തള്ളല്ല! 2022 ല്‍ കോടികള്‍ നേടിയ മലയാള സിനിമകള്‍

2022ലെ ഹിറ്റ് ചിത്രങ്ങളിലൊന്നാണ് മമ്മൂട്ടി-അമല്‍ നീരദ് കൂട്ടുക്കെട്ടില്‍ പുറത്തിറങ്ങിയ ഭീഷ്മ പര്‍വ്വം. അമല്‍ നീരദ് പ്രൊഡക്ഷന്‍ കമ്പനിയുടെ ബാനറില്‍ നിര്‍മ്മിച്ച ചിത്രം വേള്‍ഡ് വൈഡായി 115 കോടിയാണ് കളക്ഷന്‍ നേടിയത്.  

2022ല്‍ പ്രേക്ഷകര്‍ ഒന്നടങ്കം ആഘോഷമാക്കിയ ചിത്രമായിരുന്നു ടൊവീനോ തോമസ് നായകനായി എത്തിയ തല്ലുമാല. ആഷിഖ് ഉസ്മാന്‍ പ്രൊഡക്ഷന്‍സിന്റെ ബാനറില്‍ നിര്‍മ്മിച്ച ചിത്രത്തിന്റെ വേള്‍ഡ് വൈഡ് കളക്ഷന്‍ വിക്കിപീഡിയയുടെ റിപ്പോര്‍ട്ടുകള്‍ പ്രകാരം 72 കോടിയാണ്.  

2022ല്‍ തരംഗമായ മറ്റൊരു ചിത്രമായിരുന്നു വിനീത് ശ്രീനിവാസന്‍ സംവിധാനം ചെയ്ത ഹൃദയം. പ്രണവ് മോഹോന്‍ലാല്‍, കല്യാണി പ്രിയദര്‍ശന്‍, ദര്‍ശന രാജേന്ദ്രന്‍ തുടങ്ങിയവര്‍ പ്രധാന താരങ്ങളായി എത്തിയ ചിത്രം വേള്‍ഡ് വൈഡായി 69 കോടി കളക്ഷന്‍ നേടിയെന്നാണ് വിക്കിപീഡിയയുടെ റിപ്പോര്‍ട്ട് പറയുന്നത്.  

പ്രഖ്യാപനം മുതല്‍ പ്രേക്ഷകര്‍ക്കിടയില്‍ ചര്‍ച്ചയായ ചിത്രമായിരുന്നു പൃഥ്വിരാജ് നായകനായി എത്തിയ ജന ഗണ മന. പൃഥ്വിരാജ് പ്രൊഡക്ഷന്‍സ്, മാജിക് ഫ്രെയിംസ് എന്നിവയുടെ ബാനറില്‍ നിര്‍മ്മിച്ച ചിത്രത്തിന്റെ വേള്‍ഡ് വൈഡ് കളക്ഷന്‍ 55 കോടിയായിരുന്നു.  

പൃഥ്വിരാജ് ഫാന്‍സ് 2022ല്‍ ആഘോഷമാക്കിയ മറ്റൊരു ചിത്രമായിരുന്നു കടുവ. അച്ചായനായി പൃഥ്വി കസറിയ ചിത്രം വേള്‍ഡ് വൈഡായി 52 കോടിയാണ് നേടിയത്.