ചാക്കോ മാഷും നന്ദകുമാര്‍ വര്‍മയും; മലയാള സിനിമയിലെ പ്രിയപ്പെട്ട അധ്യാപകര്‍

വെളിപാടിന്റെ പുസ്തകം, ദൂരെ ദൂരെ കൂടുകൂട്ടാം, കമലദളം, വടക്കുംനാഥന്‍, ലൈഫ് ഈസ് ബ്യൂട്ടിഫുള്‍ തുടങ്ങി നിരവധി ചിത്രങ്ങളില്‍ മോഹന്‍ലാല്‍ അധ്യാപകനായി അഭിനയിച്ചിട്ടുണ്ട്. 2000ത്തില്‍ പുറത്തിറങ്ങിയ ലൈഫ് ഈസ് ബ്യൂട്ടിഫുള്ളിലെ വിനയചന്ദ്രന്‍, 1992ല്‍ പുറത്തിറങ്ങിയ കമലദളത്തിലെ നന്ദഗോപന്‍ എന്നീ കഥാപാത്രങ്ങള്‍ ഏറെ ശ്രദ്ധിക്കപ്പെട്ടിരുന്നു.  

അധ്യാപകനായി നിരവധി സിനിമകളില്‍ അഭിനയിച്ച നടനാണ് മലയാളത്തിന്റെ മെഗാസ്റ്റാര്‍ മമ്മൂട്ടി. തനിയാവര്‍ത്തനം, മഴയെത്തും മുന്‍പേ, അനുബന്ധം തുടങ്ങിയ ചിത്രങ്ങളില്‍ മമ്മൂട്ടി അവതരിപ്പിച്ച അധ്യാപക വേഷങ്ങള്‍ ഇന്നും പ്രേക്ഷകരുടെ പ്രിയപ്പെട്ട കഥാപാത്രങ്ങളാണ്.  

മലയാള സിനിമയിലെ അധ്യാപക കഥാപാത്രങ്ങളെ ഓര്‍ത്തെടുക്കുമ്പോള്‍ പ്രേക്ഷകര്‍ എന്നും ആദ്യം പറയുന്ന പേരാണ് സ്ഫടികത്തിലെ ചാക്കോ മാഷ്. തിലകന്‍ എന്ന മഹാനടന്റെ എക്കാലത്തെയും മികച്ച കഥാപാത്രങ്ങളിലൊന്നു കൂടിയാണ് ചാക്കോ മാഷ്.  

അധ്യാപകനായി നിരവധി സിനിമകളില്‍ അഭിനയിച്ച നടനാണ് മലയാളത്തിന്റെ പ്രിയപ്പെട്ട നടന്‍ നെടുമുടി വേണു. മാണിക്യക്കല്ല്, സ്ഫടികം, ദൂരെ ദൂരെ ഒരു കൂടു കൂട്ടാം, ചെപ്പ്, ഇംഗ്ലീഷ് മീഡിയം എന്നിവയാണ് അധ്യാപകനായി അഭിനയിച്ച പ്രധാന ചിത്രങ്ങള്‍.  

അധ്യാപകനായി തിളങ്ങിയ മറ്റൊരു നടനാണ് ശ്രീനിവാസന്‍. ചിന്താവിഷ്ടയായ ശ്യാമളയിലെ വിജയന്‍ മാഷ് ശ്രീനിവാസന്റെ മികച്ച അധ്യാപക കഥാപാത്രങ്ങളിലൊന്നാണ്‌.