Click it and Unblock the Notifications
മരണമില്ലാത്ത ഓര്മ്മകള്; കലാഭവന് മണിയുടെ മികച്ച കഥാപാത്രങ്ങള്
മലയാള സിനിമയില് കലാഭവന് മണി എന്ന പ്രതിഭ ബാക്കിവച്ച് പോയത് ഹൃദയം തൊടുന്ന ഒട്ടേറെ കഥാപാത്രങ്ങളെയാണ്. നാല് വര്ഷങ്ങള്ക്ക് മുമ്പ് 2016 മാര്ച്ച് 6ന് അദ്ധേഹത്തിന്റെ ഭൗതികശരീരം ഒരുനോക്കു കാണാന് ആര്ത്തിരമ്പിയെത്തിയ ജനക്കൂക്കൂട്ടത്തിന് ഇന്നും തങ്ങളുടെ പ്രിയപ്പെട്ട കലാഭവന് മണി മരിച്ചു എന്നത് വിശ്വസിക്കാന് കഴിഞ്ഞിട്ടില്ല.
ഉള്ളടക്ക പട്ടിക
കലാഭവന് മണി എന്ന നടന്റെ അഭിനയജീവിതത്തില് വഴിത്തിരിവുണ്ടാക്കിയ സിനിമയായിരുന്നു വിനയന് സംവിധാനം ചെയ്ത വാസന്തിയും ലക്ഷ്മിയും പിന്നെ ഞാനും. ചിത്രത്തിലെ അഭിനയത്തിന് ദേശീയ തലത്തിലും സംസ്ഥാന തലത്തിലും മണിയ്ക്ക് സ്പെഷ്യല് ജൂറി പുരസ്ക്കാരവും ലഭിച്ചിരുന്നു.ചിത്രത്തിലെ ഗാനങ്ങളുടെ ഏറെ ശ്രദ്ധിക്കപ്പെട്ടിരുന്നു.
വിനയന്റെ സംവിധാനത്തില് കലാഭവന് മണി പ്രധാനകഥാപാത്രമായി എത്തിയ മറ്റൊരു ചിത്രമായിരുന്നു കരുമാടിക്കുട്ടന്. രാജന് പി ദേവും കലാഭവന് മണിയും മത്സരിച്ചഭിനയിച്ച ചിത്രം കണ്ണു നനയാതെ ആര്ക്കും കണ്ടു തീര്ക്കാന് സാധിക്കില്ല. ചിത്രത്തില് കുട്ടന് എന്ന കഥാപാത്രമായി മണി ജീവിക്കുകയായിരുന്നു എന്നു തന്നെ പറയേണ്ടിവരും.
നായകനടന് മാത്രമല്ല തനിക്ക് വില്ലന് റോളും അസാധ്യമായി അഭിനയിക്കാന് കഴിയും എന്ന മണി തെളിയിച്ച ചിത്രമായിരുന്നു ഛോട്ടാ മുംബൈ. ചിത്രത്തില് കലാഭവന് മണി അവതരിപ്പിച്ച സി ഐ നടേശന് ഇന്നും പ്രേക്ഷകരുടെ ഇഷ്ടകഥാപാത്രങ്ങളിലൊന്നാണ്. മലയാളത്തിലെ ഏറ്റവും മികച്ച വില്ലന് കഥാപാത്രങ്ങളിലൊന്നു കൂടിയാണ് ഈ കഥാപാത്രം.
മണിയുടെ കരിയറിലെ മറ്റൊരു മികച്ച കഥാപാത്രമായിരുന്നു അനന്തഭദ്രത്തിലെ ചെമ്പന്. ദിഗംബരനായി മനോജ് കെ ജയന് നിറഞ്ഞാടിയ ചിത്രത്തില് കണ്ണു കാണാത്ത ചെമ്പനായി മണിയും മികച്ച പ്രകടനമായിരുന്നു കാഴ്ചവെച്ചത്. അതുകൊണ്ടുതന്നെയാണ് ദിഗംബരനൊപ്പം ചെമ്പനെയും പ്രേക്ഷകര് ഇരുംകൈയും നീട്ടി സ്വീകരിച്ചത്.
കുമരംകരി എന്ന കുട്ടനാടൻ ഗ്രാമത്തെയും അവിടുത്തെ പുരാതന സിറിയൻ പള്ളിയെയും അടിസ്ഥാനമാക്കി ലിജോ ജോസ് പെല്ലിശ്ശേരി സംവിധാനം ചെയ്ത ചിത്രമായിരുന്നു ആമേന്. ചിത്രത്തില് മണി അവതരിപ്പിച്ച ലൂയി പാപ്പനെ കണ്ണു നനയാതെ ആര്ക്കും ഓര്ക്കാന് പറ്റില്ല. എസ്തപ്പനാശാനെ ഓര്ത്ത് സങ്കടപ്പെടുന്ന ലൂയി പാപ്പന് കലാഭവന് മണി എന്ന നടന്റെ കൈകളില് ഭദ്രമായിരുന്നു.
ഇന്ദ്രജിത്ത് പൃഥ്വിരാജ് സുകുമാരന്, പൃഥ്വിരാജ് സുകുമാരന്, ആസിഫ് അലി, റഹ്മാൻ, കലാഭവൻ മണി, നിത്യ മേനോൻ എന്നിവർ പ്രധാന കഥാപാത്രങ്ങളായി എത്തിയ ചിത്രമായിരുന്നു ബാച്ച്ലര് പാര്ട്ടി. അമല് നീരദ് ആണ് ചിത്രത്തിന്റെ സംവിധായകന്. ചിത്രത്തില് അയ്യപ്പന് എന്ന കഥാപാത്രത്തെയായിരുന്നു കലാഭവന് മണി അവതരിപ്പിച്ചത്.
അനിൽ ബാബുവിന്റെ സംവിധാനത്തിൽ കലാഭവൻ മണി, തിലകൻ, ഗീതു മോഹൻദാസ് എന്നിവർ പ്രധാനവേഷങ്ങളിലെത്തിയ ചിത്രമായിരുന്നു വാൽക്കണ്ണാടി. ചിത്രത്തില് അപ്പുണ്ണി എന്ന കഥാപാത്രമായി മികച്ച പ്രകടനമായിരുന്നു മണി കാഴ്ചവെച്ചത്.
സിബി മലയിലിന്റെ സംവിധാനത്തിൽ സുരേഷ് ഗോപി, ജയറാം, മോഹൻലാൽ, മഞ്ജു വാര്യർ എന്നിവർ പ്രധാനവേഷങ്ങളിലെത്തിയ ചിത്രമായിരുന്നു സമ്മർ ഇൻ ബത്ലഹേം. ചിത്രത്തില് കലാഭവന് മണി അവതരിപ്പിച്ച മോനായി ഇന്നും പ്രേക്ഷകരുടെ ഇഷ്ടകഥാപാത്രങ്ങളിലൊന്നാണ്.
Continue with Google