മംമ്ത മോഹന്‍ദാസ് മുതല്‍ പ്രിയാമണി വരെ; ബിക്കിനിയണിഞ്ഞ മലയാളി നടിമാര്‍

1980ല്‍ പുറത്തിറങ്ങിയ മൂര്‍ഖന്‍ എന്ന ചിത്രത്തിലൂടെ മലയാള സിനിമയില്‍ അരങ്ങേറ്റം കുറിച്ച സുമലത തുടര്‍ന്ന് ചെറുതും വലതുമായി നിരവധി വേഷങ്ങളിലൂടെ പ്രേക്ഷകരുടെ പ്രിയപ്പെട്ട നടിയായി മാറുകയായിരുന്നു. മലയാളത്തില്‍ ശാലീനസുന്ദരിയായി അഭിനയിച്ച താരം വേട്ട എന്ന കന്നട ചിത്രത്തിലാണ് സ്വിമ്മിങ്ങ് സ്യൂട്ടില്‍ അല്‍പ്പം ഗ്ലാമറസായ വേഷ കൈകാര്യം ചെയ്തത്.  

അനശ്വരം എന്ന മലയാള ചിത്രത്തിലൂടെ ചലച്ചിത്ര രംഗത്തെത്തിയ ശ്വേത മേനോന്‍ കോണ്ടത്തിന്റെ പരസ്യത്തിലാണ് ആദ്യമായി ബിക്കിനി അണിഞ്ഞെത്തിയത്. തുടര്‍ന്ന് നാന്‍ അവന്‍ ഇല്ലൈ എന്ന തമിഴ് ചിത്രത്തിലും താരം ബിക്കിനി വേഷത്തിലഭിനയിച്ചിട്ടുണ്ട്.  

പ്രേക്ഷകരുടെ പ്രിയതാരം റായി ലക്ഷ്മി മലയാളത്തില്‍ ഗ്ലാമറസ് വേഷങ്ങളില്‍ എത്താറില്ലെങ്കിലും തമിഴിലും തെലുങ്കിലും താരത്തെ കൂടുതലും ഗ്ലാമര്‍ വേഷങ്ങളിലാണ് കാണാറുള്ളത്. തമിഴ്, തെലുങ്ക് എന്നിവയ്ക്കു പുറമെ ജൂലി എന്ന ബോളിവുഡ് ചിത്രത്തിലും ലക്ഷ്മി അതീവ ഗ്ലാമറസ് വേഷത്തിലാണ് പ്രേക്ഷകര്‍ക്കു മുമ്പിലെത്തുന്നത്.  

മലയാളത്തിന്റെ പ്രിയനടി ഗീതയും ബിക്കിനി വേഷത്തില്‍ അഭിനയിച്ചിട്ടുണ്ട്. പുതു പുതു അര്‍ത്തങ്കള്‍ എന്ന തമിഴ് ചിത്രത്തിലാണ് ഗീത ബിക്കിന് വേഷത്തില്‍ പ്രേക്ഷകര്‍ക്കു മുമ്പിലെത്തിയത്.  

2009ല്‍ പുറത്തിറങ്ങിയ ജോഷ് എന്ന തെലുങ്ക് ചിത്രത്തിലൂടെടെയാണ് കാര്‍ത്തിക നായര്‍ വെള്ളിത്തിരയിലെത്തുന്നത്. ലെനിന്‍ രാജേന്ദ്രന്‍ സംവിധാനം ചെയ്ത മകരമഞ്ഞാണ് താരത്തിന്റെ ആദ്യ മലയാള ചിത്രം. മലയാളം, തമിഴ്, തെലുങ്ക് എന്നീ ഭാഷകളിലായി നിരവധി ചിത്രങ്ങളില്‍ അഭിനയിച്ച കാര്‍ത്തിക ഒരു ഫോട്ടോഷൂട്ടിലാണ് ബിക്കിനി വേഷത്തിലെത്തിയത്.  

മയൂഖം എന്ന ചിത്രത്തിലൂടെ മലയാള സിനിമയിലെത്തിയ മംമ്ത മോഹന്‍ദാസ് 2006ല്‍ പുറത്തിറങ്ങിയ ലങ്ക എന്ന ചിത്രത്തിലാണ് ബിക്കിനി വേഷത്തിലെത്തിയത്. സുരേഷ് ഗോപിയായിരുന്നു ചിത്രത്തിലെ നായകന്‍.  

മലയാളത്തില്‍ ചുരുക്കം ചിത്രങ്ങളില്‍ മാത്രമേ അഭിനയിച്ചിട്ടുള്ളുവെങ്കിലും പ്രിയാമണി മലയാളികളുടെ പ്രിയപ്പെട്ട നടിമാരിലൊരാളാണ്. മലയാളത്തിനു പുറമെ തെലുങ്ക്, കന്നട, തമിഴ് ചലച്ചിത്രരംഗത്തും സജീവമായ താരം ഡോറ എന്ന തെലുങ്ക് ചിത്രത്തിലാണ് ബിക്കിനി വേഷത്തിലെത്തിയത്.