Click it and Unblock the Notifications
വക്കീല് മുതല് എഞ്ചിനീയര് വരെ; മലയാള സിനിമയിലെ പഠിപ്പിസ്റ്റുകള്
നിയമ ബിരുദം പാസാവുകയും കുറച്ചുകാലം വക്കീലായി പ്രാക്ടീസ് ചെയ്യുകയും ചെയ്തതിനു ശേഷമായിരുന്നു മെഗാസ്റ്റാര് മമ്മൂട്ടിയുടെ സിനിമാപ്രവേശനം. എന്നാല് മലയാള സിനിമയിലെ എല്ലാ താരങ്ങളുടെയും സ്ഥിതി ഇതല്ല. ചിലര് സിനിമയിലെ തിരക്കുകള് കാരണം പഠനം പാതിവഴിയില് ഉപേക്ഷിച്ചപ്പോള് മറ്റു ചില താരങ്ങള് സിനിമയ്ക്കായി തന്നെ പഠനം ഉപേക്ഷിക്കുകയായിരുന്നു. മലയാളത്തിലെ നിങ്ങളുടെ പ്രിയപ്പെട്ട താരങ്ങളുടെ വിദ്യാഭ്യാസ യോഗ്യത ഇതാ..
നിയമ ബിരുദം പാസാവുകയും കുറച്ചുകാലം വക്കീലായി പ്രാക്ടീസ് ചെയ്തതിനുശേഷമായിരുന്നു മെഗാസ്റ്റാര് മമ്മൂട്ടി തന്റെ ചലച്ചിത്രം ജീവിതം ആരംഭിക്കുന്നത്. ആലപ്പുഴ ജില്ലയിലെ എരമല്ലൂരിനടുത്തുള്ള ചന്തിരൂരിലായിരുന്നു താരത്തിന്റെ സ്കൂൾ വിദ്യാഭ്യാസം. കൊച്ചിയിലെ മഹാരാജാസ് കോളേജിൽ നിന്നാണ് ബിരുദം നേടിയത്. തുടർന്ന് എറണാകുളത്തുള്ള ഗവൺമെന്റ് ലോകോളേജിൽ നിന്ന് അഭിഭാഷകനായി പുറത്തിറങ്ങിയ മമ്മൂട്ടി, മഞ്ചേരിയിൽ അഡ്വക്കേറ്റ് ശ്രീധരൻ നായരുടെ ജൂനിയർ അഭിഭാഷകനായി രണ്ടു വർഷം സേവനമനുഷ്ഠിക്കുകയായിരുന്നു. കൂടുതല് കാണാം
തിരുവനന്തപുരത്തെ മഹാത്മ ഗാന്ധി കോളേജില് നിന്നും ബികോം പഠനം പൂര്ത്തിയാക്കിയതിനുശേഷമാണ് മലയാളത്തിന്റെ പ്രിയ താരം മോഹന്ലാല് തന്റെ ചലച്ചിത്ര ജീവിതം ആരംഭിക്കുന്നത്. കൂടുതല് കാണാം
സുവോളജി, ഇംഗ്ലീഷ് സാഹിത്യം എന്നിവയിലെല്ലാം ബിരുദം കരസ്ഥമാക്കിയതിനുശേഷമായിരുന്നു സുരേഷ് ഗോപി ചലച്ചിത്ര ജീവിതം ആരംഭിച്ചത്. തങ്കശ്ശേരി ഇന്ഫന്റ് ജീസസ് ആംഗ്ലോ ഇന്ത്യന് ഹൈസ്ക്കൂളിലായിരുന്നു പ്രാഥമിക വിദ്യാഭ്യാസം. കൊല്ലം ഫാത്തിമ മാതാ നാഷണല് കോളേജില് നിന്നും സുവോളജയില് ബിരുദവും ഇംഗ്ലീഷ് സാഹിത്യത്തില് ബിരുദാനന്തര ബിരുദവും കരസ്ഥമാക്കി. കൂടുതല് കാണാം
മലയാളത്തിന്റെ പ്രിയതാരം ജയസൂര്യ ബികോം പൂര്ത്തിയാക്കിയതിനുശേഷമാണ് ചലച്ചിത്രം ജീവിതം ആരംഭിക്കുന്നത്. ഡിഗ്രി പഠനത്തിനുശേഷം മിമിക്രി ട്രൂപ്പില് ചേരുകയും പിന്നീട് അവിടെനിന്നും സിനിമയിലേക്ക് വന്നു. കൂടുതല് കാണാം
മലയാളത്തിന്റെ പ്രിയതാരം പൃഥ്വിരാജിന്റെ ഇംഗ്ലീഷ് കേട്ട് മിക്കപ്പോഴും പ്രേക്ഷകര് അത്ഭുതപ്പെടാറുണ്ട്. വിദേശത്തായിരുന്നു താരത്തിന്റെ പഠനം. ഓസ്ട്രിയയിലെ യൂണിവേഴ്സിറ്റി ഓഫ് തസ്മേനിയയില് ഐടിയില് ബിഎ ചെയ്യുന്നതിനിടയില് അച്ഛന്റെ മരണത്തെ തുടര്ന്ന് താരം നാട്ടിലെത്തുകയായിരുന്നു. തുടര്ന്ന് നന്ദനത്തിലൂടെ സിനിമയിലേക്ക് കടന്നുവന്നു. കൂടുതല് കാണാം
2006ൽ ഫെഡറൽ ഇൻസ്റ്റിറ്റ്യൂട്ട് ഓഫ് സയൻസ് ആന്റ് ടെക്നോളജി|ഫെഡറൽ ഇൻസ്റ്റിറ്റ്യൂട്ട് ഓഫ് സയൻസ് ആന്റ് ടെക്നോളജിയിൽ നിന്നും ഇലക്ട്രോണിക്സ് ആന്റ് കമ്മ്യൂണിക്കേഷനിൽ എഞ്ചിനീയറിങ്ങ് നേടിയ താരമാണ് നിവിന് പോളി. തുടര്ന്ന് ഇന്ഫോസിസില് ജോലിയും ലഭിച്ചു. പിന്നീട് സിനിമയ്ക്കായി ജോലി ഉപേക്ഷിക്കുകയായിരുന്നു. കൂടുതല് കാണാം
കാലടിയിലുള്ള ശ്രീശങ്കര കോളേജിലാണ് മലയാളത്തിന്റെ പ്രിയതാരം ജയറാം വിദ്യാഭ്യാസം പൂർത്തിയാക്കിയത്. കോളേജ് കാലത്തു തന്നെ മിമിക്രിയിൽ നിരവധി പുരസ്ക്കാരങ്ങള് ലഭിച്ചിരുന്നു. കോളേജ് വിദ്യാഭ്യാസത്തിനു ശേഷമാണ് താരം കലാഭവനിൽ ചേരുന്നത്. ഇവിടെ നിന്നാണ് പദ്മരാജൻ ജയറാമിനെ പരിചയപ്പെടുന്നതും തന്റെ അപരൻ എന്ന ചിത്രത്തിലേക്ക് ജയറാമിനെ നായകനായി ക്ഷണിക്കുന്നതും. കൂടുതല് കാണാം
കേരളത്തിലും ചെന്നൈയിലെ ശിഷ്യ സ്കൂളിലുമായിരുന്നു ദുല്ഖര് സല്മാന്റെ പ്രാഥമിക വിദ്യാഭ്യാസം. തുടര്ന്ന് അമേരിക്കയിലെ പർഡ്യൂ സർവ്വകശാലയിൽ നിന്ന് ബി.ബി.എ. ബിരുദം നേടി. ബിരുദ പഠനത്തിനുശേഷമാണ് താരം സിനിമയിലേക്ക് കടന്നുവരുന്നത്. കൂടുതല് കാണാം
യൂണിവേഴ്സിറ്റി ഓഫ് മൈമില് ഒന്നരവര്ഷം എന്ജിനിയറിങ് പഠിക്കുകയും പിന്നീട് അതില് ശ്രദ്ധിക്കാന് കഴിയുന്നില്ലെന്ന് മനസ്സിലാക്കിയ ഫഹദ് അതേ യൂണിവേഴ്സിറ്റിില് ഫിലോസഫി പഠിക്കുകയായിരുന്നു. പിന്നീടാണ് നാട്ടില് വരികയും കേരള കഫേ എന്ന തന്റെ രണ്ടാമത്തെ ചിത്രത്തില് അഭിനയിക്കുന്നതും. കൂടുതല് കാണാം
തൊടുപുഴ ഡീപോൾ സ്ക്കൂള്, തൃപ്പൂണിത്തുറ പുത്തൻകുരിശു രാജർഷി മെമ്മോറിയൽ സ്ക്കൂള് എന്നിവിടങ്ങളിലായിരുന്നു ആസിഫ് അലിയുടെ പ്രാഥമിക വിദ്യാഭ്യാസം. തുടര്ന്ന് കുട്ടിക്കാനം മരിയൻ കോളേജിൽനിന്ന് ബിസിനസ് അഡ്മിനിസ്ട്രേഷനിൽ ബിരുദവും നേടി. ബിരുദ പഠനത്തിനുശേഷമാണ് താരം സിനിമയിലേക്ക് വരുന്നത്.
Disclaimer
The images featured on this page are sourced from publicly available platforms, official press releases, and promotional materials. These images are published strictly for editorial, informational, and news reporting purposes under the principles of fair use.
We do not claim ownership of any images unless explicitly stated. All image copyrights belong to their respective photographers, production houses, or copyright holders.
If you are the rightful owner of any image and believe that its use on this website is unauthorized or objectionable, please contact us ([email protected]) with proper details. We will promptly review and remove the content if required.
Continue with Google