദ് ഛായാഗ്രഹണവും ലിജോ പോള് എഡിറ്റിങ്ങും നിര്വ്വഹിക്കുന്നു.
Continue with Google