Click it and Unblock the Notifications
ദേ പോയി ദാ വന്നു; ഒരിടവേളയ്ക്കുശേഷം ഗംഭീര തിരിച്ചു വരവ് നടത്തിയ മിനി സ്ക്രീൻ താരങ്ങൾ
മലയാളത്തിലെ ഏറ്റവും ജനപ്രീതിയുള്ള ടെലിവിഷന് പരമ്പരയാണ് ഫ്ളവേഴ്സില് സംപ്രേഷണം ചെയ്യുന്ന ഉപ്പും മുളകും. അഭിനേതാക്കളുടെ മികവുറ്റ അഭിനയം തന്നെയാണ് പരമ്പരയുടെ വിജയത്തിന് പിന്നില്. അതുകൊണ്ടുതന്നെയും പരമ്പരയിലെ അഭിനേതാക്കളെല്ലാം ടെലിവിഷന് പ്രേക്ഷകരുടെ പ്രിയപ്പെട്ടവരാണ്. ഉപ്പും മുളകും ആയിരത്തിലധികം എപ്പിസോഡുകളുമായി വിജയകരമായി മുന്നോട്ടു പോവുമ്പോഴായിരുന്നു ലച്ചുവായി അഭിനയിച്ച ജൂഹി റുസ്തഗി പരമ്പരയില് നിന്നും പിന്മാറിയത്. താരത്തിന്റെ പിന്മാറ്റം പരമ്പരയുടെ റേറ്റിങ്ങിനെ വരെ ബാധിച്ചിരുന്നു. എന്നാല് പിന്നീട് ഇടവേളയ്ക്ക് ശേഷം ജൂഹി ഉപ്പും മുളകില് തന്നെ തിരിച്ചെത്തുകയും ചെയ്തിരുന്നു. അഭിനയത്തില് നിന്നും ബ്രേക്കെടുക്കുന്നത് ബിഗ് സ്ക്രീനിലും മിനിസ്ക്രീനിലും ഒരുപോലെ പതിവുള്ള കാര്യമാണ്. അത്തരത്തില് ഒരിടവേളയ്ക്ക് ശേഷം മിനിസ്ക്രീനില് ഗംഭീര തിരിച്ച് വരവ് നടത്തിയ പ്രേക്ഷകരുടെ പ്രിയപ്പെട്ട അഞ്ച് താരങ്ങള് ഇവരാണ്.
ഉള്ളടക്ക പട്ടിക
ടെലിവിഷന് പ്രേക്ഷകരുടെ പ്രിയതാരമാണ് അവന്തിക മോഹന്. മോഡലിങ്ങിലൂടെ മിനിസ്ക്രീനിലെത്തിയ താരം ആത്മസഖി എന്ന സീരിയലിലൂടെയായിരുന്നു ശ്രദ്ധിക്കപ്പെട്ടത്. പിന്നീട് 2020ല് പ്രിയപ്പെട്ടവള് എന്ന സീരിയലില് അഭിനയിച്ചുക്കൊണ്ടിരിക്കുമ്പോഴായിരുന്നു താരം മിനിസ്ക്രീനില് നിന്നും ബ്രേക്കെടുത്തത്. കൊറോണയെ തുടര്ന്ന് ലോക്ക് ഡൗണ് വന്നതോടെ അവന്തികയ്ക്ക് ഷൂട്ടിങ്ങ് സെറ്റിലേക്ക് വരാന് ബുദ്ധിമുട്ടായതായിരുന്നു ഇടവേളയ്ക്ക് കാരണം. എന്നാല് 2021ല് ഏഷ്യാനെറ്റില് സംപ്രേഷണം ചെയ്ത തൂവല്സ്പര്ശം എന്ന സീരിയലിലൂടെ അവന്തിക ഗംഭീര തിരിച്ചു വരവ് നടത്തുകയും ചെയ്തിരുന്നു.
ഭ്രമണത്തിലെ ജോണ് സാമുവലായി വന്ന് പ്രേക്ഷക മനസില് ഇടം നേടിയ താരമാണ് വിന് സാഗര്. പിന്നീട് 'ജീവിത നൗക'യിലെ ഹരിയായി മുന്നേറുന്നതിനിടെയായിരുന്നു 2020ല് താരം പരമ്പരയില് നിന്നും പിന്മാറിയത്. കൊറോണയെ തുടര്ന്ന് ലോക്ക് ഡൗണ് പ്രഖ്യാപിച്ചതോടെ ഷൂട്ടിങ്ങ് സെറ്റിലേക്ക് സാഗറിന് എത്തിപ്പെടാന് കഴിയാത വരികയായിരുന്നു. തുടര്ന്ന് ഹരിയായി നിതിന് ജെയ്ക്കായിരുന്നു പരമ്പരയില് പിന്നീട് വന്നത്.
മിനിസ്ക്രീന് പ്രേക്ഷകരുടെടെ പ്രിയതാരമായ ദര്ശനദാസ് 'സുംമഗലി ഭവ' എന്ന സീരിയലില് അഭിനയിക്കുന്നതിനിടയിലായിരുന്നു മിനിസ്ക്രീനില് നിന്നും ഇടവേളയെടുത്തത്. സീരിയലിന്റെ അസിസ്റ്റന്റ് ഡയറക്ടര് അനൂപുമായുള്ള പ്രണയ വിവാഹത്തെ തുടര്ന്നായിരുന്നു അത്തരമൊരു ബ്രേക്ക് താരം എടുത്തത്. തുടര്ന്ന് ദര്ശനയ്ക്ക് പകരം സോനു സതീഷ് കുമാറായിരുന്നു ആ കഥാപാത്രത്തെ അവതരിപ്പിച്ചത്. എന്നാല് 2020ല് 'മൗനരാഗം' എന്ന സീരിയലിലൂടെ വീണ്ടും മിനിസ്ക്രീനില് സജീവമായിരിക്കുകയാണ് ദര്ശന. ദത്തു പുത്രി, കറുത്തമുത്ത്, സ്വന്തം സുജാത എന്നിവയാണ് ദര്ശനയുടെ ശ്രദ്ധിക്കപ്പെട്ട മറ്റു സീരിയലുകള്.
ജനപ്രിയ ടെലിവിഷന് പരമ്പരയായ ഉപ്പും മുളകിലൂടെ പ്രേക്ഷക മനസ് കീഴടക്കിയ താരമാണ് ജൂഹി റുസ്തഗി. ആയിരത്തിലധികം എപ്പിസോഡുകളുമായി പരമ്പര മുന്നേറിക്കൊണ്ടിരിക്കുമ്പോഴായിരുന്നു 2020ല് ജൂഹി അഭിനയത്തില് നിന്നും തന്നെ ബ്രേക്കെടുത്തത്. സീരിയലിന്റെ ഷൂട്ടിങ്ങ് തിരക്കുകള് കാരണം പഠിത്തത്തില് അധികം ശ്രദ്ധിക്കാന് കഴിയാതെ വന്നതോടെയായിരുന്നു താരത്തിന്റെ പിന്മാറ്റം. എന്നാല് പിന്നീട് ഇടവേളയ്ക്ക് ശേഷം ജൂഹി പരമ്പരയിലേക്ക് ഗംഭീര തിരിച്ചുവരവ് നടത്തുകയും ചെയ്തിരുന്നു.
ബിഗ് സ്ക്രീനില് നിന്നും മിനിസ്ക്രീനിലെത്തിയ ഐശ്വര്യ ഭാസ്ക്കരന് വളരെ പെട്ടെന്നായിരുന്നു 'ചെമ്പരത്തി' എന്ന സീരിയലിലൂടെ മിനിസ്ക്രീനിലും തിളങ്ങിയത്. എന്നാല് 2020ല് കൊറോണയെ തുടര്ന്ന് ലോക്ക് ഡൗണ് പ്രഖ്യാപിച്ചതോടെ ഐശ്വര്യ സീരിയലില് നിന്നും പിന്മാറിയിരുന്നു. പിന്നീട് 2021ല് തമിഴ് സീരിയലിലൂടെയായിരുന്നു ഐശ്വര്യ വീണ്ടും മിനിസ്ക്രീനിലെത്തിയത്.
Continue with Google