Click it and Unblock the Notifications
കോടികള് ഒഴുകിയ വിവാഹം; ബോളിവുഡിലെ 5 രാജകീയ വിവാഹങ്ങള്
വിവാഹത്തിന് കോടികള് ചിലവഴിക്കുന്നവരാണ് ബോളിവുഡ് താരങ്ങള്. അതുകൊണ്ടുതന്നെയും ബോളിവുഡ് താരങ്ങളുടെ വിവാഹങ്ങളെല്ലാം തന്നെ രാജകീയവുമാണ്. 2009ലായിരുന്നു ബിസിനസുകാരനായ രാജ് കുന്ദ്രയുമായുള്ള ശില്പ ഷെട്ടിയുടെ വിവാഹം. അന്ന് 50 ലക്ഷം വിലയുള്ള ചുവന്ന സാരിയായിരുന്നു ശില്പ അണിഞ്ഞത്. സാരി മാത്രമല്ല താരം അണിഞ്ഞ അഭരണങ്ങള്ക്കും ലക്ഷങ്ങളായിരുന്നു വില. വര്ഷങ്ങള് ഇത്ര കഴിഞ്ഞിട്ടും ശില്പ ഷെട്ടിയുടെ വിവാഹം ഇന്നും സോഷ്യല്മീഡിയയില് ചര്ച്ചയാണ്. ശില്പ ഷെട്ടി-രാജ് കുന്ദ്ര വിവാഹം പോലെ കോടികള് ഒഴുക്കിയ ബോളിവുഡിലെ 5 വിവാഹങ്ങളിതാ.
ഉള്ളടക്ക പട്ടിക
2018ല് ഇറ്റലിയിലെ ലേക് കോമോയില് വച്ചായിരുന്നു ദീപിക പദുക്കോണിന്റെയും രണ്വീര് സിങ്ങിന്റെ വിവാഹം. ബോളിവുഡിലെ പ്രശസ്ത ഡിസൈനര് സബ്യസാചിയായിരുന്നു വിവാഹവസ്ത്രങ്ങളുടെ ഡിസൈനര്. കൊങ്കിണി, സിന്ധി ആചാരപ്രകാരം നടന്ന വിവാഹത്തിനുശേഷം മുംബൈ, ബാംഗ്ലൂര് എന്നിവിടങ്ങളിലായി പാര്ട്ടിയും താരങ്ങള് നടത്തിയിരുന്നു. കോടികള് ചിലവഴിച്ച വിവാഹചിത്രങ്ങള് സോഷ്യല്മീഡിയയില് വൈറലാവുകയും ചെയ്തിരുന്നു.
ബോളിവുഡ് ഒന്നടങ്കം ഞെട്ടിയ വിവാഹമായിരുന്നു കരീന കപൂറിന്റേത്. കോടികള് ചിലവഴിച്ച വിവാഹത്തിന് പാരമ്പര്യമായി കൈമാറി വന്ന സാരിയായിരുന്നു കരീന ധരിച്ചത്. പിന്നീട് നടന്ന വിവാഹസല്ക്കാരത്തിന് ലക്ഷങ്ങളുടെ ലെഹങ്കയായിരുന്നു ധരിച്ചത്.
2009ലായിരുന്നു ബിസിനസുകാരനായ രാജ് കുന്ദ്രയുമായുള്ള ശില്പ ഷെട്ടിയുടെ വിവാഹം. 50 ലക്ഷം വിലയുള്ള ചുവന്ന സാരിയായിരുന്നു അന്ന് ശില്പ ധരിച്ചത്. വിവാഹമോതിരത്തിന് 3 കോടിയായിരുന്നു വില. ഇതിനെല്ലാം പുറമെ ലക്ഷങ്ങള് വിലയുള്ള വജ്രാഭരണമായിരുന്നു വിവാഹദിനത്തില് ശില്പ അണിഞ്ഞത്.
സബ്യസാചി ഡിസൈന് ചെയ്ത ലെഹങ്കയായിരുന്നു വിവാഹത്തിന് അനുഷ്ക ശര്മ അണിഞ്ഞത്. 32 ദിവസം കൊണ്ട് 76 തുന്നല്ക്കാരാണ് ലെഹങ്ക ഡിസൈന് ചെയ്തത്. 1 കോടിയുടെ വളരെ അപൂര്വമായ ഡയമണ്ട് പതിപ്പിച്ച മോതിരമായിരുന്നു വിരാട് കോഹ്ലി അനുഷ്കയ്ക്ക് നല്കിയത്. ഓസ്ട്രിയയിലെ ഡിസൈനറായിരുന്നു മോതിരം ഡിസൈന് ചെയ്തത്.
ബോളിവുഡിലെ സൂപ്പര്സ്റ്റാറുകള് പങ്കെടുത്ത രാജകീയ വിവാഹമായിരുന്നു ആലിയ ഭട്ടിന്റേത്. പഞ്ചാബി രീതിയില് നടന്ന ചടങ്ങുകള്ക്ക് അമ്പതില് താഴെ ആളുകള് മാത്രമാണ് പങ്കെടുത്തത്. 2022 ഏപ്രില് 14ന് പാലി ഹില്സിലെ രണ്ബീറിന്റെ വീടായ വാസ്തുവില് വച്ചായിരുന്നു ആലിയയുടെ രാജകീയ വിവാഹം നടന്നത്.
Continue with Google